ايماقتار • 06 شىلدە، 2020

الماتىعا قاجەتتى ءدارى-دارمەك جەتكىزىلىپ جاتىر

31 رەت كورسەتىلدى

الماتىدا قالا اكىمىنىڭ ورىنباسارى ساپاربەك تۇياقباەۆتىڭ توراعالىق ەتۋىمەن وتكەن ارنايى كەڭەسىندە "Inkar" جشس قالاعا قوسىمشا 150 000 دانا "پاراتسەتامول" اكەلىنگەنى جانە جۋىق ارادا 850 000 دانا ءدارى جەتكىزىلەتىنى تۋرالى حابارلادى.

سونداي-اق، جۇمىس كەزدەسۋىنە الماتى قالاسىنىڭ باس سانيتاريالىق دارىگەرىنىڭ ورىنباسارى، قالانىڭ قۇقىق قورعاۋ ورگاندارىنىڭ، كاسىپكەرلىك جانە ينۆەستيتسيالار باسقارماسىنىڭ، قوعامدىق دەنساۋلىق ساقتاۋ باسقارماسىنىڭ، تاۋارلاردىڭ جانە قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ، الماتى ءدارىحانالارىنىڭ ءىرى جەلىلەرىنىڭ، سونداي-اق قازاقستان رەسپۋبليكاسىنىڭ فارمقىزمەتىن قولداۋ جانە دامىتۋ قاۋىمداستىعىنىڭ جانە ت.ب. وكىلدەرى قاتىستى.
كەڭەستە تاۋارلاردىڭ جانە قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنە (تقسقبد) قالا ءدارىحانالارىندا دارىلەردىڭ بولۋىنا جانە ولارعا قويىلعان باعالارعا كۇن سايىن مونيتورينگ جۇرگىزىپ وتىرۋ تاپسىرىلدى. قۇقىق قورعاۋ ورگاندارىنىڭ الدىنا ءدارى-دارمەكتەردى زاڭسىز، ونىڭ ىشىندە، ونلاين الاڭدارى ارقىلى ساتۋعا جول بەرمەۋ بويىنشا تۇراقتى نەگىزدە جۇمىس جۇرگىزۋ مىندەتى قويىلدى. اكىمنىڭ ورىنباسارىنىڭ تاپسىرماسىنا سايكەس، ءىىد تقسقبد بىرلەسىپ، الىپ قويىلعان ءدارى-دارمەكتەرگە تالداۋ جۇرگىزۋى جانە قالانىڭ جەدەل شتابىنا وتكىزۋى ءتيىس.
بۇدان بۇرىن، الماتى قالاسى اكىمدىگىنىڭ نارىق قاتىسۋشىلارىمەن جانە ءتيىستى مەملەكەتتىك ورگاندارمەن الماتى قالاسىنىڭ ءدارىحانالارىنا الەۋمەتتىك ماڭىزى بار دارىلەردىڭ 41 ءتۇرىن باسىمدىق تارتىپتە كۇندەلىكتى جەتكىزۋ ماسەلەسىن شەشكەنىن ەستەرىڭىزگە سالامىز. بۇل ماقساتتا، فارمكومپانيالارمەن كەلىسىمگە قول قويىلدى جانە 103 ءدارىحانادان تۇراتىن ءتىزىم بەلگىلەندى، ولارعا ءدارىنى باسىمدىق تارتىپتە جەتكىزەتىن بولادى. اتالعان تىزىمگە تاعى دا ەكى ءدارىحانا بەلگىلەندى، ول ءارى قاراي كەڭەيەدى جانە ءارى قاراي تىزىمگە قوسىلادى. وسىلايشا، بۇگىنگى كۇنى، تىزىمدە 105 ءدارىحانا بار، ولار قالانىڭ ءاربىر اۋدانىندا بار. 41 پرەپاراتتىڭ ارقايسىسى بويىنشا نەگىزسىز دۇربەلەڭ تۋدىرماس ءۇشىن ءبىر قولعا ساتۋدىڭ قول جەتىمدى سانى بەلگىلەندى. ءدارىحانالاردىڭ دارىلەردىڭ باعاسىن كوتەرمەۋ جانە ءبىر قولعا ءبىر اتاۋلى ءدارىنىڭ 3 بىرلىگىنەن ارتىق بىرلىگىن ساتپاۋ مىندەتى كوزدەلدى.
باعالاردى باقىلاۋ ماقساتىندا قالانىڭ اتالعان 105 ءدارىحاناسىندا كۇن سايىن دارىلەردىڭ باعاسىنا مونيتورينگ جۇرگىزىلىپ وتىرادى. سونداي-اق، الماتى قالاسى بويىنشا تاۋارلاردىڭ جانە قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى ءىرى جەتكىزۋشىلەردى، وندىرۋشىلەردى جانە ءدارىحانا جەلىلەرىن قويماداعى بار جانە كەلۋى كۇتىلىپ وتىرعان دارىلەر بويىنشا دۇرىس اقپارات بەرۋگە مىندەتتەيتىن قاۋلى قابىلدادى.
جالپى العاندا، قالانى قاجەتتى دارىلەرمەن جانە تەرمومەترلەرمەن قامتاماسىز ەتۋ ماسەلەسى شەشىلدى. ءىرى جەتكىزۋشىلەر كۇن سايىن "پاراتسەتامول"، "يبۋپروفەن"، "ەففەرالگان"، "اسپيرين"، "تاميفليۋ"، "ينگاۆيرين"، "ازيتروميتسين" جانە "سۋمامەد" سەكىلدى ءدارى-دارمەكتەردى جەتكىزۋدى جۇزەگە اسىرادى.
بۇگىنگى كەڭەس شەڭبەرىندە، بۇدان بۇرىن 2020 جىلعى 2 شىلدەدەگى كەلىسىمگە قول قويعان بارلىق قاتىسۋشىلارعا ءدارىحانالاردى ءدارى-دارمەكتەرمەن قامتاماسىز ەتۋ بويىنشا جەدەل شارالار قابىلداۋ تاپسىرىلدى.
5 شىلدەدەگى دەرەكتەر بويىنشا قالانىڭ ءدارىحانالارىنا 115 000 دانا "پاراتسەتامول"، 30 000 دانا تەرمومەتر، 20 000 دانا "يبۋپروفەن"، 35 000 دانا "ينگاۆيرين" جانە باسقا دا دارىلەر جەتكىزىلدى. بۇگىن قوسىمشا 150 000 دانا "پاراتسەتامول" جانە 50 000 دانا تەرمومەتر جۇك ءتۇسىرىلدى. 8 جانە 12 شىلدەدە 850 000 دانا "پاراتسەتامول" قوسىمشا جەتكىزىلەدى دەپ كۇتىلۋدە.
سونىمەن بىرگە، قۇقىق قورعاۋ ورگاندارىنىڭ دەرەكتەرى بويىنشا، تەكسەرۋ ناتيجەسىندە ءدارىنى، ونىڭ ىشىندە، "تسەفازولين"، "Tamiflu" جانە "ينگاۆيرين 90" دارىلەرىن زاڭسىز ساتۋ جايتتارى انىقتالدى، ونىڭ ناتيجەسى بويىنشا ءتيىستى شارالار قابىلداندى، سوتقا دەيىنگى تەرگەۋ ءىسى جۇرگىزىلۋدە.

سوڭعى جاڭالىقتار

ۇقساس جاڭالىقتار