بۇل تۋرالى وبلىستىق ءبىلىم سالاسىندا ساپانى قامتاماسىز ەتۋ دەپارتامەنتىنىڭ باسشىسى ەركىنبەك ايازباەۆ ايتتى.

"ول بالاعا الدىن الا حابارلادى جانە تەست تاپسىراتىن ورىنعا كەلگەن جوق"، - دەيدى ەركىنبەك ايازباەۆ.

–جالپى وسىنداي كوروناۆيرۋس ينفەكتسياسىنا قاتىستى تەست تاپسىرا الماعان بالالاردى ۇبت ورتالىعى رەسپۋبليكا بويىنشا جيناپ، بەلگىلى ءبىر كۇندى بەلگىلەيدى. سوندىقتان ولار مىندەتتى تۇردە بيىلعى جىلى ۇبت تاپسىرا الادى.

دەپارتامەنت باسشىسىنىڭ ايتۋىنشا، 22 ماۋسىم كۇنى اقتوعاي اۋدانىندا - 35، جەلەزين اۋدانىندا – 26 جانە تەرەڭكول اۋدانىندا 91 تۇلەك تەست تاپسىرعان.

جەلەزيندە ءبىر ادام جانە تەرەڭكولدە ءۇش تۇلەك كوللەدجگە تۇسۋىنە بايلانىستى تەست تاپسىرۋعا كەلمەگەن. سونداي-اق تەرەڭكولدە بىرەۋى كورشى ەلدىڭ جوعارى وقۋ ورنىنا تۇسكەن.

تەست تاپسىرۋ بارىسىندا تىيىم سالىنعان زاتتاردى - تەلەفون قولدانعانى ءۇشىن تەرەڭكول اۋدانىندا ءۇش ادام اۋديتوريادان شىعارىلىپ، ناتيجەسى جويىلدى. ولار تەلەفوندى جاسىرىن الىپ كىرگەنىمەن كامەراعا ءتۇسىپ قالعان. كوشىرىپ وتىرعانى مونيتورعا جازىلىپ، اكت تولتىرىلدى.

"تىيىم سالىنعان زاتتاردى قولدانعانى ءۇشىن جاۋاپكەرشىلىك تۋرالى قول قويسا دا، كوبى ءالى كۇنگە دەيىن ماڭىزدىلىعىن تۇسىنبەيدى"، - دەيدى ەركىنبەك ايازباەۆ.

-سوڭىندا مەتالل ىزدەگىشپەن تەكسەرگەن كەزدە انىقتالىپ جاتادى. تەست تاپسىرعان كۇنى تۇسىرىلگەن جازبا بىردەن نۇر-سۇلتان قالاسىنا جىبەرىلەدى. ونىڭ بارلىعى 25 تامىزعا دەيىن ارنايى باعدارلامانىڭ كومەگىمەن تەكسەرىلەدى. ەگەر دە قانداي دا ءبىر تىيىم سالىنعان زات قولدانعانى انىقتالسا، تەست ناتيجەسى جويىلادى. مىسالى، سونداي جولمەن 80 بالدان العان بولسا، ودان كەيىن ءوز ەڭبەگىمەن ادال جولمەن 79 بالل الىپ، وقۋعا تۇسە الماي قالعان بالاعا گرانت بەرىلەدى. ياعني، تازا جانە ءادىل شەشىم قابىلدانادى.

بۇگىن پاۆلودار مەملەكەتتىك پەداگوگيكالىق ۋينۆەريستەتى مەن اقتوعاي اۋدانىندا ۇبت تاپسىرۋدا. ەرتەڭ پمپۋ، ەكىباستۇز جانە اقسۋدا وتەدى.