"سوڭعى جۇرگىزىلگەن جۇمىستار ناتيجەسىندە, پاتسيەنتتەردىڭ ەمحانالارعا بەكىتىلۋ جاعدايى بۇزىلعان. ءبىر وتباسىنىڭ مۇشەلەرى ءارتۇرلى ەمحانالاردا, ءار جەردە بەكىتىلگەن. ۇيدە قىزمەت كورسەتۋ اۋماعىنان تىس كەلگەن ادامداردىڭ ساناتى پايدا بولدى. ولارعا قادامدىق قولجەتىمدىلىك ۇسىنۋ قيىنعا سوعىپ وتىر. ەمحانالار ءوز جۇمىسىن بىردە-ءبىر توقتاتقان ەمەس", دەدى دەنساۋلىق ساقتاۋ ۆيتسە-ءمينيسترى ا. عينيات.
ونىڭ ايتۋىنشا, كوروناۆيرۋس جۇقتىرعان ناۋقاستاردى ۇيدە ەمدەيتىن 383 كوشپەلى ءموبيلدى بريگادالار جۇمىس ىستەيدى.
"ولاردىڭ ءبىرىنشى ءتۇرى - كۆي-عا تەست الۋدى جۇرگىزۋ. ەكىنشى ءتۇرى - كۆي راستالعان ناۋقاستارعا كومەك كورسەتەدى. 165 مىڭ ناۋقاس امبۋلاتوريالىق جاعدايدا مەديتسينالىق كومەك الۋدا. ءۇشىنشى ءتۇرى - سوزىلمالى (حرونيكالىق) اۋرۋلارى بار ناۋقاستارعا كومەك كورسەتەدى", دەدى ۆيتسە-مينيستر.
