ايماقتار • 23 ماۋسىم، 2020

تەست تەرىس ناتيجە كورسەتسە دە،ەمدەۋ جالعاسا بەرەدى

57 رەت كورسەتىلدى

بۇگىن الماتى قالاسى قوعامدىق دەنساۋلىق باسقارماسىنىڭ باسشىسى كامالجان نادىروۆ ونلاين بريفينگتە قالاداعى ەپيدەميولوگيالىق جاعداي تۋرالى جان-جاقتى بايانداي كەلە، باستاپقى تەست تەرىس ناتيجە كورسەتسە دە، ىندەت بەلگىلەرى بار ناۋقاستاردى ارناۋلى حاتتاماعا سايكەس ەمدەي بەرەتىندىگى تۋرالى مالىمدەدى، - دەپ جازادى Egemen.kz

"كۆي-ءدىڭ قاۋىپتى جانە ءجيى اسقىنىپ جاتقان ءتۇرىنىڭ ءبىرى – پنەۆمونيا بولىپ تۇر. پاتسيەنتتىڭ جاعدايىن باعالاۋ ءۇشىن وكپەنىڭ كت ۋاقىتىلى جۇرگىزىلۋى قاجەت. وسىعان بايلانىستى، ءبىز كت قىزمەت كورسەتۋشىلەرىنىڭ ءتىزىلىمىن جاسادىق، ەمحانالار كت ورىندايتىن مەملەكەتتىك جانە جەكە مەنشىك ۇيىمدارمەن شارتتار جاسادى. قالا بويىنشا اتالعان قىزمەت كورسەتۋشىلەر سانى – 12. كت قىزمەتتەرىن جەتكىزۋشىلەر كوروناۆيرۋستىق ينفەكتسيا دياگنوزى راستالعان پاتسيەنتتەردى قابىلداۋ جۇمىستارىنىڭ بولەك كەستەسىن جانە اۋرۋ بەلگىلەرى ۇقساس پاتسيەنتتەر ءۇشىن جەكە ۋاقىتتى انىقتادى. سونداي-اق، ءۇش اي ىشىندە كت اپپاراتىن قبجاا-عا جانە جشمككا-عا جەتكىزۋ كۇتىلۋدە، بۇل وسى زەرتتەۋگە قولجەتىمدىلىكتى ارتتىرادى.دارىگەردىڭ جولداماسىنسىز، ساۋلەلىك جۇكتەمەنىڭ جوعارى بولۋىنا بايلانىستى كت زەرتتەۋلەرىن جۇرگىزۋ ۇسىنىلمايدى"، دەدى قالانىڭ باس دارىگەرى.

الماتىداعى زەرتحانالىق دياگنوستيكالاۋ جاعدايىنا كەلەتىن بولساق: ء"بىزدىڭ بىرقاتار زەرتحانالارىمىز ءتۇرلى سەبەپتەرمەن ۋاقىتشا ىستەن شىقتى. وسى اپتادا جۇمىس جاڭارتىلاتىن بولادى، سونداي-اق بولات وتەمۇراتوۆتىڭ قورى سىيلاعان موبيلدىك زەرتحانا پايدالانۋعا بەرىلەدى. زەرتحانالاردىڭ ىستەن شىعۋى قوعامدا بەلگىلى ءبىر رەزونانس تۋدىردى. بىراق، پاتسيەنتتەردە تەست ناتيجەسى ىندەت جۇقتىرماعانىن كورسەتكەنىنە قاراماستان، كوروناۆيرۋسقا ۇقساس كلينيكالىق بەلگىلەر كورىنىس تاپقان جاعدايدا، ءبىز دياگنوستيكالاۋ مەن ەمدەۋدىڭ جاڭا كلينيكالىق حاتتاماسىنا سايكەس، تەستىلەۋ ناتيجەسىن كۇتپەستەن ەمدەۋدى باستايمىز. بۇل ەمدەۋ پروتسەسىن باقىلاۋعا جانە دەرتتىن ءورشىتىپ الماۋعا مۇمكىندىك بەرەدى. بولاشاقتا وسىنداي ىركىلىستەردى بولدىرماۋ ءۇشىن جەكە جەتكىزۋشىلەردى تارتۋ ارقىلى اعىمداعى قۋاتتاردى ارتتىرۋ جانە جاڭا زەرتحانالاردى اشۋ ماسەلەسى پىسىقتالۋدا"، دەدى كامالجان نادىروۆ.  

 

 

 

الماتى

سوڭعى جاڭالىقتار

ۇقساس جاڭالىقتار