باقىتجان ساعىنتاەۆ جاريالانعان كارانتيننىڭ باستى ماقساتى - ادام ءولىمىنىڭ كوبەيۋىنە اكەلەتىن جانە ەكونوميكاعا كەرى اسەرىن تيگىزەتىن جاپپاي جۇقتىرۋدىڭ جاعىمسىز جاعدايلارىن بولدىرماۋ ەكەنىن اتاپ ءوتتى.
"ۇزاق مەرزىمدى كارانتين اۋرۋ وشاقتارى مەن تاۋەكەل ايماقتارى بويىنشا يكەمدى, تارگەتتەلگەن بولۋى ءتيىس. ول ءۇشىن بىزگە قالا ءومىرىن كارانتيندىك شارالارىنىڭ قىزمەت ەتىپ وتىرعان ەكونوميكامەن بىرىگەتىندەي ۇيىمداستىرۋ قاجەت. بىزگە حالىق تا, بيزنەس تە قابىلدايتىن مەگاپوليس ءومىرىن ۇيىمداستىرۋدىڭ جاڭا لوگيستيكاسى قاجەت", - دەپ تولىقتىردى باقىتجان ساعىنتاەۆ.
وسىلايشا, كوروناۆيرۋس پاندەمياسىمەن كۇرەستىڭ ءبىرىنشى كەزەكتەگى 10 قادامى انىقتالدى:
1. الماتى – الماتى وبلىسى ماكرووڭىرى دەڭگەيىندە كارانتين رەجيمىن سينحرونداۋ: الماتى اگلومەراتسياسى - ءبىرتۇتاس شارۋاشىلىق ورگانيزم. وڭتايلى شەشىم-الماتى مەن الماتى وبلىسىندا ەپيدەمياعا قارسى بىرىڭعاي ساياساتتى جۇرگىزە وتىرىپ, قالا ماڭىنداعى ورتاق ءتاسىلدى, بىرىڭعاي قاۋىپسىزدىك نورمالارىن, باقىلاۋ مەن باسقارۋدىڭ جالپى جۇيەسىن ازىرلەي وتىرىپ, “قالانى جابۋعا” جول بەرمەۋ.
2. ۆيرۋستىق قاۋىپتىلىك دەڭگەيى بويىنشا اۋماقتاردى سەگمەنتتەۋ: ىندەتتىڭ جاڭا كەزەڭىندە جۇقتىرۋ وشاقتارىن بۇعاتتاۋدا – بۇعاتتان شىعارۋدا "ناقتى" ءتاسىل.
3. بيزنەس ءۇشىن كارانتيندىك حاتتامالاردىڭ ورىندالۋ مونيتورينگى: بارلىق كاسىپورىنداردا ۆيرۋسقا قارسى رەجيمنىڭ ەنگىزىلۋى. بۇل رەجيم ءارتۇرلى كاسىپورىندار ءۇشىن حالىقپەن بايلانىسۋدىڭ قارقىنىنا قاراي وزگەرىپ وتىرادى.
4. تۇرعىندارعا مەديتسينالىق كومەكتى دۇرىس ۇيىمداستىرۋ: مىندەت - مەديتسينالىق جۇيە پاتسيەنتتەردىڭ اعىمىن جەڭە المايتىن كەزدە «ەپيدەميالىق داعدارىستىڭ» الدىن الۋ.
ازاماتتاردى قورعاۋدىڭ بەس ەشەلونى قۇرىلدى:
1-ءشى ەشەلون. بارلىق مەديتسينا قىزمەتكەرلەرى مەن مەديتسينالىق مەكەمەلەردى ۆيرۋسقا قارسى قورعاۋدىڭ قاتاڭ شارالارى. شارالار, سونىڭ ىشىندە, COVID 19 تىكەلەي جۇمىس ىستەمەيتىن مەديتسينا قىزمەتكەرلەرىنە قولدانىلادى;
2-ءشى ەشەلون. جەڭىل تۇردە جانە سيمپتومسىز جۇقتىرعاندار ءۇشىن ۇيدە ەمدەۋ (باقىلاۋ). تەلەمەديتسينا; 2-وي ەشەلون.
3-ءشى ەشەلون. ورتاشا فورماداعى ناۋقاستار ءۇشىن ستاتسيونارلىق ەمدەۋ. سونىمەن بىرگە, ەمدى سوڭىنا دەيىن جەتكىزۋ ستاتسيونارلارى.
4-ءشى ەشەلون. اۋىر تۇردەگى ناۋقاستار ءۇشىن ستاتسيونارلىق ەمدەۋ;
5-ءشى ەشەلون. جانساقتاۋ بولىمشەلەرى.
ەشەلوندالعان ءتاسىل مەديتسينالىق رەسۋرستى جەدەل بولۋگە جانە 4-ءشى جانە 5-ءشى ەشەلونداردىڭ شامادان تىس جۇكتەلۋىنە جول بەرمەۋگە مۇمكىندىك بەرەدى.
5. جەدەل جاردەم جۇمىسىن مارشرۋتتاۋ: قورعاۋ ەشەلوندارىنا سايكەس, 4-ءشى جانە 5-ءشى ەشەلوندارعا ەڭ جوعارى جۇكتەمەلەردەن اۋلاق بولۋ.
6. جالپى قالالىق پلازما بانكى: جاڭا باعىت پىسىقتالاتىن بولادى. ۆيرۋس انتيدەنەلەرى بار ساۋىقتىرىلعان ادامداردىڭ قان پلازماسى ماڭىزدى ەمدەۋ رەسۋرسى بولىپ تابىلادى جانە اۋىر جاعدايداعى ادامداردى قۇتقارۋ ءۇشىن قولدانىلادى.
7. كولىك اعىنى جانە ازاماتتاردىڭ قوزعالۋ ترافيگىن تالدايتىن تسيفرلى اكىمشىلىك, اسىرەسە ەپيدەميا ورشىگەن جاعدايدا;
8. الەۋمەتتىك مونيتورينگ: COVID – 19 جۇقتىرعان ادامنىڭ مىنەز-قۇلقىن باقىلاۋدىڭ ساندىق جۇيەسى (ارنايى ءموبيلدى قوسىمشا). جۇيە ۇيدە ەمدەلىپ جاتقانتاردىڭ كارانتيندى قالاي ۇستاناتىنىن, كارانتين ءتارتىبىن بۇزۋشىلاردى جەدەل انىقتاۋعا جانە بۇزۋشىلىقتاردى جويۋعا, سول ارقىلى ينفەكتسيانىڭ ودان ارى تارالۋىن بولدىرماۋعا مۇمكىندىك بەرەدى.
9. ەكىنشى تولقىنعا دايىندىق: بارلىق جيناقتالعان مەديتسينالىق رەسۋرس جانە بارلىق ۇيىمداستىرۋ رەسۋرسىن جاڭا جۇمىلدىرۋعا 100% دايىندىقتا ۇستاۋ. جيناقتالعان رەسۋرستاردىڭ ءاۋديتى (توسەك-ورىن, كادرلار, جابدىقتار, تەحنولوگيالار جانە ت. ب.).
10. جاپپاي ۆيرۋسقا قارسى ناسيحات: حالىقتى ەپيدەمياعا قارسى ۇزاق مەرزىمدى كۇرەسكە دايىنداۋ. ەپيدەمياعا قارسى نورمالار مەن ەرەجەلەردى دامىتۋ, ناسيحاتتاۋ, دارىگەرلەر مەن ۆولونتەرلەردىڭ ەرلىك جۇمىسىن جاريالاۋ.
