جەمقورلىق ءۇشىن جاۋاپكەرشىلىك تۋرالى ەسكەرتىلدى

ءبىلىم • 24 ماۋسىم، 2020

ۇبت-داعى سىبايلاس جەمقورلىققا اتا-انا جاۋاپتى

47 رەت كورسەتىلدى

Antikor ortalygy الاڭىندا "Antikor.Live" جوباسى بارىسىندا سىبايلاس جەمقورلىققا قارسى ءىس-قيمىل اگەنتتىگىنىڭ نۇر-سۇلتان قالاسى بويىنشا دەپارتامەنتى باسشىسىنىڭ ءبىرىنشى ورىنباسارى جازيرا جىلقىشيەۆا ۇبت كەزىندە سىبايلاس جەمقورلىق ارەكەتتەر ءۇشىن اتا-انالاردىڭ جاۋاپكەرشىلىگى تۋرالى ايتتى.

سۆەتلانا عالىمجانقىزى

21 ماۋسىمدا بۇكىل رەسپۋبليكا بويىنشا مەكتەپ وقۋشىلارى ومىرىندەگى باستى وقيعالاردىڭ ءبىرى - ۇلتتىق بىرىڭعاي تەستىلەۋ باستالدى.

بۇل تەستىلەۋدىڭ ءساتتى ءوتۋىنىڭ ارقاسىندا تۇلەكتەردىڭ جوعارى وقۋ ورىندارىندا ءارى قاراي اقىلى نەمەسە مەملەكەتتىك گرانتتىڭ نەگىزىندە تەگىن ءبىلىم الۋى انىقتالادى.

تەستىلەۋدىڭ اشىقتىعى مەن وبەكتيۆتىلىگىن قامتاماسىز ەتۋ ءۇشىن ءبىلىم جانە عىلىم مينيسترلىگىنىڭ بۇيرىعىمەن ەلىمىزدىڭ بارلىق ايماقتارىندا جۇمىس توبى قۇرىلدى. ونىڭ قۇرامىنا ارنايى مونيتورينگ توپ، "ادالدىق الاڭى" جوبالىق كەڭسەسىنىڭ وكىلدەرى جانە اگەنتتىك قىزمەتكەرلەرى كىردى.

بۇل توپتىڭ نەگىزگى ماقساتى تەستىلەۋدىڭ "تازالىعىن" باقىلاۋ بولىپ تابىلادى. قانداي دا ءبىر سايكەسسىزدىكتەر نەمەسە تەستىلەۋدى ادالسىز تاپسىرۋ جاعدايلارى انىقتالعاندا، ولار بۇل تۋرالى جاۋاپتى تۇلعالارعا حابارلاۋعا مىندەتتى.

قازىر اگەنتتىك الەۋمەتتىك جەلىلەردە، WhatApp مەسسەندجەرلەرىندەگى اتا-انالار توپتارىنا مونيتورينگ ۇيىمداستىرۋدا. ونىڭ ناتيجەسىمەن ۇلتتىق بىرىنعاي تەستىلەۋدەن وڭ ناتيجەگە قول جەتكىزۋگە جاردەم كورسەتۋ بويىنشا بەلگىسىز ازاماتتار انىقتالۋدا.

وسىعان بايلانىستى اگەنتتىك وقۋشىلاردى تەك ءوز بىلىمدەرىنە عانا سۇيەنە وتىرىپ، تەست تاپسىرۋعا شاقىرادى، ال اتا-انالاردى تەستىلەۋ قورىتىندىسى بويىنشا وڭ باعا الۋ ماقساتىندا پارا بەرگەنى ءۇشىن قىلمىستىق جاۋاپكەرشىلىك جانە باس بوستاندىعىنان ايىرۋ كوزدەلگەنىن ەسكەرتەدى.

ەگەر ازاماتتار وسىنداي جاعدايعا تاپ بولسا، سىبايلاس جەمقورلىققا قارسى قىزمەتتىڭ 1424 call-ورتالىعىنا نەمەسە "استانا – ادالدىق الاڭى" جوباسىنىڭ +7 775 160 5532 نومىرىنە قوڭىراۋ شالۋ قاجەت.

جالپى، اگەنتتىك ءبىلىم جانە عىلىم مينيسترلىگىمەن بىرلەسىپ پاراساتتىلىق پەن اكادەميالىق ادالدىق يدەولوگياسىن ىلگەرىلەتۋ بويىنشا بەلسەندى جۇمىس جۇرگىزۋدە.

سونىمەن قاتار جازيرا جىلقىشيەۆا ەلوردادا نۇر-سۇلتان قالالىق سىبايلاس جەمقورلىققا قارسى ءىس-قيمىل دەپارتامەنتىنىڭ ارنايى مونيتورينگتىك توپ پەن "استانا – ادالدىق الاڭى" جوباسىنىڭ مۇشەلەرى يزمايلوۆا ۆالەنتينا ۆاسيلەۆنا، ارىستانباەۆا سۆەتلانا اندرەەۆنا، تۋگەلباەۆ جومارت ماسليحاتوۆيچ، ورمانوۆا التىناي اسىلبەكوۆنا، ماگزۋم ارسلانبەك تالگاتوۆيچ، جانديلداەۆ باكداۋلەت بولاتوۆيچ ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى، س.سەيفۋللين اتىنداعى قازاق اگروتەحنيكالىق ۋنيۆەرسيتەتى، قازاق ەكونوميكا، قارجى جانە حالىقارالىق ساۋدا ۋنيۆەرسيتەتىندە ۇبت-عا مونيتورينگ جۇمىستارىنا قاتىسقان.

سونىمەن بىرگە مونيتورينگ توبىنىڭ مۇشەلەرى بەينەباقىلاۋ كامەرالارى ارقىلى تەست تاپسىرۋ بارىسىن ءجىتى قاداعالاپ وتىردى. ءتارتىپ بۇزۋشىلىق ورىن العان جاعدايدا وقۋ ورىندارىنىڭ باسشىلارىنا دەرەۋ حابارلاپ وتىر.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز