ەكونوميكا • 27 ماۋسىم، 2020

قازاقستانداعى ەلەكتروندى ساۋدا نارىعىنىڭ كولەمى 20 ەسە ءوستى

15 رەت كورسەتىلدى

Lamoda ساراپشىلارىنىڭ ايتۋىنشا، ينتەرنەتتەگى ساتىپ الۋلاردىڭ ورتاشا مولشەرى 30-35% ءوستى. بۇل تۋرالى كەشە الماتىدا ينتەرنەت دۇكەن جەلىلەرى وكىلدەرىمەن كەزدەسۋدە ايتىلدى، دەپ حابارلايدى Egemen.kz

بۇل سوڭعى 10 جىلداعى كورسەتكىش. "ەلەكتروندى كوممەرتسيا نارىعى ينتەرنەتتىڭ تارالۋ جىلدامداعىمەن بىرگە وسە باستادى. 2019 جىلى قولما-قول اقشاسىز تولەمدەر كولەمى 2.3 ەسە ارتىپ، شامامەن 14،4 ترلن تەڭگەنى (بولشەك ساۋدانىڭ جالپى كولەمىنىڭ 3،7%) قۇرادى. بەلسەندى ساتىپ الۋشىلاردىڭ سانى 72%-عا ارتىپ، 3،2 ملن ادامعا جەتتى.

2010 جىلى قازاقستانداعى ونلاين-ساۋدا كولەمى 35 ملرد تەڭگە بولاتىن. 2015 جىلعا قاراي ينديكاتورلار 5 ەسە ءوسىپ، 194 ملرد  تەڭگەگە بارىپ توقتادى.

سالىستىرۋ ءۇشىن: 2015 جىلى ينتەرنەتتە بارلىق بولشەك ساۋدانىڭ تەك 7،5%-ى جاسالعان، 2019 جىلى بۇل كورسەتكىش 14،2%-عا دەيىن ءوستى، ول 3،5 ترلن دوللاردى قۇرادى. "2012 جىلى ينتەرنەت-دۇكەندەردەگى بارلىق قازاقستاندىق تولەمدەردىڭ تەك 10%-ى قازاقستاندا قالدى، 2014 جىلى بۇل كورسەتكىش 35% قۇرادى.

قازاقستاندا ينتەرنەتتى پايدالانۋشىلار سانى 2018 جىلى ەل حالقىنىڭ 81،3% قۇرادى، ال ەلەكتروندى كوممەرتسيا ۇلەسى 2،9% جەتتى. نارىق 1،5 ەسە ءوسىپ، 259،5 ملرد تەڭگەگە جەتتى.

"قازاقستاندارعى ەلەكتروندى ساۋدا قارقىندى دامىپ كەلەدى، ەل تۇرعىندارى ينتەرنەت ارقىلى وزدەرىنە قاجەتتى تاۋارلارعا  تاپسىرىس بەرىپ جاتىر"، دەيدى ۆياچەسلاۆ يۆاششەنكو، Wildberries دۇكەندەر جەلىسىنىڭ  ديرەكتورى.  

ساراپشىلاردىڭ پىكىرىنشە، ەلەكتروندى ساۋدانىڭ ەكونوميكاعا مۋلتيپليكاتيۆتى اسەرى قازاقستاننىڭ ءجىو-گە جىل سايىنعى ۇلەسىن 1،1% دەڭگەيىندە بولجاۋعا مۇمكىندىك بەرەدى.

"ەلەكتروندىق ساۋدانىڭ تانىمالدىلىعى ءارتۇرلى فاكتورلاردىڭ اسەرىنەن تەز ءوسىپ كەتتى، ال زاماناۋي الەمدى ساتىپ الۋعا تەز كومەكتەسەتىن ينتەرنەت-دۇكەندەر مەن ءموبيلدى قوسىمشالارسىز ەلەستەتۋ مۇمكىن ەمەس"،  دەدى Lamoda Kazakhstan باس ديرەكتورى ء مولدىر رىساليەۆا.

دۇنيەجۇزىلىك بانكتىڭ مالىمەتى بويىنشا، Ovum (دۇنيەجۇزىلىك ۇيالى اقپارات قىزمەتى) 2017 جىلى قازاقستاندا حالىقتىڭ 76،4% ينتەرنەتتى پايدالانۋشىلار بولدى. بۇل رەيتينگتە قازاقستان ۇلىبريتانيادان كەيىن (94،8% پايدالانۋشىلار)، ءتىپتى اقش (76،2%)، پولشا (76%) جانە رەسەيدەن (76%) وزىپ كەتتى.

"رەسپۋبليكادا سمارتفوندار ارقىلى قوسىلۋلار سانىنىڭ ارتۋى جاعىمدى كورىنىسكە قوسىلدى: 2018 جىلدىڭ اياعىندا 18،2 ميلليون بولدى، ال 2022 جىلعا قاراي 25،6 ميلليونعا بولجام جاسالدى"،  دەيدى ZooMarket.kz ماركەتولوگى اندرەي تسوي.

ينتەرنەت-دۇكەندەردىڭ كوپشىلىگىندە بارلىق ءىرى ساتۋشىلار پايدالاناتىن تولەم جۇيەسىن پايدالانادى، ال دۇكەندەر جەكە دەرەكتەردى فيزيكالىق تۇردە ساقتاي المايدى. اقپاراتتىق ينفراقۇرىلىمدى دامىتۋ مۇمكىندىكتەرى ەلەكتروندى ساۋدانىڭ ءوسۋ الەۋەتى تاۋسىلماعان دەپ بولجايدى. وسىلايشا 2021–2022 جىلدارى حالقى 250 ادامنان از 877 اۋىل 3G/4G تەحنولوگياسىن قولدانا وتىرىپ، كەڭجولاقتى ينتەرنەتكە قوسىلادى، ال قالعان 930 اۋىل جەرسەرىكتىك ينتەرنەتكە قوسىلادى.

 

سوڭعى جاڭالىقتار

ۇقساس جاڭالىقتار