قازاقستان • 02 شىلدە، 2020

اسكەري مەديتسينا قىزمەتكەرلەرىنىڭ قوسقان ۇلەسى از ەمەس

21 رەت كورسەتىلدى

اسكەري دارىگەرلەر مەن مەدبيكەلەر – بۇگىنگى كۇنى كوروناۆيرۋستىق ينفەكتسيامەن كۇرەستە الدىڭعى قاتاردا ءجۇر. ىندەتتىڭ تارالۋ قاۋپى بار جاعدايدا قازاقستان قارۋلى كۇشتەرى باس اسكەري-مەديتسينالىق باسقارماسىمەن اسكەردىڭ جەكە قۇرامىنىڭ سانيتارلىق-ەپيدەميولوگيالىق جاعدايىن قامتاماسىز ەتۋ جانە ساقتاۋ بويىنشا قاجەتتى جۇمىس ۇيىمداستىرىلدى، - دەپ حابارلايدى Egemen.kz

قارۋلى كۇشتەردە الدىن-الۋ جانە ەپيدەمياعا قارسى ءىc-شارالار جۇرگىزۋ مەن ازاماتتىق دەنساۋلىق ساقتاۋ قىزمەتتەرىنە كومەك كورسەتۋ ءۇشىن ەكى مىڭعا جۋىق اسكەري مەديتسينالىق پەرسونال تارتىلدى.

اسكەري-مەديتسينالىق ۇيىمداردا كوروناۆيرۋس جۇقتىرعان ناۋقاس انىقتالعان كەزدە ارەكەت ەتۋ الگوريتمى بەلگىلەندى. ىندەتتى جۇقتىرعانداردى دەر كەزىندە وقشاۋلاۋ جانە ولارمەن بايلانىستا بولعاندارعا مەديتسينالىق باقىلاۋ جۇرگىزۋ سۇراقتارى پىسىقتالعان.

اسكەري-مەديتسينالىق مەكەمەلەر كوروناۆيرۋسپەن اۋىراتىن ناۋقاستاردى وقشاۋلاۋ مەن ەمدەۋمەن اينالىسادى. اتاپ ايتقاندا، نۇر-سۇلتان قالاسىنداعى قورعانىس مينيسترلىگى باس اسكەري-كلينيكالىق گوسپيتالى – كارانتيندىك جانە پروۆيزورلىق ستاتسيونار، الماتى اسكەري-كلينيكالىق گوسپيتالى – ينفەكتسيالىق ستاتسيونار، تالدىقورعانداعى اسكەري گوسپيل ينفەكتسيالىق جانە پروۆيزورلىق ستاتسيونار، ءۇشارالدا ورنالاسقان اسكەري گوسپيتال پروۆيزورلىق ستاتسيونار رەتىندە جۇمىس اتقارادى.

الماتىدان 30 شاقىرىم جەردە دالالىق جىلجىمالى گوسپيتال، شاتىرلى لاگەر جانە بولەك جاتاقحانا عيماراتى ورنالاسقان. العاشقى كۇننەن باستاپ قوسىمشا كوروناۆيرۋس ىندەتى انىقتالعان ناۋقاستاردى قابىلداۋ ءۇشىن باسقا دا ەلدى مەكەندەردە دە اسكەري-مەديتسينالىق قورى دايىندالدى.

باس اسكەري-مەديتسينالىق باسقارماسىندا اسكەري-مەديتسينالىق، ونىڭ ىشىندە كارانتيندىك، پروۆيزورلىق جانە ينفەكتسيالىق مەكەمەلەردە 700-گە جۋىق ناۋقاس ەمدەلىپ شىققانى تۋرالى ايتىلدى. قازىرگى ۋاقىتتا ەمدەۋ جانە وقشاۋلاۋعا ارنالعان 500 ورىن دايىندالدى.

ودان بولەك، قاراعاندى اسكەري لازارەتىنىڭ مەديتسينالىق پەرسونالى وبلىستىق كلينيكالىق اۋرۋحاناسى بازاسىنداعى پروۆيزورلىق گوسپيتالدىڭ جۇمىسىنا تارتىلدى. سونىمەن قاتار اقتوبە، اياگوز، «گۆاردەيسك»، سارىوزەك، سەمەي، وسكەمەندەگى جەتى اسكەري-مەديتسينالىق مەكەمەلەرىندە كارانتيندىك، پروۆيزورلىق، ينفەكتسيالىق ستاتسيونارلارىنىڭ جۇمىسىنا قاتىسۋ ءۇشىن دارىگەرلىك-مەديبيكەلىك بريگادالارى دايىندالدى.

قارۋلى كۇشتەردە جەكە قۇرامدى دياگنوستيكادان ءوتۋىن قاجەتتى مولشەردە قامتاماسىز ەتۋ ءۇشىن جەكە پتر-زەرتحاناسى جۇمىس جۇرگىزۋدە.

سوڭعى جاڭالىقتار

ماڭگىلىك مۇرا تاعىلىمى

اباي • بۇگىن، 10:01

قحل كەستەسى جاريالاندى

حوككەي • بۇگىن، 08:16

تايجان مۇراسى توزبايدى

رۋحانيات • بۇگىن، 08:15

95 جاسىندا كۋالىك الدى

وقيعا • بۇگىن، 08:11

جەمقورلار اللەياسى كەرەك پە؟

ساياسات • بۇگىن، 08:03

ەكپەنى وزدەرىنە سالدىردى

قوعام • بۇگىن، 08:00

پاندەميا كەزىندەگى پەرزەنتحانا

مەديتسينا • بۇگىن، 07:57

جاڭا ماۋسىمداعى وزگەرىستەر

فۋتبول • بۇگىن، 07:37

قاتەرلى ماۋسىم

الەم • بۇگىن، 07:26

ۇزدىك 8 كوماندا انىقتالدى

فۋتبول • بۇگىن، 07:20

قۇلقىن ءھام قۇلدىق

قوعام • بۇگىن، 07:15

ءتىلسىز جاۋدىڭ تاقسىرەتى

ايماقتار • بۇگىن، 07:08

تەگىن ءدارى-دارمەك كىمگە تيەسىلى؟

مەديتسينا • بۇگىن، 06:50

شاراپاتى مول «شەت-كومەك»

ەكونوميكا • بۇگىن، 06:39

ەگىنگە وراق ەرتە ءتۇستى

قوعام • بۇگىن، 06:33

جەزقازعانعا گاز جەتكەندە...

ەكونوميكا • بۇگىن، 06:31

«ينتەر» – جارتىلاي فينالدا!

سپورت • بۇگىن، 02:50

ۇقساس جاڭالىقتار