ەلباسى • 07 شىلدە، 2020

ەلباسىنىڭ ەرەكشە ءرولى اتالدى

35 رەت كورسەتىلدى

ەلوردا كۇنىنە جانە ەلباسىنىڭ تۋعان كۇنىنە وراي جەدەلحاتتار مەن حاتتار كەلىپ تۇسۋدە، دەپ حابارلادى تۇڭعىش پرەزيدەنتتىڭ ءباسپاسوز قىزمەتى.

قازاقستاننىڭ تۇڭعىش پرەزي­دەنتىنىڭ اتىنا شەتەل مەملەكەتتەرى مەن ۇكىمەتتەرى باسشىلارىنان كەلىپ جات­قان قۇتتىقتاۋ جەدەلحاتتار لەگى جالعاسۋدا.

تۇركيا پرەزيدەنتى رەجەپ تايپ ەردوعان ءوز حاتىندا ەلباسىنىڭ تاۋەل­سىز قازاقستاننىڭ قالىپتاسۋى مەن ور­كەندەۋىندەگى ءرولىن ەرەكشە اتاپ ءوتتى.

«قازاقستاننىڭ يگىلىگى جولىنداعى قىزمەتىڭىز، مول تاجىريبەڭىز بەن پارا­ساتتىلىعىڭىز ءوزىڭىز ۇلكەن ۇلەس قوسقان تۇركى الەمىنىڭ بىرلىگى مەن تۇتاستىعىن نىعايتۋدا ماڭىزدى ءرول اتقارادى.

وسى مۇمكىندىكتى پايدالانا وتىرىپ، سىزگە جانە وتباسىڭىزعا مىقتى دەنساۋلىق، باقىت پەن ۇزاق عۇمىر، ال باۋىرلاس جانە دوستاس قازاقستان حالقىنا اماندىق پەن باق-بەرەكە تىلەيمىن»، دەپ جازدى رەجەپ تايپ ەردوعان.

تۇرىكمەنستان پرەزيدەنتى گۋربان­گۋلى بەردىمۇحامەدوۆ نۇرسۇلتان نازارباەۆتىڭ ءومىر جولى، وتانىنا دەگەن سۇيىس­پەنشىلىگى مەن ونىڭ تاعدىرىنا ارالاسۋى جاس ۇرپاق ءۇشىن لايىقتى ۇلگى ەكەنىن اتاپ ءوتتى.

ء«سىزدىڭ 80 جىلدىق مەرەيتويىڭىزعا وراي مەنىڭ جۇرەكجاردى قۇتتىقتاۋىم مەن ىزگى تىلەگىمدى قابىل الىڭىز.

قازىرگى تاڭدا قازاقستاننىڭ قو­عامدىق-ساياسي ءومىرىنىڭ بارلىق سالاسىندا قول جەتكىزگەن تابىستارى، ەلدىڭ ەكونوميكالىق دامۋىنداعى ەلەۋلى جەتىستىكتەرى، حالىقارالىق ارەناداعى بەدەلىنىڭ نىعايۋى ءسىزدىڭ اتىڭىزبەن تىعىز بايلانىستى»، دە­لىنگەن تۇرىكمەنستان پرەزيدەنتىنىڭ جەدەلحاتىندا.

بەلگيا كورولى فيليپپ پەن موڭعو­ليا پرەزيدەنتى حالتماا­گين باتتۋلگا دا وزدەرىنىڭ قۇتتىقتاۋلارىندا تۇڭ­عىش پرەزيدەنتكە جانە قازاقستان حالقىنا باق-بەرەكە تىلەدى.

سوڭعى جاڭالىقتار

قحل: ۆيزا بەرمەي جاتىر

حوككەي • بۇگىن، 15:18

COVID-19 ادامنان يتكە جۇققان

كوروناۆيرۋس • بۇگىن، 14:15

قيىن كەزەڭ ارتتا قالدى - مينيستر

قازاقستان • بۇگىن، 11:14

ۇقساس جاڭالىقتار