«جاس سارباز» بولاشاق ورەندەردى باۋليدى

پات­ريوتتىق ۇيىمىنىڭ بۇ­گىنگ­ى تىنىس-تىرشىلىگى جونىن­دە از-كەم توقتالىپ وتسەڭىز.

– ەلىمىزدىڭ ءار ايماعىنان وسى ۇيىمنىڭ فيليالدارى قۇرىلىپ، بەلگىلەنگەن باعىت بويىنشا جۇمىس ىستەپ كەلەدى. ينتەللەكتۋالدى سايىستار، دالا جيىندارى، جەڭىل اتلەتيكا مارافونى، ءتۇرلى اكتسيالار جانە باسقا دا تاربيەلىك ءمانى بار شارالاردى ۇيىمداستىرۋعا كۇش سالىپ جاتىرمىز. «جاس سارباز» تاربيەلەنۋشىلەرى تەك فيزيكالىق دايىندىقپەن شەكتەلمەي، ونەردى دە قاتار الىپ ءجۇرۋى ءتيىس. سول سەبەپتى شى­عار­ماشىلىق سايىستارى دا ءجيى وتكىزىلىپ تۇرادى. جوعارىدا اتاپ وتكەندەي، بۇگىندە ەلوردادا جالپى ورتا ءبىلىم بەرەتىن مەم­لەكەتتىك مەكەمەلەردە 61 «جاس سارباز» سىنىبى، 82 اس­كەري-پاتريوتتىق كلۋب جانە مەملەكەت باسشىسى قاسىم-جومارت توقاەۆتىڭ ۇسىنىسىمەن 27 «Smart sarbaz» سىنىبى اشىلدى. بۇگىندە ولاردىڭ جالپى سانى 170-تەن استى.

– الەۋمەتتىك جەلىلەردەن باي­قاعانىمىزداي، سىزدەر دە ەرىك­تىلىك قىزمەتىنە دەن قو­يىپ، قوعامدىق ومىرگە بەل­سەن­دى تۇردە ارالاسىپ جاتىر ەكەن­سىزدەر. قوزعالىستىڭ وسى باعىت­تاعى جۇمىسى جونىندە نە ايتاسىز؟

– كارانتين ۋاقىتىندا «جاس سارباز» قوزعالىسىنىڭ تاربيە­لەنۋشىلەرى ۆولونتەر­لەر­مەن بىرىگە وتىرىپ، ءوز قالا­لارىنداعى كومەككە ءزارۋ وتبا­سىلارعا ازىق-ت ۇلىك، مەدي­تسي­نا­لىق جابدىقتار جەتكىزىپ بەرۋ ىسىنە بەلسەنە اتسالىستى. وسى ورايدا الەۋمەتتىك جەلىنىڭ كو­مەگى كوپ ءتيدى. Instagram جە­لى­سىندە جاستاردى كارانتين جانە دەمالىس ۋاقىتىن ءتيىم­دى پايدالانىپ، سپورتپەن اينالىسۋعا شاقىراتىن بەينەروليك تارات­تىق. بۇدان باسقا حاكىم اباي­دىڭ 175 جىلدىعىنا وراي ۇلى اقىننىڭ «قارا سوزدەرىن» وقۋدى دارىپتەپ ءجۇرمىز. سونداي-اق ZOOM پلاتفورماسىندا وتان قورعاۋشىلار كۇنىنە وراي بىرقاتار قوعام قايراتكەرىمەن ونلاين كەزدەسۋ ۇيىمداستىردىق.

– ۇلتتىق بىرىڭعاي تەس­تى­لەۋ دە ءوز مارەسىنە جەتتى. سىز­دەر بۇل تاراپتا قانداي كو­­مەك كورسەتتىڭىزدەر؟

– مەملەكەت باسشىسى 2020 جىلدى «ۆولونتەر جىلى» دەپ جاريالاعانى بار­لى­­عىمىزعا ءمالىم. وسىعان وراي نۇر-سۇلتان قالاسى «جاس سارباز» فيليالى جا­نى­­نان ەرىكتىلەر شتابى قۇ­رى­­­لىپ، بارلىق قوعامدىق شا­را­لارعا بەلسەنە اتسالىسۋدامىز. كارانتين جانە ۇلتتىق بىرىڭعاي تەستىلەۋ ۋاقىتىندا ۆولونتەرلەردىڭ ەڭبەگى ەسەلەنە ءتۇستى. جاسساربازدىقتاردىڭ دا دەنساۋلىعىنا قاتتى ءمان بەرىلىپ، ولار مەديتسينالىق قولعاپ جانە ءتيىستى كولەمدە بەتپەردەلەرمەن قامتاماسىز ەتىلدى.

جاسساربازدىقتار Instagram جە­لى­سىندە مەكتەپ ءبىتىرۋشى تۇ­لەك­تەرگە ارنالعان ونلاين كەز­­دەسۋ ۇيىمداستىردى. ۇبت-عا قاجەتتى مالىمەتتەر جي­ناق­­تالىپ، اتا-انالارعا دا پاي­­دالى كەڭەستەر بەرىلدى. بۇدان وزگە 22 ماۋسىمنان باس­تاپ، «استانا جاستارى» ۆو­لون­تەرلىك شتابىمەن بىر­لە­سىپ، 10 ەرىكتى ل.ن.گۋميلەۆ اتىن­داعى ەۋرازيا ۇلتتىق ۋني­ۆەر­­سيتەتىندەگى تەست تاپسىرۋ ور­­نىنا بارىپ، قىزمەتكەرلەرگە كا­رانتين تالابىن ساقتاۋ بويىن­شا كومەك كورسەتتى. ما­سە­لەن، تالاپكەرلەرگە ۆيرۋستان ساقتانۋعا قاتىستى تۇسىن­دىرمە جۇمىستارىن جۇر­گى­زىپ، بەتپەردەلەر، قاجەت قۇرال­دار­دى تاراتتىق.

اڭگىمەلەسكەن

ايىم ءداۋت،

«Egemen Qazaqstan»