ءار ءتۇرلى جۇكتەر قاتارى تيەلگەن 43 قىرىقفۋتتىق كونتەينەرلەردەن تۇراتىن پويىز قازاقستانعا التىنكول ستانساسى ارقىلى كەلدى. ءارى قاراي, بەكەت-اتا فيدەر كەمەسىمەن جۇك اقتاۋ پورتىنان ءازىربايجاننىڭ اليات پورتىنا جەتكىزىلىپ, ول جەردەن گرۋزيانىڭ احالكالاكي ستانساسى ارقىلى تۇركيانىڭ يزميت قالاسىنا جەتتى.
پويىزدىڭ جالپى جول ءجۇرۋ ۋاقىتى 14 كۇندى قۇرادى. ءبىر قىزىعى, التىنكول ستانساسىنان شىققان پويىز احالكالاكي ستانساسىنا 10 كۇندە جەتىپ, رەكوردتىق ناتيجە كورسەتتى.
ايتا كەتەرلىك جايت, ەپيدەميولوگيالىق جاعدايعا بايلانىستى تۋىنداعان كەيبىر شەكتەۋلەرگە قاراماستان, ترانسكاسپي حالىقارالىق كولىك مارشرۋتى (تحكم) بويىمەن جۇك تاسىمالداۋ بارلىق سانيتارلىق-ەپيدەميولوگيالىق ستاندارتتارعا سايكەس كەدەرگىسىز جۇزەگە اسىرىلادى.
جۇك جونەلتىلىمىن ۇيىمداستىرۋشىلار بۇل كونتەينەرلىك پويىزدىڭ جەتكىزىلىمى بىرنەشە ەلدىڭ تەمىرجول اكىمشىلىكتەرى اراسىنداعى ستراتەگيالىق ىنتىماقتاستىقتىڭ مىسالى ەكەنىن اتاپ ءوتتى.
