"بىلەسىزدەر, بۇل تۋرالى وسىدان ءۇش جىل بۇرىن ۇزاق مەرزىمدى ارنايى باعدارلاما قابىلدانعان. وسى ۋاقىت ىشىندە ءبىراز شارۋا اتقارىلدى. قازىرگى تاڭدا اتالعان باعدارلاما اياسىندا 13 ارنايى جوبا ىسكە اسىرىلىپ جاتىر", دەيدى ايدا بالاەۆا.
ءمينيستردىڭ ايتۋىنشا, باعدارلامانى ىسكە اسىرۋ بويىنشا 2020 جىلعا ارنالعان 97 تارماقتان تۇراتىن جوسپار قۇرىلعان. وعان سايكەس اتقارىلاتىن ءىس-شارالار – تۇلعالىق دامۋ, ۇلتتىق ەرەكشەلىكتى ساقتاۋ جانە مەملەكەت پەن ازاماتتىق قوعامدى دامىتۋ سياقتى 3 باعىتقا ءبولىندى. سوعان وراي ءار ءوڭىردىڭ جوسپارلى تۇردە اتقاراتىن جۇمىستارى بار ەكەندىگىن تىلگە تيەك ەتتى.
بۇدان بولەك, مينيستر اقپاراتتاندىرۋ سالاسىنداعى "ruh.kz" پورتالى جانە وسى باعدارلاماعا قاتىستى بارلىق ماسەلەلەردى تالقىلاۋ ءۇشىن ارنايى "ازاماتتىق الاڭ" جۇمىس ىستەيتىندىگىن ايتا كەتتى.
"ارينە, كەنجە قالعان ماسەلەلەر دە بار. ولار بويىنشا ءبىز جەرگىلىكتى رەسۋرستىق ورتالىقتارمەن تىعىز قارىم-قاتىناستامىز. ءبىزدىڭ تاراپىمىزدان "ەڭبەك – ەلدىڭ مۇراتى", "قۇقىقتىق مادەنيەت", "ۇنەم – قوعام قۋاتى", ء"داستۇر مەن عۇرىپ" اتتى 4 ارنايى جوبا ۇسىنىلىپ وتىر. ولاردىڭ ارقايسىسىنا جەكە كونتسەپتسيالار جاسالىپ قويعان. بۇل جوبالاردىڭ بارلىعىنىڭ تۇبىندە نەگىزگى يدەيا – تۇلعانى تاربيەلەۋ مەن قوعامدا بيىك تالعام قالىپتاستىرۋ", دەيدى ايدا بالاەۆا.
