كەزدەسۋگە گەرمان ەكونوميكاسى شىعىس كوميتەتى پرەزيديۋمىنىڭ توراعاسى وليۆەر گەرمەس, گەرمان ەكونوميكاسى شىعىس كوميتەتىنىڭ باس باسقارۋشى ديرەكتورى ميحاەل حارمس, گەرمانيا ازىق-ت ۇلىك جانە اۋىل شارۋاشىلىعى فەدەرالدىق مينيسترلىگىنىڭ پارلامەنتتىك ستاتس-حاتشىسى ۋۆە فايلەر جانە ەكى تاراپتىڭ سالالىق مينيسترلىكتەرىنىڭ باسشىلىعى قاتىستى.
رومان سكليار ستراتەگيالىق ينۆەستورلارمەن كۇشەيتىلگەن جۇمىس – بۇل پرەزيدەنت قاسىم-جومارت توقاەۆ بەلگىلەگەن باسىمدىق ەكەنىن اتاپ ءوتتى. بۇل رەتتە ۇكىمەت گەرمانيا بيزنەسىنە ەلىمىزدە بىرلەسكەن جوبالاردى تابىستى ىسكە اسىرۋ ءۇشىن قولداۋ كورسەتەتىنىن اتاپ ءوتتى. سونىمەن قاتار ازىق-ت ۇلىك قاۋىپسىزدىگىن قامتاماسىز ەتۋ وزەكتى ماسەلە بولا وتىرىپ, اۋىل شارۋاشىلىعىنىڭ دامۋىمەن تىكەلەي بايلانىستى.
اگرو سالاسىنداعى جوبالاردى جۇزەگە اسىرۋ ءۇشىن قازاقستان نەمىس ينۆەستورلارىنا جەكە قولداۋ شارالارىن ۇسىنۋعا دايىن. وسى ماقساتتا ۇكىمەتتىك جۇمىس توبى ارەكەت ەتۋدە. ول بىرلەسكەن ينۆەستيتسيالىق جوبالاردى جۇزەگە اسىرۋ ءۇشىن ءوز قۇزىرەتى شەگىندە جەدەل جۇمىس ىستەۋدە.
سىرتقى ىستەر ءمينيسترىنىڭ ورىنباسارى الماس ايداروۆتىڭ ايتۋىنشا, اوك ينۆەستيتسيا ءۇشىن تارتىمدى سەكتور. بۇل سالاداعى الەۋەتتى سەرىكتەستەرگە مەمللەكەت تاراپىنان سۋبسيديالار, جەڭىلدەتىلگەن نەسيەلەر, ارنايى سالىقتىق رەجيمدەر ۇسىنىلادى.
ءوز كەزەگىندە وليۆەر گەرمەس گەرمانيا ەلىمىزبەن ءوزارا ءىس-قيمىلدى سىرتقى ەكونوميكالىق قىزمەتتەگى باسىم باعىتتاردىڭ ءبىرى رەتىندە قاراستىراتىنىن جانە بۇل رەتتە نەمىس بيزنەسى ىنتىماقتاستىققا دايىن ەكەنىن اتاپ ءوتتى. ءوز كەزەگىندە ۋۆە فايلەر اگروونەركاسىپ كەشەنىنىڭ دامۋى مەن قازاقستاندىق اۋىل شارۋاشىلىعى ونىمدەرىنىڭ ساپاسىنا وڭ باعا بەردى. ونىڭ ايتۋىنشا, بۇل ەكى ەلدىڭ ستراتەگيالىق ءوزارا ءىس-قيمىلىن قولداۋ ءۇشىن ينۆەستيتسيالىق تارتىمدىلىقتى قالىپتاستىرادى.
