ءوندىرىس وشاعى نارىقتا 2011 جىلدان بەرى تابىستى جۇمىس ىستەپ كەلەدى. زاۋىت ءوز جۇمىسىن قورعانىس مينيسترلىگى, تجم جانە ىشكى اسكەرلەردىڭ تاپسىرىسى بويىنشا اسكەري كيىم-كەشەك شىعارۋدان باستادى. سودان كەيىن كومپانيا ونەركاسىپتىك كاسىپورىندار ءۇشىن ارنايى كيىم ءوندىرىسىن يگەردى. كەيىنىرەك مۇندا كيىمنىڭ ازاماتتىق جەلىسى — كلاسسيكالىق كوستيۋمدەر مەن اياق كيىم شىعارىلا باستادى.
"قازلەگپروم-الماتى" تىگىن وندىرىسىندە كيىم جوبالاۋ ءبولىمى, كەسىپ دايىنداۋ تسەحى, تىگىن تسەحى جانە قوسالقى تسەحتارى بار. ءوندىرىس قۋاتتىلىعى جىلىنا 1,5 ملن تىگىن ءونىمىن جاساپ شىعارادى. فابريكا ءوندىرىس بارىسىندا ەشقانداي اقاۋسىز, سىناقتاردان وتكەن ساپالى شيكىزاتتاردى قولدانادى. كوپتەگەن سىناقتاردان ءوتۋ جولىندا فابريكا ونىمدەرى ساپا ستاندارتىنا تولىعىمەن ساي كەلەدى.
كيىم جوبالاۋ ءبولىمنىڭ جۇمىس بارىسى كيىم ۇلگىلەرىنىڭ ديزاينىن جاساپ, وندىرىسكە دايىنداۋعا نەگىزدەلگەن. ديزاينەر, مودەلەر-قۇراستىرۋشى, تەحنولوگ, تىگىنشىلەر بىرلەسە جۇمىس جاسايدى. تاپسىرىستاردى قابىلداپ, تۇتىنۋشىعا بەرۋ ارالىعىندى ءوندىرىس ۋاقىتىن ۇنەمدەۋ ءۇشىن "Gerber Technology", "AccuMark" سىندى اۆتوماتتانعان جوبالاۋ باعدارلامالارىن قولدانادى.
ءونىمدى الەمنىڭ الدىڭعى قاتارىنداعى (گەرمانيا, جاپون, اقش) وندىرۋشىلەردىڭ زاماناۋي, جوعارى تەحنولوگيالىق قۇرالدارىمەن تىگىن تسەحىندا قۇراستىرىپ, شىعارادى. ولاردىڭ ىشىنەن ماتانىڭ بارلىق تۇرىنە كەستەلەپ سالاتىن 16 ينەلى, "Tajima" (جاپون) اۆتوماتتى كەستە ماشيناسىن ايتۋعا بولادى.
بۇدان بولەك فابريكادا ۇلگى جاساۋ, كەسۋ بارىسىندا شىققان قالدىق ماتا قيىندىلارىن قايتا قولدانۋ جۇمىسى جۇرگىزىلەدى. جاسالىنىپ شىققان ونىمدەر- جاستىقتار, توسەنىشتەر, ديۆانعا ارنالعان دەكوراتيۆتى جۇمساق جاستىقتار, ەستەلىك بۇيىمدارى ۇلكەن سۇرانىستا.
اياق-كيىم ءوندىرىسى جىلىنا 500 000 جۇپ اياق كيىم ءوندىرۋ جوباسىمەن فابريكانىڭ باسەكەگە قابىلەتتىلىگىن ارتتىرۋدا. بۇل بولىمدە اياق-كيىم جوبالاۋ, كەسۋ, دايارلاۋ, تابانداۋ, قالىپقا كەلتىرۋ, وكشەسىن جاساۋ تسەحتارى جۇمىس ىستەيدى. ءوندىرۋ كەزىندە تەرموتۇراقتى, سۋ وتكىزبەيتىن, اۋا وتكىزەتىن استارلار قولدانىلادى.
كەسۋ تسەحىندا اياق-كيىمنىڭ ماتاسى گيدراۆليكالىق پرەسپەن كەسىلۋ كەزەڭىنەن باستالادى. دايارلاۋ تسەحىندا اياق-كيىم بولشەك قۇرامدارىن ءجىپ جانە جەلىممەن بىرىكتىرۋ ءۇردىسى جۇرگىزىلەدى. تەحنولوگيالىق ءۇردىستى ساپالى جاساۋ, ەڭبەك ءونىمىن جوعارلاتۋ ءۇشىن زاماناۋي "Pfaff" (گەرمانيا) اۆتوماتتى ماشيناسىن قولدانىپ, از جۇمىسشى كوپ مولشەردە اياق-كيىمنىڭ ۇستىڭگى بولىگىن قۇراستىرۋدا. قالىپقا كەلتىرۋ تسەحىندا اياق-كيىمدى قۇراستىرۋ ءۇردىسى جۇرگىزىلەدى. اياق-كيىمنىڭ تۇمسىعىن قالىپقا كەلتىرۋ ءۇشىن ارنايى يتاليالىق "Cerim" ماشيناسىن قولدانادى. جوعارى ءوندىرىستى "Desma" (گەرمانيا) فيرماسىنىڭ ماشيناسى وتە بەرىك, كەز كەلگەن اۋا-رايىنا قولايلى, مەحانيكالىق جانە حيميالىق اسەرگە ءتوزىمدى پوليۋرەتاننان جاسالعان تابانداردى جابىستىرىپ, شىعارادى.
كاسىپورىن تسەحتارىندا 400-دەن استام ادام جۇمىس ىستەيدى. كاسىپورىن ىسكە قوسىلعان كەزدە مامان تاپشىلىعى بولعان ەدى. قازىر "قازلەگپروم-الماتى" ءوز قىزمەتكەرلەرىنىڭ بىلىكتىلىگىن ارتتىرۋعا جانە قىزمەتكەرلەردى دايارلاۋعا باسا نازار اۋدارادى. فابريكا جانىندا "شەبەر" وقۋ ورتالىعى جۇمىس ىستەيدى, ونىڭ بازاسىندا ءۇش ايلىق كۋرستار بارىسىندا تىگىن جانە اياق كيىم ءوندىرىسىنىڭ ماماندارىن دايىندايدى. فابريكادا كاسىپتىك كوللەدجدەر مەن ليتسەيلەردىڭ ستۋدەنتتەرى, سونداي-اق "الماتى قالاسىنىڭ حالىقتى جۇمىسپەن قامتۋ ورتالىعى"كمم-ءنىڭ جۇمىسپەن قامتۋ باعدارلاماسى بويىنشا قايتا دايارلاۋدان وتۋگە نيەت بىلدىرگەن باسقا دا ماماندىقتاردىڭ وكىلدەرى تاجىريبەدەن وتەدى.
