ايماقتار • 07 شىلدە، 2020

جول ءتارتىبىن بۇزۋ قايعىلى وقيعالارعا سوقتىرادى

29 رەت كورسەتىلدى

جىل باسىنان بەرى سولتۇستىك قازاقستان پوليتسياسى وبلىستىڭ جولدارىندا 20 مىڭنان ارتىق قۇقىقبۇزۋشىلىقتاردى تىركەگەن، دەپ حابارلايدى Egemen.kz.

سونىڭ ىشىندەگى سوڭعىسى جۋىردا عانا بولدى. "Kia Rio" ءاۆتوموبيلىنىڭ 37 جاستاعى جۇرگىزۋشىسى قوجابەرگەن جىراۋ كوشەسىنىڭ بويىنداعى اينالما جولدا ەكى بءىردەي جول بەلگىسىن سوعىپ، اقىرىندا ماشينانى تاستاپ، ءوزى وقيعا ورنىنان قاشىپ كەتكەن. پوليتسيا قىزمەتكەرلەرى ونى بىرنەشە ساعاتتان كەيىن تاۋىپ، جكو جاساعانى جانە مەملەكەتتىڭ مۇلكىن بۇلدىرگەندىگى ءۇشىن جاۋاپقا تارتاتىن بولدى. سونىمەن بىرگە كولىككە اراق ءىشىپ الىپ وتىرعانى ءۇشىن دە ول جاۋاپكەرشىلىك تارتاتىن بولادى. ونىڭ قۇقىق بۇزۋشىلىعىنىڭ باعاسىن سوت بەرەدى، الايدا جەتى جىل جۇرگىزۋشىلءىك كۋالىگىنەن ايرىلاتىندىعى قازىردىڭ وزىندە بەلگىلى. "ايتەۋىر بۇل جكو-دا ادام زارداپ شەككەن جوق. رولگە اراق ءىشىپ الىپ وتىرۋ – جول ءتارتىبىن بۇزۋدىڭ باستى سەبەبى. وندايلار جول بەلگىلەرى مەن بولىكتەرىنە، جىلدامدىققا، ارا قاشىقتىققا ءمان بەرمەي قالادى. سونىڭ كەسىرىنەن جكو جاساۋعا سەبەپكەر بولادى"، دەيدى پد باسقارماسىنىڭ باستىعى، پودپولكوۆنيك ايدىن بايماتوۆ.

جىل باسىنان بەرى تىرەلگەن 20895 جول ەرەجەسىن بۇزۋ فاكتىلەرىنىڭ ىشىندەگى 477-ءىن رولگە اراق ءىشىپ الىپ وتىرعاندار جاساعان. سونداي-اق جول ەرەجەسىن جاياۋ جۇرگىنشىلەر 2718 رەت بۇزعان. بۇل جول ءتارتىبىن بۇزۋدىڭ ەڭ كوپ ءتۇرى.  ودان جىلدامدىقتى اسىرۋشىلار سانى دا از ەمەس، بارلىعى 2431. ءبىر مىڭنان ارتىق جۇرگىزۋشى قالتافوندارىمەن سويلەسكەندەرى ءۇشىن جازاعا تارتىلعان.

سەكسەننەن ارتىق جول كولىك وقيعاسىندا 120 ادام زارداپ شەككەن، ونىڭ 12 قازا بولدى. وسىنىڭ ىشىندەگى 74-دە جكو-نىڭ ايىپتىسى جۇرگىزۋشىلەر ەكەندىگى انىقتالعان. جول ءتارتىبىن قاداعالايتىن پوليتسيا قىزمەتى ءتۇرلى شارالار وتكىزىپ، وسىنداي قايعىلى وقيعالاردىڭ الدىن الۋعا تىرىسادى. ماسەلەن، سونىڭ ىشىندە "قۇقىقتارتىبى"، "قاۋىپسىز جول" جانە ت.ب. جەدەل-پروفيلاكتيكالىق شارالار ۇنەمى جۇرگىزىلۋدە.

سولتۇستىك قازاقستان وبلىسى

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار