«2013 جىلى قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان ءابىش ۇلى نازارباەۆ 23 ماۋسىمدى مەملەكەتتىك قىزمەتشى كۇنى رەتىندە بەكىتكەن بولاتىن.
مەملەكەتتىك قىزمەتتى دامىتۋعا قوسقان ەلەۋلى ۇلەسى, اسا ماڭىزدى جانە كۇردەلى تاپسىرمالاردى تابىستى ورىنداعانى ءۇشىن اعىمداعى جىلى 72 مەملەكەتتىك قىزمەتشى اگەنتتىكتىڭ «ۇزدىك مەملەكەتتىك قىزمەتشى» ۆەدومستۆولىق ناگراداسىمەن ماراپاتتالدى.
سونداي-اق مەملەكەتتىك اپپارات قىزمەتكەرلەرىنىڭ الەۋەتى مەن باسەكەگە قابىلەتتىلىگىن دامىتۋ ءۇشىن ءۇشىنشى جىل قاتارىنان «جىلدىڭ ۇزدىك مەملەكەتتىك قىزمەتشىسى» كونكۋرسى وتكىزىلىپ كەلەدى.
وسى جىلى بايقاۋعا قازاقستاننىڭ ءار وڭىرىنەن 761 مەملەكەتتىك قىزمەتشى قاتىستى», دەپ جازدى اگەنتتىك توراعاسى.
بايقاۋ قورىتىندىسى بويىنشا رەسپۋبليكامىزدىڭ تۇكپىر-تۇكپىرىندەگى مەلەكەتتىك قىزمەتتەگى ازاماتتار جەڭىمپازدار اتانعان.
بۇگىندە مەملەكەتتىك قىزمەتتە 89 مىڭ ادام جۇمىس ىستەيدى, ونىڭ 42 مىڭنان استامى وڭىرلەردە ەڭبەك ەتىپ جاتىر. مەملەكەتتىك قىزمەتكەرلەردىڭ جارتىسىنان استامى (55,7%) – ايەلدەر.
جىلدان جىلعا جاستاردىڭ مەملەكەتتىك قىزمەتكە دەگەن قىزىعۋشىلىعى ارتىپ كەلەدى. بۇگىندە ەلىمىزدە 20 مىڭنان استام جاس مەملەكەتتىك قىزمەتكەرلەر بار, ونىڭ ىشىندە 1500-دەن استامى ءتۇرلى باسشىلىق لاۋازىمداردا جۇمىس ىستەيدى.
مەملەكەت باسشىسى قاسىم-جومارت كەمەل ۇلى توقاەۆ جاستاردى مەملەكەتتىك قىزمەتكە تارتۋ ماسەلەلەرىنە ەرەكشە كوڭىل بولۋدە.
وتكەن جىلى اگەنتتىك مەملەكەت باسشىسىنىڭ تاپسىرماسى بويىنشا ىسكە اسىرعان اۋقىمدى جوبالاردىڭ ءبىرى پرەزيدەنتتىك جاستار كادر رەزەرۆىن قالىپتاستىرۋ بولدى.
قازاقستاندا العاش رەت وتكىزىلگەن ىرىكتەۋ فورماتى ەلىمىزدىڭ بارلىق وڭىرلەرىنەن جانە ودان تىس جەرلەردەگى جاس ازاماتتاردىڭ ەداۋىر بولىگىن تارتتى. جاس, بىلىكتى جانە جىگەرلى باسقارۋشىلار پۋلى قۇرىلدى.
بۇگىنگى كۇنى 142 رەزەرۆشى مەملەكەتتىك قىزمەت جانە كۆازيمەملەكەتتىك سەكتوردا جاۋاپتى قىزمەتتەردە جۇمىس ىستەيدى.
قىزمەتشىلەردى دايارلاۋ, قايتا دايارلاۋ جانە بىلىكتىلىگىن ارتتىرۋ جۇيەسى قىزمەتشىلەردى كاسىبيلەندىرۋدىڭ اجىراماس بولىگى بولىپ تابىلادى.
