ايماقتار • 03 شىلدە، 2020

قىزىلوردا قالاسىندا 160 وتباسى باسپانالى بولدى

133 رەت كورسەتىلدى

ەلوردا جانە ۇلتتىق دومبىرا كۇنى قارساڭىندا قىزىلوردا قالاسىنداعى سىرداريا وزەنىنىڭ سول جاعالاۋىنان الەۋمەتتىك وسال توپتاعى وتباسىلارعا "نۇرلى-جەر" باعدارلاماسى اياسىندا سالىنعان  ارەندالىق تۇرعىن ۇيلەردىڭ كىلتى تابىستالدى، - دەپ حابارلايدى Egemen.kz.

وبلىس اكىمى گۇلشارا ابدىقالىقوۆا باسپانالى بولعان تۇرعىنداردى ەلوردا كۇنىمەن قۇتتىقتاپ، ءار شاڭىراققا جاقسىلىق، ىنتىماق پەن بىرلىك، اماندىق تىلەدى.

مەملەكەت باسشىسى قاسىم-جومارت كەمەل ۇلى توقاەۆتىڭ تاپسىرماسىنا سايكەس قابىلدانعان مەملەكەتتىك باعدارلامالار وڭىرىمىزدە ءساتتى جۇزەگە اسىرىلۋدا. بۇگىندە الاشتىڭ اناسى اتانعان قاسيەتتى مەكەن قارقىندى قۇرىلىس الاڭىنا اينالدى. وسىدان ءبىر اي بۇرىن عانا 180 پاتەرلىك تۇرعىن ءۇيدى تابىستادىق. ال بۇگىن، 160 وتباسى باسپاناعا يە بولىپ، قونىس تويىن تويلاعالى وتىر. جاڭا باسپانالارىڭىز تاتۋلىق پەن بەرەكەنىڭ ورداسى بولىپ، قۋانىش پەن باقىت، قۇت پەن ىرىس سالتانات قۇرسىن!،- دەدى وبلىس باسشىسى.

160 پاتەرلىك 5 قاباتتى تۇرعىن ۇيلەردىڭ قۇرىلىسىن "جابدىقتاۋ"، "ساپاق"، "نۇر-تالاپ ي ك"، "استانا-سەرۆيس" جاۋاپكەرشىلىگى شەكتەۋلى سەرىكتەستىكتەرى جۇرگىزگەن. ءوڭىر باسشىسى سول جاعالاۋدا جاڭا قالا سالۋدى قولداعان قۇرىلىسشىلارعا قوس مەرەكە قارساڭىندا العىس حات تابىستادى.

سوڭعى جىلدارى قىزىلوردا قالاسىندا 12 جاڭا شاعىن اۋدان اشىلىپ، 7 تۇرعىن ءۇي كەشەنى بوي كوتەردى.  8،5 مىڭعا جۋىق قىزىلوردالىق باسپانالى بولدى.

سىرداريا وزەنىنىڭ سول جاعالاۋىنداعى جاڭا قالادا سوڭعى ەكى جىلدا رەسپۋبليكالىق، وبلىستىق بيۋدجەتتەردەن 620 پاتەرلىك 13 كوپقاباتتى ارەندالىق تۇرعىن ءۇي مەن 240 پاتەرلىك  4 كوپقاباتتى نەسيەلىك تۇرعىن ۇيلەردىڭ، سونداي-اق جەكە قۇرىلىس سالۋشىلاردىڭ ەسەبىنەن 604 پاتەردى قۇرايتىن 14 كوپقاباتتى تۇرعىن ءۇيدىڭ قۇرىلىسى جۇرگىزىلىپ، ەل يگىلىگىنە پايدالانۋعا بەرىلدى. بيىلعى جىلدىڭ سوڭىنا دەيىن 560 پاتەرلىك ارەندالىق 11 كوپقاباتتى ءۇيدىڭ جانە 590 پاتەرلىك نەسيەلىك  13 تۇرعىن ءۇيدىڭ قۇرىلىسىن اياقتاۋ جوسپارلانىپ وتىر.

سوڭعى جاڭالىقتار

شىعىسقا قار ءتۇستى

ايماقتار • كەشە

ۇقساس جاڭالىقتار