قازاقستان • 27 ماۋسىم، 2020

نورۆەگيادا قازاقستاننىڭ ينۆەستيتسيالىق مۇمكىندىكتەرى تانىستىرىلدى

94 رەت كورسەتىلدى

نورۆەگيادا قازاقستاننىڭ ەلشىلىگى ۇيىمداستىرعان بيزنەس-سەمينارعا نورۆەگيالىق يننلاندەت پروۆينتسياسىنىڭ ليللەحاممەر، يوۆيك، حامار مۋنيتسيپاليتەتتەرىندەگى كوممەرتسيالىق ونەركاسىپ وكىلدەرى قاتىستى. بۇل تۋرالى سىرتقى ىستەر مينيسترلىگىنىڭ ءباسپاسوز قىزمەتىنە سىلتەمە جاساي وتىرىپ Egemen.kz حابايلايدى. 

ءىس-شارا اياسىندا جەرگىلىكتى كاسىپكەرلەرگە قازاقستاندا بيزنەس جۇرگىزۋ شارتتارى، "استانا"  حالىقارالىق قارجى ورتالىعىنىڭ قازىرگى ينۆەستيتسيالىق پرەفەرەنتسيالارى مەن ارتىقشىلىقتارى تۋرالى اقپارات بەرىلدى. ەلشى ەركىن احينجانوۆ اۋىل شارۋاشىلىعى، تۋريزم مەن سپورت سالالارى، جاڭارتىلاتىن ەنەرگيا كوزدەرى، قازاقستاننىڭ ترانزيتتىك-كولىكتىك الەۋەتى جايىندا تولىعىراق ايتىپ شىقتى.

 

نورۆەگيالىق كومپانيالار – قار جيناۋ جابدىقتارىن، سىرتقى ەلەكتروندى اككۋمۋلياتورلارىن وندىرۋشىلەرى، سونداي-اق تۋريستىك ينفراقۇرىلىم سالۋ جونىندەگى كومپانيا قازاقستاندىق كومپانيالارمەن ىنتىماقتاستىققا قىزىعۋشىلىق ءبىلدىردى.

 

ءوزارا ءتيىمدى باعىتتار بويىنشا ديالوگتى جالعاستىرۋ تۋرالى كەلىسىمگە قول جەتكىزىلدى. 

ۇقساس جاڭالىقتار