جىل سايىن 24 مىڭعا جۋىق مەملەكەتتىك قىزمەتشى بىلىكتىلىگىن ارتتىرۋ مەن قايتا دايارلاۋدان وتەدى.
مەملەكەتتىك قىزمەتشىلەردىڭ ساپالىق قۇرامى ارتتىرىلدى, مەريتوكراتيا جانە كادرلىق تۇراقتىلىق قاعيداتىن ساقتاۋ كورسەتكىشتەرى جاقساردى. وتكەن جىلدىڭ قورىتىندىسى بويىنشا شەتەلدىك ءبىلىمى بار مەملەكەتتىك قىزمەتشىلەردىڭ ۇلەسى 15% - عا ءوستى (2 790 ادامدى قۇرايدى).
مەملەكەتتىك قىزمەتتىڭ تارتىمدىلىعىن ارتتىرۋ كادرلاردىڭ كەتۋ دەڭگەيىن شتات سانىنان 6% -عا دەيىن تومەندەتۋگە مۇمكىندىك بەردى.
وتكەن جىلى ىشكى كونكۋرستاردىڭ ناتيجەلەرى بويىنشا 7 مىڭنان استام مەملەكەتتىك قىزمەتشى مانساپتىق تۇرعىدا ىلگەرىلەدى, بۇل ىشكى كونكۋرستاردىڭ قورىتىندىلارى بويىنشا تاعايىندالعانداردىڭ جالپى سانىنان 55% - دى قۇرايدى.
«مەملەكەتتىك قىزمەتشىنىڭ جۇمىسى ادامنان بىلىمدىلىكتى, جان-جاقتىلىقتى, جاۋاپكەرشىلىك پەن توزىمدىلىكتى قاجەت ەتەدى. حالىققا قىزمەت ەتۋ – قۇرمەتتى ماماندىق.
سىزدەردىڭ ارقايسىلارىڭىز ەلدى دامىتۋعا باعىتتالعان مەملەكەتتىك باعدارلامالاردى جانە اۋقىمدى رەفورمالادى جۇزەگە اسىرۋعا ەلەۋلى ۇلەس قوسۋداسىزدار.
قازىرگى ۋاقىتتا, Covid-19 پاندەمياسىنىڭ جاعدايىندا, مەملەكەتتىك قىزمەتشىلەرگە حالىق ءومىرىنىڭ بارلىق سالالارىنىڭ ۇزدىكسىز جۇمىس ىستەۋىن قامتاماسىز ەتۋ ءۇشىن ۇلكەن جاۋاپكەرشىلىك جۇكتەلدى. وسى قيىن كەزەڭدە سىزدەردىڭ كۇندەلىكتى جۇيەلى جانە ۇيلەسىمدى قىزمەتتەرىڭىزدىڭ ارقاسىندا مەملەكەتتىك اپپاراتتىڭ تولىققاندى جۇمىس ىستەۋى قامتاماسىز ەتىلۋدە.
سىزدەردىڭ كۇش-جىگەرلەرىڭىز الداعى ۋاقىتتا دا قازاقستاننىڭ مەملەكەتتىلىگىن دامىتۋعا, دەموكراتيانى, ەلدىڭ ەكونوميكالىق دامۋىن جانە حالىقتىڭ ءال-اۋقاتىنىڭ ءوسۋىن قامتاماسىز ەتۋگە باعىتتالاتىنىنا سەنەمىن.
سىزدەرگە ەلدىڭ يگىلىگى جولىندا اتقارىپ جاتقان قىزمەتتەرىڭىز ءۇشىن العىس بىلدىرەمىن!», دەدى انار جايىلعانوۆا.
سىزدەرگە جانە وتباسىلارىڭىزعا مىقتى دەنساۋلىق, باقىت جانە بارلىق ىستەرىڭىزگە ساتتىلىك تىلەيمىن!
