"كوروناۆيرۋس ينفەكتسياسىنا بايلانىستى جاعداي ناشارلاپ كەتتى. سوندىقتان, بىرنەشە ۇسىنىسىم بار. كەڭسە قىزمەتكەرلەرىن بارىنشا ۇيدەن جۇمىس ىستەۋگە اۋىستىرۋ كەرەك. ەڭبەك كودەكسى بۇعان رۇقسات بەرگەن جانە توتەنشە جاعداي كەزىندەگى تاجىريبەنى ەسكەرىپ, كەڭسەدە وتىرىپ جۇمىس ىستەيتىن ادامدار 100% وقشاۋلانعانى دۇرىس. ال, قاشىقتان جۇمىس ىستەۋ مۇمكىن ەمەس كاسىپورىندار مەن ۇيىمدار قاۋىپسىزدىك شارالارىن كۇشەيتپەسە بولمايدى. قىزمەتكەرلەردىڭ دەنە قىزۋىن ۇنەمى باقىلاۋدا ۇستاپ, ولاردىڭ اراسىنداعى اراقاشىقتىقتى ساقتاۋى كەرەك, دەزينفەكتسيانى دا ۇمىتپاعان ءجون", - دەيدى نۇرىمبەتوۆ.
سونداي-اق مينيستر جۇمىس بەرۋشى كوروناۆيرۋس ينفەكتسياسىن انىقتايتىن پتر-تەست تالاپ ەتۋگە قۇقىلى ما دەگەن سۇراققا جاۋاپ بەردى.
"جۇمىس بەرۋشى تەست ناتيجەسىن تالاپ ەتىپ جاتىر دەپ كوپ ەستيمىن. بىراق, قازىر تەستتىڭ ءبارى اقىلى. سوندىقتان, ماسەلەگە دۇرىستاپ قاراساق, ەڭبەك قاتىناستارىن رەتتەيتىن زاڭناماعا سايكەس, جۇمىسشى ءوز قاراجاتى ەسەبىنەن مەديتسينالىق تەكسەرۋدەن وتۋگە مىندەتتى ەمەس. وندىرىسكە قاجەتتى مىندەتتى مەديتسينالىق تەكسەرۋلەر بار, ونى جۇمىس بەرۋشى ءوز ەسەبىنەن ۇيىمداستىرۋى كەرەك. ەڭبەك كودەكسىنە سايكەس, جۇمىسشىعا تونەتىن تاۋەكەلدەردىڭ الدىن الۋ – جۇمىس بەرۋشىنىڭ مىندەتىندە", - دەدى نۇرىمبەتوۆ.
