– وسىدان 1 اي بۇرىن وسى سول جاعالاۋدان 180 وتباسى باسپانا الىپ, قونىس تويىن تويلاعان ەدى. بۇگىن كوپبالالى, مۇمكىندىگى شەكتەۋلى بالا تاربيەلەۋشى وتباسىلار مەن اتا-اناسىنىڭ قامقورلىعىنان ايىرىلعان ازاماتتارعا 160 پاتەردىڭ كىلتىن تاپسىرعالى تۇرمىز. قونىس قۇتتى بولسىن, شاڭىراقتارىڭىزعا شاتتىق ۇيالاسىن!, دەدى وبلىس اكىمى.
سوڭعى جىلدارى قىزىلوردا قالاسىندا 12 جاڭا شاعىن اۋدان, 7 تۇرعىن ءۇي كەشەنى بوي كوتەرىپ, 8,5 مىڭعا جۋىق تۇرعىن باسپانالى بولىپ وتىر. سىرداريا وزەنىنىڭ سول جاعالاۋىنداعى جاڭا قالادا سوڭعى ەكى جىلدا رەسپۋبليكالىق, وبلىستىق بيۋدجەتتەردەن, قۇرىلىس كومپانيالار ەسەبىنەن كوپقاباتتى 31 تۇرعىن ءۇي سالىنىپ, باسپانا كەزەگىن جىلداپ كۇتكەن مىڭنان استام وتباسى پاتەرلى بولدى. وسى جىلدىڭ سوڭىنا دەيىن ارەندالىق جانە نەسيەلىك 24 ءۇيدىڭ قۇرىلىسىن اياقتاۋ جوسپارلانىپ وتىر.
ال مەرەكە قارساڭىندا 160 وتباسى پاتەر الىپ وتىرعان تۇرعىن ۇيلەردى «جابدىقتاۋ», «ساپاق», «نۇر-تالاپ جانە ك», «استانا-سەرۆيس» جشس قۇرىلىسشىلارى سالىپ شىققان. سول جاعالاۋدى جاڭا كەيىپكە ەنگىزگەن قۇرىلىسشىلارعا ايماق باسشىسىنىڭ العىس حاتى تابىستالدى.
وسى اۋداننان 40 پاتەرلى ءۇيدى مەرزىمىنەن بۇرىن سالىپ بىتىرگەن «نۇر-تالاپ جانە ك» جشس جەتەكشىسى قاناتبەك كەرەيتباەۆ قۇرىلىسقا نەگىزىنەن وتاندىق ماتەريالدار قولدانىلعانىن ايتادى.
سالتاناتتى شارادا باسپانالى بولعاندار اتىنان كوپبالالى انا ءلاززات جۇبانيازوۆا مەرەيلى مەرەكەدە وزدەرىنە كوپ قۋانىش سىيلاعان قۇرىلىسشىلارعا العىسىن جەتكىزدى.
قىزىلوردا
