اعىمداعى جىلدىڭ 27 ماۋسىمىندا سانيتارلىق تالاپتاردىڭ ساقتالۋىن باقىلاۋ بويىنشا موبيلدىك توپ ساعات 08.00-دەن 18.00-گە دەيىن نىسانداردى ارالاپ شىقتى. تەكسەرۋ بارىسىندا سانيتارلىق نورمالاردى ەلەمەيتىن نىساندار انىقتالدى. اتاپ ايتقاندا, "دوستلۋك" كافەسى. كافە اۋماعىندا ورەسكەل ءتارتىپ بۇزۋشىلىقتار انىقتالدى. بۇدان بولەك, كوپشىلىك 100 ادامعا ارنالعان بانكەت (ۇيلەنۋ تويى) وتكەن. مەكەمەنىڭ يەسىنە اكىمشىلىك حاتتاما تولتىرىلىپ, ءىس-شارا سول مەزەتتە توقتاتىلدى.
ەپيدەميولوگتەر ءىس-شارانىڭ قوناقتارىمەن قاشىقتىقتى ساقتاۋ جانە ءۇي ىشىندە كوپ جينالۋدىڭ الدىن الۋدىڭ ماڭىزدىلىعى تۋرالى ءتۇسىندىرۋ جۇمىستارىن جۇرگىزدى. COVID-19 – بۇل اۋا تامشىلارىمەن بەرىلەتىن جۇقپالى ۆيرۋس. جابىق عيمارات جانە ادامداردىڭ كوپتەپ شوعىرلانۋى ۆيرۋستىڭ تارالۋىنا قولايلى جاعداي جاسايدى.
انىقتالعان بۇزۋشىلىقتارعا بايلانىستى كافەنىڭ جۇمىسى توقتاتىلدى. تاۋارلار مەن قىزمەتتەردىڭ ساپاسىن باقىلاۋ دەپارتامەنتىنىڭ ماماندارى اكىمشىلىك قۇقىق بۇزۋشىلىق تۋرالى حاتتاما جاسادى جانە ءىس سوتقا جىبەرىلدى.
ەسكە سالساق, الماتى قالاسى اكىمىنىڭ تاپسىرماسى بويىنشا مونيتورينگ توپتارى كاسىپكەرلىك سۋبەكتىلەرىنىڭ سانيتارلىق تالاپتاردى ساقتاۋىن باقىلاۋ بويىنشا قارقىندى جۇمىستار جۇرگىزىپ جاتىر.
جالپى, الماتى قالاسىندا 5395 نىسان تەكسەرىلدى. سونىڭ ىشىندە 591 وبەكتىدە الماتى قالاسىنىڭ باس مەملەكەتتىك سانيتارلىق دارىگەرىنىڭ قاۋلىسىنداعى تالاپتارىنىڭ بۇزىلۋى انىقتالدى. وسىعان بايلانىستى 571 نىساننىڭ قىزمەتى ەسكەرتۋلەر جويىلعانعا دەيىن توقتاتىلادى.
