2020 جىلدىڭ ءى جارتى جىلدىقتاعى يدم-ءنىڭ زاڭ شىعارۋ قىزمەتى تۋرالى

1) "2014 جىلعى 15 تامىزداعى كولىك قۇرالى پاسپورتىنىڭ (كولىك قۇرالىنىڭ ءشاسسيى پاسپورتىنىڭ) جانە وزدىگىنەن ماشينا جانە تەحنيكانىڭ باسقا دا تۇرلەرى پاسپورتىنىڭ بىرىڭعاي نىساندارىن ەنگىزۋ جانە ەلەكتروندىق پاسپورتتار جۇيەلەرىن ۇيىمداستىرۋ تۋرالى كەلىسىمگە ارمەنيا رەسپۋبليكاسىنىڭ قوسىلۋى تۋرالى حاتتامانى راتيفيكاتسيالاۋ تۋرالى". 2019 جىلعا ارنالعان حالىقارالىق شارتتار جوسپارىنا سايكەس ازىرلەنگەن، 2020 جىلعى 2 ساۋىردە قول قويىلدى.

2) قازاقستان رەسپۋبليكاسىنىڭ كەيبىر زاڭنامالىق اكتىلەرىنە تۇرعىن ءۇي باعدارلامالارى وپەراتورلارىنىڭ سانىن قىسقارتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى. قر پارلامەنتىنىڭ دەپۋتاتتارى باستاماشىلىق جاسادى، مەملەكەت باسشىسىنىڭ 2019 جىلعى 10 قىركۇيەكتەگى قازاقستان حالقىنا جولداۋىن ىسكە اسىرۋ جونىندەگى جالپىۇلتتىق ءىس-شارالار جوسپارى بويىنشا ازىرلەندى (جۇج-نىڭ 77-تارماعى)، اعىمداعى جىلدىڭ 9 ماۋسىمىندا قول قويىلدى.

قازىرگى ۋاقىتتا قر پارلامەنتى ءماجىلىسىنىڭ قاراۋىندا 4 زاڭ جوباسى جاتىر:

• "قازاقستان رەسپۋبليكاسىنىڭ كەيبىر زاڭنامالىق اكتىلەرىنە ونەركاسىپتىك قاۋىپسىزدىك ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى". 2019 جىلعى زاڭ جوبالاۋ جۇمىستارىنىڭ جوسپارىنا سايكەس ازىرلەندى، 2019 جىلعى قىركۇيەكتە ەنگىزىلدى، ءماجىلىستىڭ ەكىنشى وقۋى جوسپارلانۋدا);
• "كەمە قاتىناسى تۋرالى كەلىسىمدى راتيفيكاتسيالاۋ تۋرالى";
• "2007 جىلعى سۋعا باتقان كەمەلەردى الىپ تاستاۋ تۋرالى نايروبي حالىقارالىق كونۆەنتسياسىن راتيفيكاتسيالاۋ تۋرالى";
• "قازاقستان رەسپۋبليكاسىنىڭ ۇكىمەتى مەن گرۋزيا ۇكىمەتى اراسىنداعى حالىقارالىق اۆتوموبيل قاتىناسى تۋرالى كەلىسىمدى راتيفيكاتسيالاۋ تۋرالى".

بۇل زاڭ جوبالارى 2019 جىلعا ارنالعان حالىقارالىق شارتتار جوسپارىنا سايكەس ازىرلەندى.

قر ۇكىمەتىنىڭ زاڭ جوبالاۋ جۇمىستارىنىڭ 2020 جىلعا ارنالعان جوسپارىنا سايكەس:

1) قر پارلامەنتىنە 2 زاڭ جوباسى – "ەرەكشە تاۋارلاردى باقىلاۋ تۋرالى"، "قازاقستان رەسپۋبليكاسىنىڭ كەيبىر زاڭنامالىق اكتىلەرىنە ەرەكشە تاۋارلاردى باقىلاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى";

2) قر ادىلەت مينيسترلىگىنە 1 زاڭ جوباسى – "قازاقستان رەسپۋبليكاسىنىڭ كەيبىر زاڭنامالىق اكتىلەرىنە ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" ەنگىزىلدى. قر پرەمەر-مينيستر كەڭسەسىنە شىلدە ايىندا، پارلامەنت قاراۋىنا قىركۇيەك ەنگىزىلەدى.

سونداي-اق، وسى مەرزىمدە ورتالىق مەملەكەتتىك ورگانداردىڭ 15 تۇجىرىمداماسى جانە 22 زاڭ جوباسى قارالدى. ونىڭ ىشىندە
15 تۇجىرىمداما مەن زاڭ جوباسى بويىنشا مينيسترلىكتىڭ قىزمەت سالالارى (تۇرعىن ءۇي قاتىناستارى، ساۋلەت جانە قالا قۇرىلىسى، اۆتوموبيل جولدارى، ونەركاسىپتىك قاۋىپسىزدىك، اۆياتسيا، كولىك جانە جەر قويناۋىن پايدالانۋ) بويىنشا ۇسىنىستار بەرىلدى.

زاڭعا تاۋەلدى اكتىلەرگە كەلسەك، 2020 جىلدىڭ 1 جارتى جىلدىعىندا 268 زاڭعا تاۋەلدى نقا ازىرلەنىپ، بەكىتىلدى. ونىڭ 77-ءسى قر ۇكىمەتىنىڭ قاۋلىسى، 191 بۇيرىق. مينيسترلىكتىڭ 2020 جىلعا ارنالعان نورماتيۆتىك قۇقىقتىق اكتىلەر دايىنداۋ جوسپارى بويىنشا قر ۇكىمەتىنىڭ 4 قاۋلىسى، 11 بۇيرىق بار. قر ۇكىمەتىنىڭ 9 قاۋلىسى، 119 بۇيرىق قابىلدانعان زاڭداردى ىسكە اسىرۋعا ارنالعان. جوعارى تۇرعان مەملەكەتتىك ورگاندار مەن لاۋازىمدى تۇلعالاردىڭ تاپسىرمالارى بويىنشا قر ۇكىمەتىنىڭ 64 قاۋلىسى، 61 بۇيرىق.

755 نقا-عا قاتىستى مونيتورينگ جۇرگىزىلدى، ونىڭ ىشىندە 6 نقا انىقتالىپ، قازىر سايكەس كەلتىرۋ ساتىسىندا.