گوسپيتال مايقۇدىقتاعى №1 قالالىق اۋرۋحانا بازاسىندا جابدىقتالادى. ەسكە سالساق, بۇگىندە قاراعاندىدا ەكى پۋلموپروۆيزورلىق گوسپيتال جۇمىس ىستەپ تۇر.
«قازىر وبلىستاعى اۋرۋحانالار ناۋقاستارعا 70% تولى. قوسىمشا ورىندار بار, بىراق سوڭعى اپتادا جۇقتىرعانداردىڭ سانى كۇرت ءوستى. ەگەر بۇرىن تاۋلىگىنە ورتاشا ەسەپپەن 50 ادامنان اۋرۋحاناعا جاتقىزىلسا, قازىر بۇل كورسەتكىش 70-تەن جوعارى. سوندىقتان تاعى ءبىر اۋرۋحانا جابدىقتاۋ قاجەتتىگى تۋىندادى», دەپ ءتۇسىندىردى ەرجان نۇرلىباەۆ.
وكىنىشكە قاراي بۇگىنگى تاڭدا ىندەتتىڭ اۋىر اعىمى بار پاتسيەنتتەردىڭ سانى وسە تۇسكەن. قازىردىڭ وزىندە جان ساقتاۋ بولىمىندە 29 ادام جاتىر. ولاردىڭ توعىزى وكپەنى جاساندى جەلدەتۋ ء(وجج) اپپاراتتارىنا قوسىلعان. ەرەكشە باقىلاۋدا جاتقانداردىڭ كوپشىلىگى قاريالار جانە ەگدە جاستاعى ادامدار. وسىنىڭ بارلىعى, ياعني اۋرۋ سانىنىڭ كۇرت ءوسۋى ادامداردىڭ مەديتسينالىق كومەككە دەر كەزىندە جۇگىنبەۋىنىڭ سالدارىنان بولىپ وتىرعانىن قىنجىلا جەتكىزدى وبلىستىڭ باس دارىگەرى.
«وكىنىشكە قاراي ادامدار ءوز بەتىمەن ەمدەلۋگە تىرىسادى. مەن بارلىق تۇرعىنداردى جەدەل رەسپيراتورلىق ۆيرۋستىق ينفەكتسيانىڭ العاشقى بەلگىلەرى پايدا بولعان بەتتە دارىگەرگە جۇگىنۋگە شاقىرامىن. الەۋمەتتىك جەلىلەردە «كۆي ناۋقاستارىنا سيستەما قويمايدى, ينەكتسيا سالمايدى, سوندىقتان ولاردى ستاتسيونارلاردا دۇرىس ەمدەمەيدى», دەگەن پىكىرلەر ايتىلۋدا. بىراق كوروناۆيرۋس ينفەكتسياسى كەزىندە كوكتامىر ارقىلى ءدارى جىبەرۋ وكپەنىڭ ىسىنۋىنە جانە باسقا دا اۋىر زارداپتارعا اكەلۋى مۇمكىن. سوندىقتان ەمدەلۋشىنىڭ جاعدايى ازىرگە تابلەتكا تۇرىندەگى ءدارى-دارمەكتەرمەن ەمدەۋگە مۇمكىندىك بەرسە, ءبىز وسى ءادىستى قولدانامىز», دەپ ءمان-جايعا تۇسىنىك بەردى ە.نۇرلىباەۆ.
كوڭىل كونشىتپەيتىن تاعى ءبىر جاڭالىق, سوڭعى اپتادا جەدەل جاردەمگە كەلىپ تۇسەتىن شاقىرۋلاردىڭ سانى 20%-عا ارتقان. مەديتسينالىق قىزمەتتىڭ بۇل تۇرىنە جۇكتەمەنى ازايتۋ ءۇشىن جەدەل رەسپيراتورلىق ۆيرۋستىق ينفەكتسيانىڭ (جرۆي) بەلگىلەرى بار ادامدارعا ەمحانالاردان ارنايى بريگادالار شىعادى. بۇل ماقساتقا دەپ ولاردىڭ يەلىگىنە ۋاقىتشا 20-عا جۋىق اۆتوكولىك بەرىلگەن.
سوڭعى مالىمەتتەرگە سۇيەنسەك, قاراعاندى وبلىسىندا COVID-19 ىندەتىن جۇقتىرعان
1 897 ناۋقاس رەسمي تۇردە تىركەلگەن. ونىڭ ىشىندە 864 ادام «جامان تۇماۋدى» جەڭىپ, اۋرۋحانادان جازىلىپ شىقتى.
قاراعاندى
