قازاقستان • 02 شىلدە، 2020

الەكسەي تسوي كوروناۆيرۋسقا قارسى كۇرەس بويىنشا 6 شارانى ۇسىندى

165 رەت كورسەتىلدى

دەنساۋلىق ساقتاۋ ءمينيسترى الەكسەي تسوي سovid-19 قارسى كۇرەستى كۇشەيتۋ بويىنشا التى نەگىزگى شارانى ۇسىندى. بۇل تۋرالى مينيسترلىكتىڭ ءباسپاسوز قىزمەتى حابارلادى، - دەپ جازادى Egemen.kz

بىرىنشىدەن. امبۋلاتوريالىق كومەك.
كوروناۆيرۋس ينفەكتسياسىنا كۇدىكتى، سيمپتومسىز جانە ىندەتتىڭ جەڭىل تۇرىنە شالدىققان پاتسيەنتتەرگە امبۋلاتوريالىق كومەكتى ءموبيلدى كوشپەلى بريگادالار كورسەتەتىن بولادى. بۇگىندە 380 بريگادا بار، شامامەن 3 مىڭ بريگادا قۇرۋ جوسپارلانۋدا. ەمحانالارعا تىركەلگەن حالىققا ۋچاسكەلىك دارىگەرلەر مەن بەيىندى ماماندار قاشىقتان كونسۋلتاتسيالىق كومەك بەرۋدى جالعاستىرادى. ەمحاناعا بەلگىلى ءبىر ايعاقتار بويىنشا جۇگىنگەن پاتسيەنتتەرگە كارانتيندىك فيلتر ارقىلى قىزمەت كورسەتىلەدى.

ەكىنشى. جەدەل جاردەم.
جەدەل جاردەم اۆتوكولىكتەرىنىڭ تاپشىلىعى جاقىن ارادا اكىمدىكتەرمەن بىرلەسىپ مەديتسينالىق ەمەس ۇيىمداردىڭ رەزەرۆى ەسەبىنەن شەشىلەدى. رەسپۋبليكالىق بيۋدجەتتەن 807 جەدەل جاردەم كولىگى ساتىپ الىنادى دەپ كۇتىلۋدە. جەرگىلىكتى اتقارۋشى ورگاندار ءتۇرلى رەسۋرستار ارقىلى قوسىمشا Corona-taxi ۇيىمداستىرۋ تۋرالى ۇسىنىس ەنگىزدى.

ءۇشىنشى. ستاتسيونارلىق كومەك.
COVID-19 جۇقتىرعان پاتسيەنتتەرگە ستاتسيونارلىق كومەكتىڭ بۇرىنعى قۇرىلىمى وزگەرتىلدى. 13 مىڭ توسەگى بار كارانتيندىك ستاتسيونارلار بايلانىستا بولعان ادامدار ءۇشىن پروۆيزورلىق جانە جۇقپالى اۋرۋلار اۋرۋحاناسىنا قايتا بەيىندەلەدى. مەملەكەت باسشىسىنىڭ تاپسىرماسىن ورىنداۋ ءۇشىن سوڭعى ءۇش تاۋلىك ىشىندە COVID-19 راستالعان پاتسيەنتتەر ءۇشىن قوسىمشا 1،5 مىڭ توسەك جانە COVID-19 كۇدىكتى پاتسيەنتتەر ءۇشىن 5 مىڭ پروۆيزورلىق توسەك اشىلدى. بۇگىنگى تاڭدا 333 ۇيىمدا 20 مىڭ ينفەكتسيالىق جانە پروۆيزورلىق توسەك بار، ولاردىڭ 60 پايىزىندا ناۋقاستار جاتىر. پنەۆمونياعا شالدىققان پاتسيەنتتەر باسىم.

ءتورتىنشى. ستاتسيونارلاردى مەديتسينالىق تەحنيكامەن جانە دارىلىك زاتتارمەن قامتاماسىز ەتۋ.
جاڭادان اشىلعان ستاتسيونارلار ءۇشىن قولدا بار 3،3 مىڭ ءوجج اپپاراتىنا قوسىمشا 978 اپپارات ساتىپ الىندى جانە تاعى 1000 بىرلىك ساتىپ الۋ پروتسەدۋراسى جۇرگىزىلۋدە. سونىمەن قاتار، ورتالىقتاندىرىلماعان گاز جوق كەڭەيتىلگەن ستاتسيونارلاردىڭ وكسيگەنوتەراپياسىن ۇزدىكسىز قامتاماسىز ەتۋ ءۇشىن 4 مىڭ وتتەگى كونتسەنتراتىن ساتىپ الۋ جوسپارلانۋدا.
ءدارى-دارمەككە كەلەتىن بولساق، كوروناۆيرۋس ينفەكتسياسىمەن اۋىراتىن ناۋقاستاردى تولىق قامتاماسىز ەتۋ ءۇشىن ستاتسيونارلاردا 138،8 ملن. تەڭگەگە 59 ءتۇرلى ءدارى-دارمەك ساتىپ الىندى. بۇگىنگى جاعداي بويىنشا وڭىرلەردەگى مەديتسينالىق ۇيىمداردا 27 مىڭ پاتسيەنت ۆيرۋسقا قارسى پرەپاراتتارمەن قامتاماسىز ەتىلگەن. قوسىمشا ساتىپ الۋدى ەسكەرسەك، دارىمەن قامتىلعان پاتسيەنتتەر سانى 58 مىڭعا دەيىن ارتادى. ال ۆيرۋسقا قارسى تەراپيا ورتاشا اۋىر جانە اۋىر جاعدايدا عانا قاجەت. مەديتسينالىق ۇيىمدارعا كۆي دياگنوستيكاسى مەن ەمدەۋدىڭ كلينيكالىق حاتتاماسىنا سايكەس كوروناۆيرۋس ينفەكتسياسىن ەمدەۋ ءۇشىن انتيبيوتيكتەردىڭ 16 ءتۇرى ۇزدىكسىز جونەلتىلەتىنىن اتاپ ءوتتى.

