بۇعان دەيىن كاليفورنياداعى Disneyland پاركى مەن Disney Adventure Park 17 شىلدەدە اشىلۋى كەرەك بولاتىن. الايدا الەمدە بولعان جاعدايعا بايلانىستى بارلىعى كۇرت ناشارلاعان. وسى تاراپتا كاليفورنيا شتاتى ازىرگە 4-ءشى شىلدەگە دەيىن ەشقانداي اقپارات جاريالامايتىنىن جەتكىزدى.
"نەگىزگى سەبەبى مىڭداعان قىزمەتكەردى جۇمىسقا قايتا الىپ, بيزنەسىمىزدى قالپىنا كەلتىرۋگە كەتەتىن ۋاقىتتى ەسكەرە وتىرىپ, ءبىزدىڭ پاركتەرىمىزدىڭ اشىلۋىن كەيىنگە شەگەرۋدەن باسقا امال جوق. بيلىكتەگىلەردىڭ رۇقساتىن العانعا دەيىن دايىندىق جۇمىستارىن جالعاستىرا بەرەمىز", دەيدى Disneyland Twitter-دەگى رەسمي پاراقشاسىندا.
ديسنەيلاند پاركى كوروناۆيرۋس سالدارىنان اعىمداعى جىلدىڭ ناۋرىز ايىندا جابىلدى. بۇدان بولەك كاليفورنياداعى Disneyland-ءتى بىلتىر 18,7 ميلليون ادام تاماشالاعان. بۇل الەمدەگى جانە اقش-تاعى ەڭ كوپ تاماشالانعان ويىن-ساۋىق پاركىنە اينالدى.
