قر ءىىم مالىمەتتەرىنە سايكەس, پاۆلودار وبلىسىنىڭ تۇرعىندارى ارمەنيا رەسپۋبليكاسىنان 182 اۆتوكولىك اكەلسە, ونىڭ 77-ءسى وڭ رۋلمەن باسقارىلادى جانە تىركەۋگە جاتپايدى. بۇگىنگى كۇنى ناۋقان باستالعاننان بەرى تىركەۋ ەسەبىنە 58 اۆتوكولىك قويىلدى.
- كولىك قۇرالدارى يەلەرىنە مەملەكەتتىك تىركەۋ بەلگىلەرى 14 ايماقپەن ا ءارپىنىڭ بەلگىسى بار سارى تۇستە بەرىلدى, - دەدى پاۆلودار وبلىسى پد ءباسپاسوز قىزمەتىندە. - وسى تىركەۋمەن اۆتوكولىك يەلەرى قازاقستان رەسپۋبليكاسىنىڭ اۋماعىندا دا, ودان تىس جەرلەردە دە ەركىن جۇرە الادى. جىل سايىن تەحنيكالىق تەكسەرۋدەن ءوتىپ, سونىمەن قاتار اۆتوموبيل كولىگى سالىعىن تولەيدى.
ارمەنيا رەسپۋبليكاسىنان كەلگەن اۆتوكولىكتىڭ ءاربىر يەسىمەن پوليتسيا قىزمەتكەرلەرى ءتۇسىندىرۋ جۇمىستارىن جۇرگىزەدى, كولىكتى تىركەۋ ەرەجەلەرىن تۇسىندىرەدى.
ارمەنيا رەسپۋبليكاسىنان اكەلىنگەن اۆتوكولىك قۇرالدارىن تىركەۋگە قاتىستى بارلىق قىزىقتىراتىن ماسەلەلەر بويىنشا وبلىس تۇرعىندارى انىقتامانى پاۆلودار وبلىسى پد قىزمەتكەرلەرىنەن Call -ورتالىعىنىڭ 33-38-06 تەلەفون ءنومىرى ارقىلى الا الادى.
