2020 جىلى تۇركىستان وبلىسى مەن شىمكەنت قالاسىنان 18-27 جاس ارالىعىنداعى بەس مىڭنان استام ادامدى شاقىرۋ جوسپارلانىپ وتىر.
اسكەرگە شاقىرىلۋشىلار مەن لاۋازىمدى تۇلعالار اراسىندا كوروناۆيرۋس ينفەكتسياcىنىڭ تارالۋىن الدىن الۋ ماقساتىندا, جيناۋ پۋنكتتەرىندە پروفيلاكتيكالىق شارالاردى كۇشەيتۋ ءۇشىن مەديتسينالىق بەكەتتەر ورنالاسىپ, وندا وبلىستىق مەديتسينالىق كوميسسيا قۇرامىنا ينفەكتسيونيست-دارىگەرلەر ەنگىزىلدى. سونىمەن قاتار, سالتاناتتى شىعارىپ سالۋ ءىس-شارالارىنا دا تىيىم سالىنادى.
جاس تولىقتىرۋلار اسكەري بولىمدەرگە كەلگەننەن كەيىن مىندەتتى تۇردە پتسر- ادىسىمەن زەرتحانالىق زەرتتەۋدەن ءوتىپ, ولاردى ەكى اپتالىق كارانتينگە وقشاۋلاۋ جۇرگىزىلەدى. كارانتين كەزىندە مەديتسينالىق تەكسەرۋ جانە الەۋمەتتىك-پسيحولوگيالىق زەرتتەۋ دە قارقىن الادى.
اسكەري بولىمدەرگە جانە قارۋلى كۇشتەر قۇرالىمدارىنا شاقىرۋ ەرەكشەلىكتەرىنە سايكەس, كەيبىر اسكەرگە شاقىرىلۋشىلار التى اي بويى اسكەري ماماندىقتار بويىنشا وقۋ ورتالىقتارىندا, اتاپ ايتقاندا تانك مەحانيك-جۇرگىزۋشىسى, برونەترانسپورتەر نەمەسە جاياۋ اسكەرلەردىڭ جاۋىنگەرلىك ماشيناسىنىڭ جۇرگىزۋشىسى, ارتيللەريالىق جانە مينومەت قارۋىنىڭ كومانديرلەرى مەن كوزدەۋشىلەرى, ينجەنەرلىك قامتاماسىز ەتۋ, بايلانىس ماماندىقتارىنا ماشىقتانادى. سونداي-اق, وقۋ اياقتالعاننان كەيىن ولار اسكەري بولىمدەرگە جىبەرىلەدى.
اسكەري بورىشىن وتەۋگە مىندەتتىلەردى كەيىنگە قالدىرۋعا قۇقىعى بار اسكەرگە شاقىرىلۋشىلار ساناتىن كەڭەيتۋ ماڭىزدى جاڭالىق بولىپ تابىلادى. ەندى كەيىنگە قالدىرۋ قوسىمشا پەداگوگتارعا ياعني, ولاردىڭ بارلىق جۇمىس كەزەڭىنە سايكەس, سونداي-اق قۇقىق قورعاۋ ورگاندارىنىڭ ءبىلىم بەرۋ مەكەمەلەرىندە وقۋدان ءوتىپ جاتقاندارعا بەرىلەدى.
ايتا كەتسەك, تۇركىستان وبلىسى مەن شىمكەنت قالاسىنان بۇگىنگى تاڭدا 1600-دەن استام ازامات ۇقك شەكارا قىزمەتى مەن ءىىم ۇلتتىق گۆاردياسىنىڭ بولىمشەلەرىن تولىقتىردى.
