ەسىرتكى اينالىمىنا بايلانىستى قىلمىس تا ازايىپ تۇرعان جوق. جىل باسىنان بەرى وندايدىڭ 103 انىقتالعان. بۇل بىلتىرعى جىلدىڭ سايكەس مەرزىمىمەن سالىستىرعاندا ءسال ازداۋ بولعانىمەن تۇپكىلىكتى ازايماي تۇر.
العاشقى جارتىجىلدىقتا وبلىس بويىنشا 175 كگ ەسىرتكى زاتتارى تاركىلەندى. ولاردىڭ نەگىزگى بولىگى ماريحۋاناعا جاتادى. بۇلاردىڭ كوبى وڭىرگە ەلىمىزدىڭ وڭتۇستىك جاعىنان جەتكىزىلەدى نەمەسە جەرگىلىكتى شيكىزاتتاردان جاسالادى. ال سينتەتيكالىق ەسىرتكىلەر رەسەي مەن قىتايدان جەتكىزىلەدى.
قازىر ەسىرتكى تاراتۋدا ينتەرنەت تەحنولوگيانىڭ قولدانىلۋى ارتىپ بارادى. سوڭعى كەزدە عانا وسىنداي ءتورت قىلمىس فاكتىسىنىڭ جولى كەسىلگەن. ال قاڭتار ايىندا 5458 دوزانى وسىلاي ساتپاق بولعان ۇيىمداسقان توپ ۇستالعان. ماۋسىم ايىندا 18 جاسار قىزدىڭ 667 دوزانى ينتەرنەت ارقىلى بەلگىلەنگەن قۇپيا ورىندارعا قويعانى انىقتالدى.
ناشاقورلار وزدەرىنە بەلگىلى سوزدەرمەن ەسىكتەردىڭ نەمەسە ۇيلەردىڭ قابىرعاسىنا ىلىنگەن حابارلاندىرۋلار مەن جارنامالاردىڭ اراسىنا ەسىرتكىنى قايدان الۋعا بولاتىندىعىن جازىپ كەتەدى. سوندىقتان ەسىرتكىگە قارسى كۇرەس قىزمەتى ۇيلەردىڭ پاك توراعالارىمەن كەلىسىپ, وندايلاردىڭ ۇستىنەن سىر جۇرگىزىپ وتىرادى. سونداي-اق «پاۋتينا», «ترانزيت», «دوپينگ», «قاراسورا – 2020» جەدەل-پروفيلاكتيكالىق شارالارىنىڭ بارىسىندا ەسىرتكى وشاقتارىن اشكەرەلەۋ ءجيى بولىپ تۇرادى.
پەتروپاۆل
