ايماقتار • 23 ماۋسىم، 2020

الماتىنىڭ باس دارىگەرى كوروناۆيرۋسقا قارسى انتيدەنەگە قان تاپسىردى

17 رەت كورسەتىلدى

بۇگىن الماتى قالاسى قوعامدىق دەنساۋلىق باسقارماسىنىڭ باسشىسى كامالجان نادىروۆ كوروناۆيرۋسى بار اۋىر ناۋقاستاردى ەمدەۋ ءۇشىن قولدانىلاتىن پلازمانى تاپسىردى، - دەپ جازادى Egemen.kz

كامالجان نادىروۆتىڭ ايتۋىنشا، الماتىدا ىندەت جۇقتىرۋ جالعاسۋدا، سونداي-اق كوروناۆيرۋستىڭ اۋىر تۇرىمەن اۋىراتىن ناۋقاستار سانى دا ارتتى.

"بۇگىن مەن كوروناۆيرۋسى بار اۋىر ناۋقاستاردى ەمدەۋ ءۇشىن قولدانىلاتىن پلازمانى تاپسىردىم، – دەدى الماتى قالالىق باسقارما باسشىسى، – وزدەرىڭىز بىلەتىندەي، مەن وسى ينفەكتسيامەن اۋىردىم جانە مەنىڭ پلازمام اۋرۋدىڭ اۋىر تۇرىمەن اۋىراتىن پاتسيەنتتەردى ەمدەۋگە كومەكتەسەدى دەپ ويلايمىن. جۇقتىرعاندار ءۇشىن قولدانىلاتىن بۇل ءادىس ءتىرى ۆاكتسينانىڭ اسەرىنە يە جانە كوپشىلىككە ساۋىعىپ كەتۋلەرىنە كومەكتەسەدى. دونور بولۋ – ءاربىر ادامنىڭ پارىزى. قازىرگى ۋاقىتتا الماتىدا 2 مىڭنان استام ادام ەمدەۋدەن جازىلىپ شىقتى. مەن ءاربىر اۋىرىپ جازىلعان ادامدى Covid-19 انتيدەنەسىنە قان تاپسىرۋعا شاقىرامىن، وسىلايشا كوروناۆيرۋستان ەمدەلىپ جاتقان كوپتەگەن ادامدارعا، ەڭ الدىمەن اۋىر جاعدايداعى ناۋقاسقا كومەكتەسۋگە بولادى. پروتسەدۋرا اۋىرتپالىقسىز جانە قاۋىپسىز وتەدى. ءدال قازىرگى جاعدايدا – ۆيرۋسپەن كۇرەس جاعدايىندا بارلىعىمىز بىرىگۋىمىز كەرەك. مەملەكەت جۇقپالى اۋرۋمەن كۇرەسۋدە ۇلكەن كومەك كورسەتۋدە. ءبىز بارلىق قيىندىقتاردى لايىقتى تۇردە جەڭە الامىز دەپ سەنەمىن.

قازاقستاندا كوروناۆيرۋسپەن اۋىرعانداردىڭ انتيدەنەلەرىن الۋ پروتسەسى باستالعانىن ايتا كەتكەن ءجون. بۇل پروتسەدۋرانى قالاۋشىلار الماتى قالاسىنىڭ رەسپۋبليكالىق قان ورتالىعىندا وتكىزە الادى.

رەسپۋبليكالىق قان ورتالىعىنىڭ ديرەكتورى ديلياۆەر بەكيروۆتىڭ ايتۋىنشا، ءبىر اي ىشىندە 24 ادام پلازما تاپسىرۋعا ءوتىنىش بىلدىرگەن، بىراق تەك ۇشەۋى عانا دونور بولدى، سەبەبى ولاردا COVID-19 انتيدەنەلەردىڭ جوعارى ءتيترى انىقتالعان. كامالجان تالعات ۇلى بارلىق بەلگىلەر بويىنشا دونور رەتىندە سايكەس كەلدى، ويتكەنى ونىڭ اعزاسىندا انتيدەنەلەردىڭ جوعارى ءتيترى انىقتالدى.

پلازمافەرەز (پلازما دايىنداۋ) پروتسەدۋراسى بارىسىندا ءبىر دونوردان 600 مل پلازما الادى، جۇقتىرعان ادام ءۇشىن 200 مل جەتكىلىكتى. پلازمانىڭ مۇنداي كولەمىن الۋ عىلىمي نەگىزدەلگەن بولىپ تابىلادى جانە دونورعا ەشقانداي زيان كەلتىرمەيدى.

بۇل پلازمانىڭ اسەرى ءپاسسيۆتى يممۋنداۋعا نەگىزدەلگەن، ياعني دايىن انتيدەنەلەر قانعا اۋىستىرىلادى جانە وسىلايشا پاتسيەنتتىڭ ۆيرۋستارىن بەيتاراپتاندىرادى.

قازىرگى ۋاقىتتا دارىگەرلەر قولداناتىن بارلىق پرەپاراتتار – باكتەرياعا قارسى نەمەسە قابىنۋعا قارسى تەك جاناما سيپاتقا يە ەكەندىگىن ەستەرىڭىزگە سالامىز. سوندىقتان دا، ەمدەۋدىڭ باسقا ادىستەرىن قولدانۋ قاجەت بولادى.

ەمدەۋدىڭ بۇل ءادىسىن قولدانۋ جاي-كۇيى اۋىر ناۋقاستاردىڭ سانىن ازايتۋعا كومەكتەسەدى دەپ ۇمىتتەنەمىز.

سوڭعى جاڭالىقتار

پاگانيني

ونەر • كەشە

وتىز جىلدىققا وي قورىتقان

قازاقستان • كەشە

ۇقساس جاڭالىقتار