بەسىنشى. ءدارىحانالاردا دارىلىك زاتتاردىڭ قولجەتىمدىلىگى.
وسى اپتانىڭ سوڭىنا دەيىن بولشەك ساۋدا جەلىسىنە قوسىمشا زەرتحانالىق سىناقتاردان ءوتۋدى تالاپ ەتپەيتىن سەريالىق قاۋىپسىز وندىرۋشىدەن ۆيرۋسقا قارسى پرەپاراتتاردىڭ 70 مىڭ وراماسى كەلەدى. قىزۋدى تۇسىرەتىن پرەپاراتتار، مىسالى، پاراتسەتامول قازاقستان نارىعىنا تۇسە باستادى. بۇگىنگى كۇنى اپتا سوڭىندا نارىققا ءتۇرلى وندىرۋشىلەردەن وسى پرەپاراتتىڭ 700 مىڭ قاپتاماسى ءتۇستى. الداعى ەكى اپتا ىشىندە قوسىمشا 800 مىڭ پاراتسەتامول وراماسىن جەتكىزۋ كۇتىلۋدە. انتيبيوتيكتەرگە كەلەتىن بولساق، وتكەن اپتانىڭ سوڭىندا وتاندىق وندىرۋشىلەر ديستريبيۋتورلارعا جەتكىزۋدى باستادى، مىسالى، ءازيتروميتسيننىڭ 100 مىڭنان استام وراماسى نارىققا ءتۇستى.
بۇدان باسقا، جاقىن ارادا نارىققا لەۆوفلوكساتسيننىڭ شامامەن 30 مىڭ وراماسى، اموكسيتسيلليننىڭ 75 مىڭ وراماسى، تسيپروفلوكساتسيننىڭ 70 مىڭ وراماسى، تسەفۋروكسيمنىڭ150 مىڭ وراماسى، تسەفترياكسون 858 مىڭ وراماسى جەتكىزىلەدى دەپ كۇتىلۋدە.

التىنشى. پتر تەستتەر مەن كومپيۋتەرلىك توموگرافياعا (كت).
بۇگىندە 1،5 ملن استام تەست جاسالدى. تەستتەن ەپيدەميالىق كورسەتكىشتەر بويىنشا سيمپتومدارى بار پاتسيەنتتەر، بايلانىستا بولعان ادامدار وتەدى. 20 پتر-اناليزاتورلار ساتىپ الىنادى، ولار زەرتحانالاردىڭ قۋاتتىلىعىن تاۋلىگىنە 35 مىڭ تەستكە دەيىن، پتر-تەستىلەۋدى وتكىزۋ ءۇشىن 8 جىلجىمالى زەرتحانانىڭ جۇمىسىن ەداۋىر ارتتىرۋعا مۇمكىندىك بەرەدى.
كومپيۋتەرلىك توموگرافيانىڭ قولجەتىمدىلىگىن ارتتىرۋ ءۇشىن كت زەرتتەۋلەرگە باسىمدىق بەرىلەدى – ول قاتاڭ مەديتسينالىق ۇيىمداردىڭ جولداماسى بويىنشا جۇرگىزىلەدى.

سوڭعى جاڭالىقتار

ۇرى الىستان كەلمەپتى

ايماقتار • بۇگىن، 10:15

شاشتان شاحمات تاسىن جونادى

تانىم • بۇگىن، 07:44

ونلاين-سورەدە – ويلى كىتاپتار

رۋحانيات • بۇگىن، 07:42

دارىگەرلەرگە كولىك سىيلادى

وقيعا • بۇگىن، 07:17

سوڭعى پاتسيەنت ۇيىنە قايتتى

قوعام • بۇگىن، 07:05

جامانتاۋدى جوعالتىپ المايىق

رۋحانيات • بۇگىن، 06:50

سەنات دەپۋتاتتارى سايلاندى

سايلاۋ • بۇگىن، 06:48

ادەپتى ادەمى ۇستاز

رۋحانيات • بۇگىن، 06:47

ۇقساس جاڭالىقتار