قازاقستان • 27 ماۋسىم، 2020

ۇوس قاتىسۋشىلارىنىڭ تۋىستارىنا ەستەلىك سەرتيفيكاتتارى تابىستالدى

27 رەت كورسەتىلدى

قازاقستان قارۋلى كۇشتەرىنىڭ اسكەري تاريح مۇراجايىنىڭ وكىلدەرى 1941-1945 جىلدارداعى ۇلى وتان سوعىسى كەزىندە قازا بولعان، حابار-وشارسىز كەتكەن قازاقستاندىقتاردىڭ تۋىستارىنا جەكە ەستەلىك سەرتيفيكاتتارىن تابىستادى، دەپ حابارلادى قورعانىس مينيسترلىگىنىڭ ءباسپاسوز قىزمەتى.

سەرتيفيكاتتار ىزدەستىرۋ-مۇراعاتتىق جۇمىس قورىتىندىسى، مۇراجايدىڭ ىزدەستىرۋ بولىمشەسىنىڭ مەكەنجايىنا كەلىپ تۇسكەن ىزدەستىرۋ بويىنشا وتىنىشتەرىنە سايكەس دايىندالدى. سەرتيفيكاتتا جاۋىنگەرلەرلىڭ العاش جەرلەنگەن جەرلەرى ءدال كورسەتىلگەن.

"بۇگىن ءبىز ءۇشىن ەركىن ءومىردى قورعاعان مىڭداعان جاۋىنگەرلەردىڭ باتىلدىعى مەن ەرلىگىنىڭ ارقاسىندا بەيبىت اسپان استىندا ءومىر ءسۇرىپ، ءبارىمىزدىڭ ورتاق وتانىمىزدىڭ تاۋەلسىزدىك جەتىستىكتەرىنەن قۋاناتىن مۇمكندىگىمىز بار. فاشيزم مەن جاۋىزدىق ناتسيستتىق يدەولوگيانى جەڭۋدەگى ۇلى جەڭىسكە قازاقستاندىقتاردىڭ دا قوسقان ۇلەسى زور"، دەپ اتاپ ءوتتى يدەيا اۆتورى، اسكەري – تاريحي مۇراجايىنىڭ باستىعى، PhD دوكتورى پودپولكوۆنيك نۇرتازا ءاسىلوۆ.

سەرتيفيكاتتاردى تاپسىرۋدىڭ ماقساتى – قازاقستاندىق جاۋىنگەرلەردىڭ ەسىمدەرى ماڭگىلىككە ساقتاۋ، تۋىستارىنىڭ جەرلەنگەن جەرى تۋرالى اقپارات الۋ. باتىرلاردىڭ جەرلەنگەن جەرلەرى  كەڭ اۋقىمدى، باتىس ەۋروپادان باستاپ رەسەي فەدەراتسياسىنىڭ قيىر شىعىسىنا دەيىن.

ەستەلىك سەرتيفيكاتتارى تابىستاۋ – ىزدەستىرۋ قىزمەتى اياسىندا قارۋلى كۇشتەردىڭ اسكەري – تاريحي مۇراجايىمەن ىسكە اسىرىلعان العاشقى جوبا ەمەس. 2020 جىلعى اقپان ايىندا قۇرىلعان "ەر ەسىمى – ەل ەسىندە" اتتى فوتوگالەرەيا مەن مۋلتيمەديالىق كەشەنى دە قازاقستاندىقتاردىڭ نازارىنا يە بولدى.

2020 جىلعى 20 ماۋسىمداعى جاعدايى بويىنشا بولىمشەگە تۋىستارىنىڭ تاعدىرى مەن ولاردىڭ جاۋىنگەرلىك جولدارى تۋرالى اقپارات بىلگىسى كەلگەن ازاماتتاردان 2415 ءوتىنىش كەلىپ تۇسكەن. وتىنىشتەر تەك قازاقستاننىڭ ازاماتتارىنان عانا ەمەس، تمد ەلدەرىنەن دە بار.

ءبىزدىڭ وتانداستارىمىزدىڭ ەرلىگى تۋرالى قازاقستاندىقتار مەن بولاشاق ۇرپاقتىڭ بىلۋگە ءتيىس. اسكەري –تاريحي مۇراجايدىڭ ىزدەستىرۋ بولىمشەسى مەن قازاقستاننىڭ ىزدەستىرۋ وتريادتارى مەن قوزعالىستارى، قوعامدىق ۇيىمدار جانە ىزدەۋ جۇمىستارىمەن اينالىساتىن عالىمدارمەن تىعىز بايلانىس ورناتقان. باستى ماقسات – ۇلى وتان سوعىسى جىلدارىندا قازا بولعان جانە ءىز-ءتۇزسىز جوعالعان قازاقستاندىقتاردىڭ ەسىمدەرىن انىقتاۋ، ولار تۋرالى اقپاراتتار ىزدەستىرۋ، سونىمەن قاتار اقپاراتتى جۇيەلەپ، بىرىڭعاي اقپاراتتار بازاسىن قۇرۋ بولىپ تابىلادى.

سوڭعى جاڭالىقتار

ىندەت جۇقتىرعاندار سانى كوبەيدى

كوروناۆيرۋس • بۇگىن، 13:58

سەمەيگە جاڭا اكىم تاعايىندالدى

تاعايىنداۋ • بۇگىن، 11:57

الماتىدا 10 كىتاپحانا جاڭارتىلدى

ايماقتار • بۇگىن، 10:47

ۇقساس جاڭالىقتار