بولاشاق فۋتبول جۇلدىزىنىڭ اكە-شەشەسى 1953 جىلى الجيردەن فرانتسياعا قونىس اۋداردى. 1972 جىلدىڭ 23 ماۋسىمىندا مارسەل قالاسىندا زينەدين دۇنيەگە كەلدى. بالاۋسا كەزىنەن دزيۋدو, ۆەلوسپورت جانە سكەيتبوردينگپەن اينالىسقانىمەن, ونىڭ فۋتبولعا دەگەن قۇشتارلىعى كۇشتىرەك بولادى. وسىلايشا, زيدانىڭ تاڭداۋى وسى سپورت تۇرىنە تۇسەدى.
سپورتتىق كارەراسىن جەرگىلىكتى "كانن" جانە "بوردو" كلۋبتارىندا باستاعان زينەدين 1996 جىلى ءتۋريننىڭ "يۋۆەنتۋسىنىڭ" جەيدەسىن كيەدى. 2001 جىلى ءمادريدتىڭ "رەالىنا" اۋىسادى. ءدال وسى قوس كوماندادا ايتۋلى ويىنشىنىڭ جۇلدىزى جارقىراي جاندى.
ورەلى ونەرىمەن ميلليونداعان جانكۇيەردىڭ جۇرەگىن جاۋلاعان الجيرلىك جىگىت ءتورت رەت الەمنىڭ ەڭ ۇزدىك فۋتبولشىسى اتاعىن يەلەنەدى. ءبىر رەت ەۋروپانىڭ تەڭدەسسىز دەپ تانىلدى. ونىڭ باسقا دا تولىپ جاتقان اتاقتارى تاعى بار. بۇل كۇندەرى زينەدين زيدان ءمادريدتىڭ "رەال" كلۋبىنىڭ باس باپكەرى قىزمەتىن اتقارۋدا.
