قوعام • 01 شىلدە، 2020

229 وقۋشىعا – «التىن بەلگى»

783 رەت كورسەتىلدى

اتىراۋدا بيىل مەكتەپتى 5 286 تۇلەك ءبىتىردى. ولاردىڭ اراسىنان 11 جىل بويىنا ۇزدىك وقىپ، ءتۇرلى ءبىلىم بايگەسىندە جۇلدىزى جارقىراعان 229 وقۋشى «التىن بەلگىنى» يەلەنەدى. ال 183 تۇلەكتىڭ ءبىلىمى «ۇزدىك اتتەستاتپەن» باعالاندى. وبلىستىق ءبىلىم بەرۋ باسقارماسى باسشىسىنىڭ مىندەتىن اتقارۋشى اقكەنجە يسانبەرگەنوۆانىڭ ءمالىم ەتۋىنشە، تۇلەكتەردىڭ 4 211-ءى ۇبت تاپسىرۋعا ءوتىنىش بەرىپتى. بۇعان قوسا كوللەدجدەردى بىتىرگەن 834 تۇلەك تە تەست تاپسىرۋعا نيەت ءبىلدىردى.

وڭىرلىك كوممۋنيكاتسيالار قىز­­­­­مەتىنىڭ مالىمەتىنە سۇيەنسەك، ۇبت سىناعى وزگە وڭىرلەر سەكىلدى اتى­راۋدا دا 21 ماۋسىمدا باستالدى. سول كۇنى ح.دوسمۇحامەدوۆ اتىن­داعى اتىراۋ مەملەكەتتىك ۋني­ۆەر­سيتەتىنىڭ تەستىلەۋ ورتا­لى­­عىن­دا سىناققا 222 تۇلەك قاتىس­تى. تەست تاپسىرۋشىلاردىڭ بار­لىعى سانيتارلىق-ەپيدەميالىق نورما­لارعا سايكەس، دەزين­فەك­تسيالاۋدىڭ بەس كەزە­ڭىنەن ءوتتى.

سودان بەرى ەكى اپتاعا جۋىق مەرزىم وتسە دە تۇلەكتەر جينا­عان جوعارى بالل تۋرالى بىردە-ءبىر دەرەك جاريا ەتىلمەدى. ال­عاشقى كۇنى، ءتىپتى ودان كەيىن سى­ناقتا ۇبت تاپسىرعان تۇلەك­تەردىڭ قانشاسى جوعارى بالل جيناعانىن بىلگىمىز كەلگەن ەدى. الايدا بۇل ارەكەتىمىزدەن ەش­­تەڭە ونبەدى. وبلىستىق ءبىلىم بەرۋ باسقارماسى باسشىسىنىڭ مىندەتىن اتقارۋشى اقكەنجە يسان­بەرگەنوۆا ۇبت ورتالىعىنا سىلتەدى. ال ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتى جانىنداعى تەس­تىلەۋ ورتالىعىنىڭ جەتەكشىسى ايناگۇل دۇيسەكەنوۆا تەلەفون تۇتقاسىن كوتەرمەدى.

 دەگەنمەن ءبىلىم جانە عىلىم مينيسترلىگى ۇبت تاپسىرۋدىڭ اشىق­تىعى مەن وبەكتيۆتىلىگىن قام­­تاماسىز ەتۋگە ۇمتىلىس تا­نى­­تىپ وتىرعانى داۋسىز. وسى ماق­­­ساتتا ەلىمىزدىڭ بارلىق وڭى­رىن­­دە جۇمىس توبى قۇرىلدى. ونىڭ قۇرامىنا ارنايى موني­تو­­رينگ توپتىڭ، «اتىراۋ – ادال­­­دىق الاڭى» جوبالىق كەڭ­سەسى­نىڭ وكىلدەرى مەن اگەنتتىك قىز­مەتكەرلەرى كىردى.

اتالعان توپتىڭ نەگىزگى ماق­ساتى – تەستىلەۋدى وتكىزۋدىڭ اشىق­تىعىنا مونيتورينگ جۇرگىزۋ. ماسەلەن، 24 ماۋ­سىم­­داعى جاعداي بويىنشا اتى­راۋ وبلىسىندا تىيىم سا­لىنعان زاتتاردى الىپ وتۋگە جا­نە پايدالانۋعا تىرىسقان 32 تۇلەكتىڭ ەرەجە بۇزعانى انىق­تالىپ وتىر. تۇلەكتەردىڭ كەيبىرى وقۋلىقتى جاسىرىن تۇردە الىپ كىرگىسى كەلىپتى.

سىبايلاس جەمقورلىققا قار­سى ءىس-قيمىل اگەنتتىگى اتىراۋ وب­­لىسى بويىنشا دەپارتامەنتى­نىڭ ۇسىنعان مالىمەتىنە سۇيەنسەك، وسىنداي كەلەڭسىزدىكتەردىڭ قورى­تىندىسىمەن تەستىلەۋگە جول بەر­مەۋ جانە تەستىلەۋ زالىنان شىعارۋ اكتىلەرى جاسالىپتى. سونىڭ ىشىندە اتىراۋ قالاسىندا 12، قى­زىلقوعا اۋدانىندا 4، ماقات اۋدانىندا 3، يندەردە 4، جىلىويدا 6 جا­نە يساتاي اۋدانىندا 2 جاعداي تىركەلىپ وتىر.

ارينە «...ادام الاسى ىشىن­دە» دەگەندەي، ۇبت تاپسىر­عان تۇ­­لەكتەردىڭ كەيبىرى وسىنداي كە­لەڭسىز ارەكەت جاسادى. الاي­دا ولار­دىڭ ءبارى بىردەي زاڭ بۇزۋ­شى­لىققا بارماعان شىعار. ەندەشە، اتىراۋلىق تۇلەكتەردىڭ قان­شاسى 100-دەن جوعارى بالل جينادى ەكەن؟..

 

اتىراۋ

 

سوڭعى جاڭالىقتار

ەرلىككە تولى ەڭبەك

قازاقستان • كەشە

شيراز بۇلب ۇلى

ادەبيەت • كەشە

اتا جۇرتتا

ادەبيەت • كەشە

اباي وبلىسىنىڭ اتى وزدى

ايماقتار • كەشە

ۇقساس جاڭالىقتار