"كەيبىر شتاتتارداعى كوروناۆيرۋس ىندەتىنىنىڭ ورشۋىنە بايلانىستى ءبىز دۇكەندەردى ۋاقىتشا جابامىز. بۇل شارانى ساقتىق شارالارى ءۇشىن قابىلدادىق. جاعدايدى مۇقيات قاداعالايمىز جانە ءبىزدىڭ قىزمەتكەرلەر مەن ساتىپ الۋشىلارىمىزدى جاقىن ارادا كورەمىز دەپ ۇمىتتەنەمىز", دەپ حابارلايدى كومپانيا وكىلى.
بۇل حابارلاما الاباما, كاليفورنيا, دجوردجيا, ايداحو, لۋيزيانا, نەۆادا جانە وكلاحوما شتاتتارىنا قاتىستى. ال فلوريدا, ميسسيسيپي, تەحاس جانە يۋتاداعى دۇكەندەر جابىلدى.
Apple كوروناۆيرۋستىڭ تارالۋىنا جول بەرمەۋ ءۇشىن دۇكەندەرىن جاپقان العاشقى كومپانيالاردىڭ ءبىرى. جاقىندا دۇكەندەر سانيتارلىق نورمالاردى ساقتاي وتىرىپ اشىلا باستادى, بىراق كوروناۆيرۋستى جۇقتىرۋ سانىنىڭ كوبەيۋىنە بايلانىستى كومپانيانىڭ ساتۋ نۇكتەلەرىن قايتا جابۋعا تۋرا كەلدى.
ايتا كەتۋ كەرەك, اقش كوروناۆيرۋستىڭ تارالۋى بويىنشا الەمدە ءبىرىنشى ورىندا تۇر: 2,8 ميلليونعا جۋىق جۇقتىردى, 1,1 ميلليون ساۋىعىپ, 130 مىڭ ادام قازا تاپتى.
