كاريم بەس جارىم جاستا. تۋعاننان باستاپ ونىڭ اتا-اناسى كىشكەنتاي ۇلداردىڭ اۋرۋى –تسەرەبرالدى پاراليچ (بمس) جانە سپاستيكالىق تەتراپارەزبەن كۇرەسىپ كەلەدى. بالانىڭ اناسى يۋليا حاسەنوۆانىڭ ايتۋىنشا, جۇكتىلىك قالىپتى وتكەن, جاعدايدىڭ وسىنداي بولۋىنىڭ حابارشىلارى بولماعان. جاعداي كۇتپەگەن جەردەن ۇشادى. بالا 22 ساعات سۋسىز كەزەڭدە بولىپ, گيپوكسيادان زارداپ شەككەن. جاعداي قاۋىپتى سيپاتقا يە بولعان كەزدە دارىگەرلەر كەسار وتاسىن وتكىزۋگە شەشىم قابىلدادى. كاريم دۇنيەگە مەرزىمىنەن ەرتە كەلدى. بالا تۋعاننان كەيىن بىردەن وكپەنى جاساندى جەلدەتۋ اپپاراتىنا قوسىلدى, ال بىرنەشە كۇننەن كەيىن ونىڭ ميىنا قان قۇيىلىپ, قان سەپسيسى ورىن العان. قان قۇيۋ كەزىندە بالانىڭ امان قالۋى ەكىتالاي ەدى, باقىتىنا وراي, ءتىرى قالدى. ستاتسيوناردان شىققاننان كەيىن دارىگەرلەردىڭ تابالدىرىعىن توزدىرىپ, سان الۋان ءدارى-دارمەكتەردى قابىلداۋ كەزەڭى باستالدى, بۇنىڭ سالدارىنان كاريمنىڭ باۋىرى قاتتى زارداپ شەكتى, سەبەبى ەمدەۋ مەرزىمى 8 ايعا, بالا ۋىتتى گەپاتيتكە شالدىعىپ, ارەڭ دەگەندە قول جەتكىزىلگەن داعدىلارىنىڭ تولىق رەگرەسسى پايدا بولعانعا دەيىن جالعاسقان.
بالانىڭ جاعدايىن جاقسارتۋعا ارنالعان ادىستەمەلەر مەن كۋرستار كوپ, بىراق ولاردىڭ بارلىعى بالانىڭ اتا-اناسىنىڭ ءالى كەلمەيتىن ۇلكەن قارجىلىق شىعىنداردى تالاپ ەتەدى.
كاريمدى ماسكەۋلىك وستەوپات مامانعا ەمدەلۋگە اپارعان. ناتيجە قىسقا مەرزىمدى بولسا دا بار, سوندىقتان مەزگىل-مەزگىل ءبارىن باسىنان باستاۋعا تۋرا كەلەدى.
2017 جىلدان باستاپ كاريم ماسكەۋدە نادەجدا لوسكۋتوۆانىڭ ورتالىعىندا كومەك الادى, وندا بالانى "BFM" ءادىسى بويىنشا ەمدەيدى. سونىمەن قاتار, كاريمنىڭ اناسى يۋليا وسى ءادىس بويىنشا وقىپ, ۇيدە ۇلىمەن ءوزى اينالىسادى.
سونداي-اق, يۋليا كاريمنىڭ ميىنىڭ دامۋىنا باعىتتالعان "ABM" ادىستەمەسىمەن اينالىسادى. وسى ۋاقىتقا دەيىن بۇل ساباقتار قاراعاندىدا وتكەن, بىراق توپتاردىڭ جيناقتالماۋىنا بايلانىستى وتباسى نۇر-سۇلتانعا قاتىناۋعا ءماجبۇر. بۇل اسا قاجەت, سەبەبى كاريمدە جوعارىدا ايتىلعان سىرقاتتاردان تىس ميكروتسەفاليا انىقتالعان. ال وسى ءادىستىڭ ارقاسىندا, بالادا ايتارلىقتاي پروگرەس بار: ءدارى-دارمەكتەرسىز باس سۇيەگى ءوستى, ول باسىن ۇستاپ, اياققا تۇرا باستاعان, ونىڭ كورۋ جانە سويلەۋ قابىلەتتەرىنىڭ دە دامۋىندا دا ايتارلىقتاي جاقسارۋلار بار.
بالانىڭ تولىق ايىعىپ كەتپەسە دە ايتارلىقتاي جاقسارۋىنا مۇمكىندىك بار. وكىنىشكە وراي, وسىنداي جاعدايلاردا ءجيى بولاتىنداي, ءبارى قارجىعا كەلىپ تىرەلەدى. ەلورداعا ەمدەلۋ ءۇشىن بارعان سايىن 350 مىڭ تەڭگەدەن جۇمسالادى, ال ماسكەۋگە سوڭعى رەت بارعاندا 1 ملن 200 مىڭ تەڭگە شىعىندالعان. ەمدەۋدەن باسقا باسقا دا قاجەتتىلىكتەر بار: بالاعا شومىلۋ ورنى, ارنايى اربا جانە تاعى باسقالار قاجەت.
باستاپقىدا بالانى ەمدەۋ مەن وڭالتۋعا قاراجات جەتكىلىكتى بولاتىن, بىراق كەيىن كومەك سۇراۋعا تۋرا كەلدى.
يۋليا حاسەنوۆا, كاريمنىڭ اناسى: ء"بىز قول جەتكىزگەن ناتيجەمەن توقتاپ قالماۋعا تىرىسامىز, مەن ءوز بالامنىڭ دەنساۋلىعى ءۇشىن كۇرەسۋدى جالعاستىراتىن بولامىن. بىراق ءوز كۇشىمىزبەن مۇنى ىستەۋ وتە قيىن. ال ەندى كاريم ءۇشىن سىيلىقتار مەن بانكەتتەن باس تارتىپ, قايىرىمدىلىق جاساۋعا بەل بۋعان جۋرناليستتەردىڭ ارقاسىندا ءبىز ەمدەۋدى جالعاستىرا الامىز. مەن بىزگە كومەكتەسەتىن جانداردىڭ تابىلعانىنا وتە قۋانىشتىمىن. ءبىزدىڭ ولارعا ريزاشىلىعىمىز شەكسىز. قازىر ءبىز قايتادان 13 شىلدەگە شاقىرۋ الدىق جانە شەكارانىڭ اشىلۋىن كۇتۋدەمىز. وسى قارجىلىق كومەك بىزگە ۇلكەن سەپتىگىن تيگىزدى. قاراعاندى وبلىسىنىڭ جۋرناليستەرى مەن "ارسەلورميتتال تەمىرتاۋ" كومپانياسىنا ۇلكەن راحمەت!
