جولدىڭ 2 ۋچاسكەسىنىڭ بىرىندەگى جۇمىستار وسى جىلدىڭ ناۋرىزىندا اياقتالعان بولاتىن.
قايتا جاڭارتۋ جۇمىستارى 2018 جىلدان بەرى ازيا دامۋ بانكى قاراجاتىنىڭ ەسەبىنەن ىسكە اسىرىلۋدا. "اككورد/اقجول قۇرىلىس" بك جانە "Cengiz Insaat Sanayi ve Ticaret A.S" كومپانيالارى" ەكى جىل ىشىندە جۇمىستارعا 976 ادامدى جۇمىسقا تارتسا, جول-قۇرىلىس تەحنيكاسىنىڭ 575 بىرلىگىن جۇمىلدىردى
بۇگىنگى تاڭدا جولدىڭ 0-38 شاقىرىمدارى اراسىندا جاتقان ۋچاسكەسىندە 20 شاقىرىمدىق كەدەرگىلىك قورشاۋلاردى ورناتۋدان باسقا جۇمىستاردىڭ بارلىعى ورىندالعان. جوسپار بويىنشا بۇل جۇمىستار 2020 جىلعى 30 ماۋسىمعا قاراي اياقتالادى دەپ كۇتىلۋدە. 35-73 شاقىرىمدار اراسىنداعى جول ۋچاسكەسىنىڭ قۇرىلىس جۇمىستارىنىڭ بارلىعى اياقتالعان.
جول قايتا جاڭارتۋ جۇمىستارىنان وتكەن سوڭ, جولدىڭ 68,6 شاقىرىمى پايدالانۋعا بەرىلەدى. ونىڭ 57,4 شاقىرىمى – ءى تەحنيكالىق ساناتتاعى, 11,2 شاقىرىمى – ءىى تەحنيكالىق ساناتتاعى جولدار بولماق. بۇدان بولەك, مۇندا 2 جول وتپەسى, 25 سۋ وتكىزگىش قۇبىر جانە مال وتپەلەرى ورناتىلعان.
