كومپانيا قىزمەتكەرلەرىنىڭ سانى 850-دەن استام ادام, سونداي-اق مەردىگەرلىك ۇيىمداردا 300-دەن استام قىزمەتكەرلەر ەڭبەك ەتەدى. ءوندىرىس وشاعى قازىرگى ۋاقىتتا قىشقىلدانعان كەندى جىلىنا 2 ملن توننا كولەمىندە ۇيمەلىك سىلتىسىزدەندىرۋ ادىسىمەن وڭدەيدى جانە دورە قورىتپاسىندا جىل سايىن 50 مىڭنان استام ۋنتسيا التىن وندىرەدى. كومپانيا تيىمدىلىكتى ارتتىرۋ جانە شىعىنداردى ازايتۋ ءۇشىن ۇيمەلىك سىلتىسىزدەندىرۋدىڭ جاڭا تەحنولوگيالارىن ۇنەمى ەنگىزىپ وتىرادى.
جىلدىق قۋاتى 5 ملن تونناعا دەيىن باستاپقى كەندى قايتا وڭدەۋ ءۇشىن كەڭەيتۋ باعدارلاماسى اياسىندا 2018 جىلدىڭ قازان ايىندا التىن ءوندىرۋ فابريكاسىن سالۋ جوباسىن جوبالاۋ جانە ديزاين جاساۋ ماقساتىندا "RG Processing" جشس كومپانياسى قۇرىلدى. CIP ادىسىمەن ءسۋلفيدتى كەندى وڭدەۋ باعىتىنداعى جاڭا التىن ءوندىرۋ فابريكاسىنىڭ قۇرىلىس جۇمىستارى 2022 جىلدىڭ ءۇشىنشى توقسانىندا اياقتالىپ, ىسكە قوسىلادى دەپ جوسپارلانۋدا. بۇل رەتتە بارلىق وندىرىلەتىن ءونىم جەرگىلىكتى نارىقتا ساتىلادى.
زاۋىت نولدىك شىعارۋ جۇيەسى بويىنشا جۇمىس ىستەيدى, وسىلايشا قورشاعان ورتاعا لاستانعان سۋ شىعارىلمايدى. بۇدان باسقا, فابريكانىڭ تەحنولوگيالىق پروتسەسى ونەركاسىپتىك قاۋىپسىزدىكتىڭ ەڭ جوعارى تالاپتارى بويىنشا سالىنادى, بۇل رەتتە فابريكا جوباسى تسيانيدتى پايدالانۋدىڭ حالىقارالىق كودەكسىنىڭ ستاندارتتارىنا سايكەس ورىندالادى.
وسى جوباعا سالىنعان ينۆەستيتسيالاردىڭ جالپى كولەمى 105 ملرد. تەڭگەنى قۇرايدى, 1 000-نان استام تۇراقتى جۇمىس ورنىن قۇرۋ جوسپارلانعان, مەملەكەتتىك بيۋدجەتكە سالىق اۋدارىمدارى جىلىنا 20 ملرد.تەڭگەدەن اسادى. وسى ينۆەستيتسيالاردىڭ ارقاسىندا قازاقستان ەكونوميكاسى جاڭا ينفراقۇرىلىمعا, جۇمىس ورىندارىنا, ادام كاپيتالىن جاقسارتۋعا, جاڭا جابدىقتارعا, سالىقتارعا, حالىقارالىق نارىقتا جالپى پوزيتسيالاردىڭ كۇشەيۋىنە, ەلدىڭ التىن-ۆاليۋتا قورلارىن ۇلعايتۋعا مۇمكىندىك الادى.
بۇدان بولەك, جوبانى ىسكە اسىرۋ ەلىمىزدىڭ جانە ءوڭىردىڭ شوب ءۇشىن جاڭا مۇمكىندىكتەر بەرەدى. قازىرگى ۋاقىتتا جۇزدەن استام قازاقستاندىق كومپانيالار مەن كاسىپكەرلەر وسى جوبانىڭ مەردىگەرلەرى بولدى. مەردىگەر ۇيىمدار ءۇشىن 300-دەن استام جۇمىس ورنى قۇرىلدى.
