ەلوردا • 06 شىلدە، 2020

ەلوردادا 14 مىڭعا جۋىق مەملەكەتتىك قىزمەتشى بار

ەلوردادا 14 مىڭعا جۋىق مەملەكەتتىك قىزمەتشى ەڭبەك ەتۋدە. بۇل تۋرالى قر مەملەكەتتىك قىزمەت ىستەرى اگەنتتىگىنىڭ توراعاسى انار جايلعانوۆا مالىمدەدى، - دەپ حابارلايدى Egemen.kz.

دينار كەرىم

قازاقستاندىقتاردى ەلوردا كۇنىمەن قۇتتىقتاعان اگەنتتىك توراعاسى 23 جىل ىشىندە ەل استاناسى زاماناۋي، قارقىندى دامىپ كەلە جاتقان، قايتالانباس كەلبەتى مەن ارحيتەكتۋرالىق ءستيلى بار قالاعا اينالعانىن، نۇر-سۇلتان حالىقارالىق دەڭگەيدە تانىمال قازاقستاننىڭ باستى كورىكتى شاھارى بولعانىن، بۇل – قازاقستاننىڭ تۇڭعىش پرەزيدەنتى-ەلباسى نۇرسۇلتان ءابىش ۇلى نازارباەۆتىڭ وراسان زور ەڭبەگىنىڭ ناتيجەسى ەكەنىن ايتتى.

"قازاقستان تاريحىندا ەلوردا اتاۋى مەن ەلباسىنىڭ ەسىمى ەگىز ۇعىم. سەبەبى نۇرسۇلتان نازارباەۆ ەلوردانى ەل ورتالىعىنا اۋىستىرۋ تۋرالى تاريحي شەشىم قابىلداعانى بەلگىلى. ەل استاناسى - قازاقستان مەملەكەتتىلىگىنىڭ باستى رامىزدەرىنىڭ ءبىرى، بۇكىل الەمگە تانىمال برەند جانە مەملەكەتىمىزدىڭ تاۋەلسىزدىك جىلناماسىنىڭ ەڭ جارقىن ءبولىمى"، - دەدى ا.جايىلعانوۆا.

سونداي-اق، ول نۇر-سۇلتاندا الەمدىك جانە ءداستۇرلى دىندەر ليدەرلەرىنىڭ سەزدەرى، استانا ەكونوميكالىق فورۋمدارى وتكىزىلدى. سونداي-اق بۇل قالادا سيرياداعى قاقتىعىستى بەيبىت رەتتەۋ بويىنشا كەلىسسوزدەر جۇرگىزىلدى، ەل استاناسى بارلىق مۇددەلى ەلدەردىڭ وكىلدەرىن جيناعان ماڭىزدى كەلىسسوزدەر الاڭىنا اينالدى.
بۇگىنگى تاڭدا نۇر-سۇلتاندا ەل مەن ونىڭ ازاماتتارىنىڭ يگىلىگى جولىندا ورتالىق جانە جەرگىلىكتى اتقارۋشى ورگانداردا 14 مىڭعا جۋىق مەملەكەتتىك قىزمەتشىلەر ەڭبەك ەتۋدە. ارينە، مەملەكەتتىك قىزمەتشىلەردىڭ وتانىمىزدىڭ ەلورداسىندا قىزمەت ەتەتىندىكتەرىن ۇعىنۋى ولار ءۇشىن كاسىبي وسۋگە قوسىمشا ىنتا بەرەتىنى جاسىرىن ەمەس، - دەپ بارشا قازاقستاندىقتاردى ەلوردا كۇنىمەن قۇتتىقتادى.