الەم • 30 ماۋسىم، 2020

پولشادا اباي بەينەلەنگەن پوشتا ماركاسى شىعارىلدى

33 رەت كورسەتىلدى

"پوشتا پولسكا" كومپانياسىنىڭ ورتالىق عيماراتىندا اباي قۇنانباي ۇلىنىڭ 175-جىلدىعىنا ارنالعان ماركانى شىعارۋ ءراسىمى ءوتتى. بۇل تۋرالى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ حابارلايدى.

پوشتالىق ماركانى شىعارۋ جوباسى ۇلى قازاق اقىننىڭ مەرەيتويىن مەرەكەلەۋ اياسىندا قازاقستاننىڭ ۆارشاۆاداعى ەلشىلىگىنىڭ باستاماسىمەن "پوشتا پولسكا" اق جۇزەگە اسىردى.

ءوز سوزىندە قازاقستاننىڭ پولشاداعى ەلشىسى ءالىم قيراباەۆ قازىرگى ۇرپاقتى ادالدىق پەن ادىلەتتىلىك قاعيدالارىن باسشىلىققا الۋعا، سونداي-اق ءوز حالقىنا قىزمەت ەتۋگە جانە اعارتۋعا ۇمتىلۋعا شاقىرىپ، شابىتتاندىراتىن ۇلى جازۋشىنىڭ فيلوسوفيالىق يدەيالارى مەن ولمەس ادەبي مۇراسىنىڭ وزەكتىلىگىن اتاپ ءوتتى.

"پوشتا پولسكا" اق توراعاسى توماش زدزيكوتا ەكى ەل اراسىنداعى فيلاتەليا سالاسىنداعى جەمىستى جانە ۇزاق مەرزىمدى ىنتىماقتاستىعىنا توقتالىپ، ۇلى قازاق اعارتۋشىسىنىڭ بەينەسى سالىنعان پوشتالىق ماركاسى فيلاتەليستتەر اراسىندا ۇلكەن قىزىعۋشىلىق تۋدىرىپ، بىرلەسكەن ءساتتى جوبالاردىڭ دالەلى بولاتىنىنا سەنىم ءبىلدىردى.

1

ءىس-شارا بارىسىندا پولشا رەسپۋبليكاسى سىرتقى ىستەر مينيسترلىگىنىڭ دەپارتامەنت ديرەكتورى يا.حوفموكل، ابايدىڭ شىعارماشىلىق مۇراسىنىڭ ماڭىزدىلىعى مەن اۋقىمىن ايتا وتىرىپ، 2001 جىلى قازاقستانعا جاساعان ساپاردىڭ بارىسىندا ريم پاپاسى يوانن پاۆەل II-ءشى دايەكسوز جاساعان ابايدىڭ "قارا سوزدەر" ايگىلى ادەبيەت شىعارماشىلىعىمەن تىنداۋشىلاردى تانىسۋعا شاقىردى.

ابايدىڭ 175-جىلدىعىن مەرەكەلەۋ اياسىندا وتكىزىلگەن ءىس-شارا پولياك اۋديتورياسىن قازاقستان حالقىنىڭ مادەني مۇراسى مەن رۋحاني بايلىعىمەن تانىستىرۋعا جاقسى مۇمكىندىك ۇسىندى.

ءىس-شاراعا قازاقستاننىڭ پولشاداعى ەلشىلىگىنىڭ وكىلدەرىمەن قاتار "پوشتا پولسكا" اق مەن پولشا سىرتقى ىستەر مينيسترلىگىنىڭ باسشىلىعى قاتىستى.

كەزدەسۋ سوڭىندا ەلشى پولياك تاراپىنا پولياك تىلىندەگى ابايدىڭ "قارا سوزدەر" كىتابىنىڭ بىرنەشە داناسىن تابىستادى.

سوڭعى جاڭالىقتار

ۇقساس جاڭالىقتار