سونىمەن قاتار ءوندىرىس وشاعى جەرگىلىكتى كادرلاردىڭ كاسىبيلىگى مەن داعدىلارىنىڭ دەڭگەيىن ارتتىرۋعا جانە وقىتۋعا ەرەكشە نازار اۋدارادى. ءبىلىم مەن داعدىلاردىڭ كاسىبي دەڭگەيىن ارتتىرۋ جانە وقىتۋ كاسىپورىنداردىڭ جۇمىسشى ماماندىقتارى, ينجەنەرلىك-تەحنيكالىق جانە باسقارۋ ۇجىمى ءۇشىن جۇرگىزىلەدى.
كاسىپورىن قالدىقسىز ءوندىرىستىڭ وزىق جانە ءتيىمدى تەحنولوگيالارىن ازىرلەۋ جانە ەنگىزۋ ارقىلى قورشاعان ورتاعا اسەردى تومەندەتۋگە بارىنشا تىرىسادى. تۇراقتى نەگىزدە قورشاعان ورتاعا (اتموسفەرالىق اۋا, توپىراق جامىلعىسى, جەراستى سۋلارى) زەرتتەۋلەر جۇرگىزىلەدى, مۇندا شىعارىندىلاردىڭ شەكتى دەڭگەيلەرى قاتاڭ تەكسەرىلەدى جانە باقىلانادى. سونداي-اق, كاسىپورىن بويىنشا تابيعاتتى قورعاۋ ءىس-شارالارىنىڭ 2015-2024 جىلدارعا ارنالعان جوسپارى ازىرلەندى. اپتا سايىنعى نەگىزدە كاسىپورىننىڭ وندىرىستىك بولىمشەلەرىنە ىشكى ەكولوگيالىق باقىلاۋ جۇزەگە اسىرىلادى جانە قىزمەتكەرلەردىڭ جاۋاپكەرشىلىگىنىڭ فۋنكتسيونالدىق قۇرىلىمىنا سايكەس انىقتالعان بۇزۋشىلىقتاردى جويۋ ءۇشىن قورىتىندىلار شىعارۋ جانە ۇيعارىمدار بەرۋ بويىنشا كەڭەستەر وتكىزىلەدى.
RG Gold جەرگىلىكتى حالىقتىڭ ءومىر ءسۇرۋ ساپاسىن دامىتۋعا جانە جاقسارتۋعا مۇددەلى, سەبەبى بۇل جۇمىستىڭ تيىمدىلىگى مەن ساپاسىنا تىكەلەي اسەر ەتەدى. جالپى كومپانيا قىزمەتى قاجەتتى ينفراقۇرىلىم (جولدار, ەلەكترمەن قامتاماسىز ەتۋ, سۋمەن قامتاماسىز ەتۋ, ينجەنەرلىك قۇرىلىستار جانە ت.ب.) سالۋ ءۇشىن قارجىلاندىرۋ كوزىنە اينالدى, جوعارى اقى تولەنەتىن جۇمىس ورىندارىن, كاسىبي جانە مانساپتىق ءوسۋ مۇمكىندىكتەرىن قامتاماسىز ەتەدى, ادامدارعا ەرتەڭگى كۇنگە دەگەن سەنىمدىلىكتى سەزىنۋگە مۇمكىندىك بەرەدى. بۇدان باسقا, كومپانيا جىل سايىن جەرگىلىكتى تۇرعىنداردىڭ ءال-اۋقاتىن ارتتىرۋعا باعىتتالعان الەۋمەتتىك جوبالارعا 100 ملن.تەڭگەدەن استام قارجى بولەدى.
