ەكونوميكا • 25 ماۋسىم، 2020

حالىقارالىق ۆاليۋتا قورى 2021 جىلدىڭ بولجامىن جاڭارتتى

81 رەت كورسەتىلدى

اعىمداعى جىلدىڭ قورىتىندىسى بويىنشا COVID-19 كوروناۆيرۋستىق پاندەمياسىنىڭ سالدارىنان الەمدىك ءىجو 4،9% -عا تومەندەيدى، ال 2021 جىلى ول 5،4% -عا وسەدى. بۇل تۋرالى حالىقارالىق ۆاليۋتا قورىنىڭ (حۆق) دۇنيەجۇزىلىك ەكونوميكالىق بولجامىنا ارنالعان ماۋسىم ايىنداعى شولۋدا ايتىلعان،- دەپ حابارلايدى Egemen.kz.

ساۋىردەگى شولۋمەن سالىستىرعاندا، قور ءوزىنىڭ بولجامىن تومەن باعىتتا  2020 جىلعا - 1،9 پايىزدىق تارماققا، 2021 جىلعا - 0،4 پايىزدىق تارماققا دەيىن تۇزەتتى. "جاھاندىق ءوسۋ 2020 جىلى مينۋس 4،9% دەڭگەيىندە بولجانۋدا، بۇل بولجامنان 1،9 پايىزدىق تارماققا تومەن.  COVID-19  2020 جىلدىڭ ءبىرىنشى جارتىجىلدىعىندا ەكونوميكالىق بەلسەندىلىككە تەرىس اسەر ەتتى جانە قالپىنا كەلتىرۋ بۇرىن بولجانعاننان بىرتىندەپ جوعارىلايدى. 2021 جىلى جاھاندىق ءوسىم 5،4% دەڭگەيىندە بولجانادى"،  دەلىنگەن قۇجاتتا.

قاڭتاردا، پاندەميا بەلگىلەرى پايدا بولعانعا دەيىن، حۆق الەمدىك جانە جالپى ىشكى ءونىمنىڭ ءوسۋىنىڭ بولجامىن 2020 جانە 2021 جىلدارعا – 0،1 جانە 0،2 پايىزدىق تارماققا، سايكەسىنشە 3،3% جانە 3،4% دەيىن تومەندەتتى.

سونىمەن قاتار حۆق كوروناۆيرۋستىڭ سالدارىنان ەۋروايماقتىڭ ءىجو-ءنىڭ اعىمداعى جىلدىڭ اياعىندا 10،2% تومەندەۋىن بولجايدى جانە بۇل 2،7 پايىزدىق تارماققا تەڭ.

سونىمەن بىرگە 2021 جىلى قوردىڭ نەگىزگى ستسەناريى بويىنشا ەۋروايماقتىڭ ەكونوميكاسى 6% قالپىنا كەلەدى دەپ كۇتىلۋدە، بۇل ونىڭ ءساۋىر ايىنداعى بولجامىنان 1،3 پايىزدىق تارماققا جوعارى. الەمدەگى ەڭ ۇلكەن ەكونوميكا - امەريكا قۇراما شتاتتارى بيىلعى ىندەتتىڭ كەسىرىنەن 2019 جىلدىڭ  ءىجو-ءنىڭ 8% -عا كەم بولىپ قالدى.  وسىلايشا، حۆك  اقش-قا ساۋىردەگى بولجامىن 2،1 پايىزدىق تارماققا قايتا قارادى. 2021 جىلعا ارنالعان بولجام دا ايتارلىقتاي بولماسا دا، 0،2 پايىزدىق تارماققا تومەندەدى.

اعىمداعى جىلى قىتاي ەكونوميكاسىنىڭ ءوسۋ بولجامى 0،2 پايىزدىق تارماققا، 1% -عا، 2021 جىلعا قاراي 1 پايىزدىق تارماققا، 8،2% -عا دەيىن تومەندەتىلدى

سوڭعى جاڭالىقتار

اراق ساتىلمايتىن اۋدان

ايماقتار • كەشە

ۇقساس جاڭالىقتار