ايماقتار • 01 شىلدە، 2020

قوستانايدا مادەنيەت پەن ونەر قىزمەتكەرلەرى ماراپاتتالدى

180 رەت كورسەتىلدى

ايشىعى ەرەك استانا كۇنى مەرەكەسىنە وراي، قوستانايدا ايماق مادەنيەتى مەن ونەر سالاسىندا ءبىراز جىلداردان بەرى تاباندى ەڭبەك ەتىپ كەلە جاتقان بىرقاتار قىزمەتكەرلەر ماراپاتتالدى، - دەپ حابارلايدى Egemen.kz.

ە. ومىرزاقوۆ اتىنداعى وبلىستىق فيلارمونيانىڭ ءماجىلىس زالىندا وتكەن سالتاناتتى راسىمگە 6 ادام قاتىستى. ولاردىڭ ىشىندە مۋزەي، تەاتر، ونەر، كىتاپحانا قىزمەتكەرلەرى بار.

"قازىرگى كۇردەلى اھۋالعا بايلانىستى بۇگىنگى رەسمي سالتاناتقا قوستاناي قالاسىنىڭ وزىنەن ساناۋلى عانا ادام كەلىپ وتىر. بۇل جولى وبلىس ورتالىعىنان تىس جاتقان قالالار مەن اۋداندارعا شاقىرتۋ جىبەرىلگەن جوق. سوندىقتان قالعان قىزمەتكەرلەردىڭ ماراپاتى جەرگىلىكتى جەرلەردە تابىس ەتىلەتىن بولادى"، - دەدى مادەنيەت باسقارماسىنىڭ باسشىسى ەرلان قالماقوۆ.      

جيىنعا قاتىسۋشىلارعا "مادەنيەت سالاسىنىڭ ۇزدىگى" توسبەلگىسى، قر مادەنيەت جانە سپورت مينيسترلىگىنىڭ قۇرمەت گراموتالارى مەن العىس حاتتارى، سونداي-اق قوستاناي وبلىسى اكىمىنىڭ قۇرمەت گراموتالارى تابىس ەتىلدى.

2

ايماق باسشىسىنىڭ قۇرمەت گراموتاسىنا يە بولعان ءنازيما وتاشەۆا 15 جىلعا جۋىق وبلىستىق تاريحي-ولكەتانۋ مۇراجايىندا قىزمەت ەتىپ كەلەدى. ءبىراز جىلدان بەرى مۋزەيدىڭ عىلىمي-ادىستەمەلىك قامتاماسىز ەتۋ ءبولىمىنىڭ مەڭگەرۋشىسى.

اتاۋلى مەرەكە قارساڭىندا از عانا جۇمىسىمىزدى باعالاپ، ەڭبەگىمىزدى ەلەپ-ەسكەرىپ جاتقان وبلىس باسشىلىعىنا راحمەت! ايتپەسە، قيراتىپ جاتقان ەشتەڭەمىز جوق.  باستى مىندەتىمىز -  مۋزەي قورىنداعى  تاريحي قۇندى جادىگەرلەردى ناسيحاتتاۋ، جاس عالىمداردىڭ عىلىمي جوبالارىنا، جۋرناليستەردىڭ ىزدەنىستەرىنە قول ۇشىن بەرۋ، ولكە تاريحىنا قاتىستى ماڭىزدى دەرەكتەردى جارىققا شىعارىپ وتىرۋ. ءبىزدىڭ قوردا مۇنداي تاريحي قۇجاتتار مەن قۇندى بۇيىمدار بارشىلىق،  - دەدى ماراپات يەسى.  

 

 

قوستاناي وبلىسى

سوڭعى جاڭالىقتار

75،7 ملن ادام ايتۆ جۇقتىردى

مەديتسينا • كەشە

2021 جىلعى ورازا كەستەسى

رۋحانيات • كەشە

ۇقساس جاڭالىقتار