"قۇرمەتتى وتانداستار! سىزدەردى شىلدەنىڭ ءبىرىنشى جەكسەنبىسى - ۇلتتىق دومبىرا كۇنىمەن شىن جۇرەكتەن قۇتتىقتايمىن!
دومبىرا - حالقىمىزدىڭ كيەسىنە اينالعان قاسيەتتى اسپاپ. ۇلى دالا ءتوسىن مەكەن ەتكەن حالقىمىزبەن بىرگە جاساپ كەلە جاتقان - كونەكوز شەجىرە. وسىناۋ تىڭدارماندى جىگەرلەندىرەتىن توكپە جəنە شەرتپە كۇيلەرىمەن عاسىرلار قويناۋىنان سىر شەرتىپ كەلە جاتقان قازىناعا قازاق ۇكى تاعىپ, لايىم توردەن ورىن بەرەدى.
2018 جىلى 12 ماۋسىمدا قازاقستان رەسپۋبليكاسىنىڭ تۇڭعىش پرەزيدەنتى – ەلباسى ن.ءا. نازارباەۆ ۇلى مۇرامىزدى ۇلىقتاۋ ماقساتىندا شىلدەنىڭ ءبىرىنشى جەكسەنبىسىن "ۇلتتىق دومبىرا كۇنى" دەپ بەلگىلەگەن ەدى. بىلتىر بۇل مەرەكەنى جوعارى دەڭگەيدە اتاپ وتتىك.
ال بيىل əلەمدىك كوروناۆيرۋس پاندەمياسىنا بايلانىستى كارانتين شەكتەۋلەرى ەنگىزىلىپ, تورقالى تويدى ءدۇيىم جۇرت ۇيىندە اتاپ وتۋگە ءمəجبۇر.
دەگەنمەن بۇل كۇننىڭ بىزگە بەرەرى ۇلتتىق ونەرىمىزدىڭ مəن-ماڭىزىن جەتە ءتۇسىنۋ. قۇلاققا جاعىمدى, جۇرەككە جاقىن ويلى دىبىسپەن جەتكەن حالقىمىزدىڭ اقىل-ويى, كوڭىل كۇيىن سەزىنۋ.
بۇگىندە قاستەرلى اسپاپ سيمفونيا مەن وپەراعا ءار بەرىپ, كلاسسيكالىق ونەردىڭ اجىراماس بولشەگىنە اينالىپ كەلە جاتقانى قۋانتادى.
قۇرمەتتى قازاقستاندىقتار, əر شاڭىراقتا كۇمبىر-كۇمبىر كۇي تارتىلىپ, بەرەكەلى باس قوسۋلار كوپ بولسىن!", دەدى اقتوتى رايىمقۇلوۆا.
