ءسويتىپ قازاقستاندا بيزنەستى تەكسەرۋدىڭ ورنىنا, جاۋاپقا تارتپاي-اق دياگنوستيكانى ەنگىزۋ ۇسىنىلعان.
"ارتىق تالاپتاردى ازايتۋ ءۇشىن كاسىپكەرلەر مەن بيزنەس قاۋىمداستىقتاردىڭ شاعىمدارى بويىنشا مەملەكەتتىك ورگانداردىڭ ءتيىمسىز اكتىلەرىن جويۋ نەمەسە توقتاتا تۇرۋ تەتىگىن ەنگىزۋ ۇسىنىلادى. ياعني, بيزنەسكە كەدەرگى كەلتىرەتىن شەشىمدەر تەز جويىلىپ, تۇزەتىلۋى مۇمكىن", - دەدى ر. دالەنوۆ.
سونداي-اق "ەكەۋىنىڭ ورنىنا ءبىر رەتتەۋ" قاعيداتىن ەنگىزۋ ۇسىنىلادى.
"بۇعان قولدانىستاعى ەكەۋىنىڭ ورنىنا جاڭا رەتتەۋ قۇرالىن ەنگىزۋ كىرەدى. بۇل بيزنەسكە اۋىرتپالىقتى ازايتادى. ليتسەنزيالار مەن رۇقساتتاردى وڭتايلاندىرۋ جوسپارلانۋدا", - دەدى مينيستر.
سونىمەن قاتار, جوسپارلى تەكسەرۋلەرگە بالاما رەتىندە كاسىپورىندى دياگنوستيكالاۋعا كوشۋ بولادى, دەدى ول.
"مۇنداي بيزنەستى دياگنوستيكالاۋ ەسەپ بەرۋشىلىكسىز جۇزەگە اسىرىلادى جانە جوسپارلى تەكسەرىستەردى ازايتادى. قىزمەتتەردى تسيفرلاندىرۋ اياسىندا بيزنەسكە بارلىق قىزمەتتەردى ەلەكتروندى تۇردە تولىق قامتۋ ۇسىنىلادى. كاسىپكەرلىكتى قارجىلاندىرۋدىڭ قول جەتىمدىلىگىن ارتتىرۋ جانە مەملەكەتتىك قولداۋ شارالارىن جەتىلدىرۋ بويىنشا جۇمىس جالعاسادى", - دەپ قورىتىندىلادى دالەنوۆ.
