الەم • 30 ماۋسىم، 2020

يتاليادا ايۋدى ءولىم جازاسىنا كەستى

127 رەت كورسەتىلدى

Gearjunkie اگەنتتىگىنىڭ حابارلاۋىنشا، وتكەن اپتادا يتاليانىڭ سولتۇستىك ايماعىندا سەرۋەندەپ جۇرگەن ەكى تۋريستكە ايۋ شابۋىلداعان ، -  دەپ حابارلايدى Egemen.kz

باستاپقىدا ايۋ بالاعا قاراي جۇگىرىپ، سوڭنان اكەسىنە شابۋىلداماق بولىپتى. ەبىن تاۋىپ تۋريستەر ۇزاققا قاشىپ كەتكەن.

وسى وقيعادان كەيىن ترەنتينو پروۆينتسياسىنىڭ گۋبەرناتورى ماۋريتسيو فۋگاتتي ساياحاتشىلارعا شابۋىل جاساعانى ءۇشىن ايۋدى جازالاۋ تۋرالى جارلىققا قول قويادى.

ال ءدال وسى كۇندەرى جەرگىلىكتى جانۋارلاردى قورعاۋ جونىندەگى دۇنيەجۇزىلىك قور تاراپىنان جارلىققا بايلانىستى قىزۋ پىكىرتالاس بولىپ جاتىر. كوپشىلىگى ايۋدى ءولىم جازاسىنا كەسۋ تۋرالى پەتيتسياعا نارازىلىق بىلدىرگەن.

جازالاۋ مەرزىمى ءالى بەلگىلەنبەگەندىكتەن،يتاليانىڭ قورشاعان ورتا ءمينيسترى  گۋبەرناتوردان جانۋاردى ولتىرمەۋدى سۇرادى.

سونداي-اق مينيستر: "جانۋار تۋرالى تولىق عىلىمي اقپارات دايىنداپ، ايۋدى ءولىم جازاسىنا كەسپەيتىندەي شەشىم شىعارا الامىز"، - دەپ مالىمدەمە جاسادى.

سوڭعى جاڭالىقتار

ۇقساس جاڭالىقتار