2020 جىلعى اقپاندا پارلامەنت پالاتالارىنىڭ دەپۋتاتتارى گ. قاراعۇسوۆا, ن. قىلىشباەۆ, و.وكسىكباەۆ, و.ۆ.پەرەپەچينا جانە ت.ي.ياكوۆلەۆا "قازاقستان رەسپۋبليكاسىنىڭ كەيبىر زاڭنامالىق اكتىلەرىنە اۋديتورلىق قىزمەت ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" زاڭ جوباسىن ەنگىزدى. زاڭ جوباسىنىڭ ماقساتى - اۋديتورلىق قىزمەت سالاسىنداعى زاڭنامانى جەتىلدىرۋ, اۋديتورلار مەن اۋديتورلىق ۇيىمداردىڭ باسەكەگە قابىلەتتىلىگىن ارتتىرۋ.
الايدا, زاڭ جوباسىنىڭ مازمۇنى مەن يدەياسى مالىمدەلگەن ماقساتتارعا سايكەس كەلمەيدى. قرز جوباسىندا كاسىبي اۋديتورلىق ۇيىمداردىڭ (بۇدان ءارى - كاۇ) مىندەتتەرىن, سونداي-اق مەملەكەتتىك مىندەتتەردىڭ ءبىر بولىگى بەرىلەتىن "كاسىبي كەڭەس" (بۇدان ءارى - كەڭەس) قۇرۋ ۇسىنىلادى. كەڭەس قر قارجى مينيسترلىگىنىڭ, ەسەپ كوميتەتىنىڭ قىزمەتكەرلەرى, جەكەلەگەن دەپۋتاتتار مەن ولاردىڭ تۋىستارى ءۇشىن وزىندىك "قوسالقى اەرودروم" بولىپ تابىلادى.
رەتتەۋدى, باقىلاۋدى جانە ءاۋديتتى جۇرگىزۋدى شەنەۋنىكتەردىڭ جانە دەپۋتاتتاردىڭ تۋىستارىمەن ۇلەستەس باسقا دا تۇلعالار جۇزەگە اسىراتىن پراكتيكالىق جاعداي ءۇشىن العى شارتتار جاسالادى. بۇل سىبايلاس جەمقورلىق فاكتورىن زاڭداستىرۋ بولىپ تابىلادى.
قرز جوباسىمەن كەڭەستى قارجىلاندىرۋ كاسىپكەرلىك سۋبەكتىلەرىنە – اۋديتورلىق ۇيىمدارعا جۇكتەلەدى. باسقاشا ايتقاندا, سىبايلاس جەمقورلىق جۇيەسى قۇرىلادى: "اۋديت جۇرگىزگىڭىز كەلسە — تولەڭىز". مۇنداي قارجىلاندىرۋ سحەماسى - سالىق ەمەس, كەرىسىنشە, رەكەت نەمەسە الىم-سالىق ءوندىرۋ.
جالپى زاڭ جوباسى كاسىپكەرلەرگە قىسىمدى كۇشەيتۋگە, تاڭداۋلى ءتاسىلدى قولدانۋعا, دەمەك, سىبايلاس جەمقورلىق اۋقىمىن ۇلعايتۋعا جانە اۋديتورلىق قىزمەت نارىعىن قايتا قۇرۋعا باعىتتالعان.
