ماۋسىم ايىنىڭ ورتاسىندا كونتسەرن باسشىلىعى ۇيىم زاڭگەرلەرىنىڭ قاتىسۋىمەن قىزمەتكەرلەرگە الداعى قىسقارتۋلار تۋرالى ەسكەرتكەن ەدى. ولارعا ەكسپورتتالاتىن گاز ءۇشىن كۇتىلەتىن پايدانىڭ جوقتىعىنا بايلانىستى قىزمەتكەرلەردىڭ باسىم كوپشىلىگىن ۇستاۋ رەنتابەلدى ەمەس ەكەنىن ءتۇسىندىردى. وسىعان بايلانىستى, بارلىق قىزمەتكەرلەر شىلدەنىڭ 1-ىنە دەيىن جۇمىستان كەتۋ تۋرالى ارىز جازۋلارى ءتيىس بولعان.
الايدا جۇمىسشىلار ارىز جازۋدان باس تارتىپ, كەيبىرى پروكۋراتۋراعا جۇگىنگەن.
1 شىلدەدە ەشكىمدى جۇمىستان بوساتقان جوق. بىراق باسشىلىق قىزمەتكەرلەرىن قايتا جيناپ, قىركۇيەكتىڭ 1-ىندە جۇمىستان بوساتىلاتىندارى تۋرالى ايتتى. بۇل جولى ەشقانداي شاعىمدار كومەكتەسپەيتىندىگىن جانە ەكى اي كولەمىندەگى جاردەماقى تولەنەتىنىن اتاپ ءوتتى.
