"قوڭىراۋلار سانى ءتورت ەسە ءوستى, وسىعان بايلانىستى 103 پۋلتىنا كوبىرەك جۇكتەمە ارتتىلدى. سوندىقتان ءبىز 103 كونسولدەرىنىڭ سانىن كوبەيتتىك جانە بايلانىس ورتالىعىنىڭ ۇيىمداستىرۋىمەن نۇر-سۇلتان قالاسىنىڭ تۇرعىندارى 70-51-03 نومىرىنە حابارلاسىپ, Kۆي-گە قاتىستى سۇراقتارعا جاۋاپ الا الادى. وسىلايشا 103 ءنومىرىن تەرۋدى جاقسارتامىز", دەيدى مۇرات ورازباەۆ وكق-دا ونلاين-بريفينگ بارىسىندا.
ونىڭ ايتۋىنشا, قوڭىراۋلار سانى ارتقان.
"قوڭىراۋلار سانى 2-2,5 ەسە ءوستى. مەن جاسىرمايمىن, كەيبىر قوڭىراۋلارعا كەش جاۋاپ بەردىك. كورسەتكىش 5%-عا دەيىن بولعاندىقتان, بۇل قالىپتى نورما. مەن كەز كەلگەن استانالىق تۇرعىنعا جەدەل جاردەمنىڭ تەز ارادا كەلگەنىن قالايتىنىن تۇسىنەمىن", دەدى سپيكەر.
"جەدەل جاردەم ديسپەتچەرى دەڭگەيىندەگى ءار قوڭىراۋ ءتورت ساناتقا بولىنگەنىن جانە ءار ساناتتىڭ ۋاقىتى مەن كىرۋ كەستەسى بار ەكەنىن اتاپ وتكىم كەلەدى", دەپ تولىقتىردى م.ورازباەۆ.
