قالا بيلىگى دەمالىس كۇندەرى كارانتين شارالارىن كۇشەيتىپ, ازىق-ت ۇلىك ساتاتىن دۇكەندەرگە دەيىن جاۋىپ, دەزينفەكتسيالاۋ ءۇشىن جۇمىسىن كىدىرتىپ, قوعامدىق كولىكتەرگە دەيىن توقتاتۋعا امالسىز بارىپ جاتقاندا, وزىنە ىندەت جەتپەگەننەن كەيىن ويىن-ساۋىعىن تىيا الماي وتىرعان اعايىنداردى تابۋ قيىن ەمەس.
سونىمەن, سەنبى, ياعني 27 ماۋسىمدا سانيتارلىق تالاپتاردىڭ ساقتالۋىن باقىلاۋ جونىندەگى موبيلدىك توپ تاڭعى ساعات 08.00-دەن 18.00-گە دەيىن نىسانداردى ارالاپ, سانيتارلىق نورمالاردى ەلەمەيتىندەردى انىقتادى. اتاپ ايتساق, «دوستلۋك» ءدامحاناسى. ءدامحانا اۋماعىندا سانيتارلىق نورمالار ورەسكەل بۇزىلىپ, ودان بولەك 100 ادامعا ارنالعان ۇيلەنۋ تويى وتكەن. ايتپەسە, قالاداعى بارلىق قوعامدىق تاماقتانۋ ورىندارى مەن تويحانالارعا قايتا-قايتا قاتاڭ ەسكەرتۋ بەرىلىپ جۇرگەنى بەسەنەدەن بەلگىلى. ءدامحانا يەسىنە اكىمشىلىك حاتتاما تولتىرىلىپ, بانكەت سول مەزەتتە توقتاتىلدى. ەپيدەميولوگتەرگە جابىق عيماراتتار ۆيرۋستىڭ تارالۋىنا قولايلى ورتا ەكەنىن كەزەكتى رەت تۇسىندىرۋگە تۋرا كەلدى. اتالعان ءدامحانا جابىلىپ, الماتى قالالىق تاۋارلار مەن قىزمەتتەردىڭ ساپاسىن باقىلاۋ دەپارتامەنتىنىڭ ماماندارى اكىمشىلىك قۇقىق بۇزۋشىلىق تۋرالى حاتتاما تولتىرىپ, ءىس سوتقا جىبەرىلدى.
قازىر الماتى قالاسى اكىمىنىڭ تاپسىرماسى بويىنشا مونيتورينگ توپتارى كاسىپكەرلىك سۋبەكتىلەرىنىڭ سانيتارلىق تالاپتاردى ساقتاۋىن باقىلاۋ بويىنشا قارقىندى جۇمىس جۇرگىزىپ جاتىر. جالپى, قالادا 5395 نىسان تەكسەرىلدى. سونىڭ ىشىندە 591 نىساننىڭ الماتى قالاسىنىڭ باس مەملەكەتتىك سانيتارلىق دارىگەرىنىڭ قاۋلىسىنداعى تالاپتارىن ورەسكەل بۇزعانى انىقتالدى. وسىعان بايلانىستى 571 نىساننىڭ قىزمەتى ەسكەرتۋلەر جويىلعانعا دەيىن توقتاتىلدى. سونىمەن بىرگە 22-27 ماۋسىم ارالىعىندا مونيتورينگتىك توپ 479 شوب سۋبەكتىلەرىن قامتىدى. باس مەملەكەتتىك سانيتارلىق دارىگەردىڭ قاۋلىسىن قۇلاعىنا قىستىرماعان «ازامات», «قازىنا», «داۋلەت» دۇكەندەرى, «Lanzhou», «جاستار», «قاراعايلى», «الاتاۋ», «شاعىن ماركەت», «اقبوپە», «Asqar», «اي-ارۋ»», «ديالوگ» اسحانالارى, كوكونىس دۇكەنى, «اقجول» اۆتوبولشەكتەرى دۇكەنىنە قاتاڭ شارالار قولدانىلدى. سونداي-اق ءتارتىپ بۇزعاندار تىزىمىنە بايتەرەك, Sababa, دارەدجاني, Tomato, حوروشي گود, Leo`s Cafe & Terrace, Frau Irma, مياتا Platinum, تارحۋن, Samal, ياكور, Friuli, KenRai, Lobby, جۇلدىز, Crudo, شاح, پۋگاسوۆ, Origano, زولوتو, ۋ ستەفاني, Good-Beef Steak House, Sea Marinè, Velour, دۋشەۆنايا كۋحنيا شەف, Del Papa, الاشا, Park Hall, جايلاۋ, كافەتەريلەردەن ءداستۇر, الاتاۋ تسەنتر, افيشا, Cicek مانگال, تەپليتسا, پەكينسكايا ۋتكا, ۆەتكافە, پۋبليكا, گوستي, Go bar, تامشى بۇلاق, ماملامبو, ZEN, زلاتو, التىن-اي, ۆوستوچنىي كۆارتال, كوفەينيا, Excellent, Kalispera, Gloria Jean’s Coffees, Urban Coffee, Honest, Mandarino, Eclair, Nautika, ماسيسو, جان پلوۆ لاگمان, Coffeedelia, Bisquit, جازعى اۋلا, مانساردا, ستولوۆايا syrmaq, كەرەمەت, پروۆانس, سالون جاليۋزي, ماماەۆا جك, چەركاش سەكىلدى مەيرامحانا كەشەندەرى كىرەدى.
سول سياقتى سانيتارلىق نورمالاردى ساقتاماعانى ءۇشىن 40 شاقتى ءدامحانا قالالىق بيلىكتىڭ قىرىنا ىلىگىپ وتىر. سونىمەن قاتار سانيتارلىق-ەپيدەميالىق ەرەجەلەردى ورەسكەل بۇزعان ءۇش «لاگمانحانا», «Striker» كومپيۋتەرلىك كلۋبى, «احچيا» تجس, «Doctor» شينومونتاجى, «سىتىي پاپا», «Medina» كولىك جۋ ورىندارى, سونداي-اق «Milky Icە» بالمۇزداق دۇڭگىرشەكتەرى, سامسا, ەكى دونەر دۇڭگىرشەگى, «شاحين», «اسەل», «نۇرلى», «لياززات» ازىق-ت ۇلىك دۇكەندەرىنە ارنايى شارالار قولدانىلادى.
الماتى
