"الەمدەگى بارلىق ەلدە سونىڭ ىشىندە قازاقستاندا كوروناۆيرۋس ىندەتىنە قارسى كۇرەس جۇرگىزىلۋدە. بۇل ارينە وتە اۋقىمدى, كۇردەلى جۇمىس. وسىعان وراي مەملەكەت تاراپىنان تەڭدەسسىز شارالار قابىلداندى. كوروناۆيرۋسپەن كۇرەسۋ ءۇشىن بيۋدجەتتەن قوماقتى قارجى ءبولىندى. تۇرمىسى تومەن وتباسىلارعا ازىق-ت ۇلىك تاراتىلدى. شاعىن جانە ورتا بيزنەس وكىلدەرىنە بىرقاتار جەڭىلدىك جاسالدى. ەلباسىنىڭ باستاماسىمەن قۇرىلعان ء"بىز بىرگەمىز" قورىنان دا كولەمدى قارجى ءبولىنىپ, مۇقتاج جاندارعا ناقتى كومەك بەرىلىپ جاتىر. بۇل جۇمىستى Nur Otan پارتياسى بەلسەندى تۇردە جۇزەگە اسىرۋدا. وسىنىڭ ءبارى بىرلىگىمىزدىڭ بەكەمدىگىن كورسەتەدى", - دەدى قاسىم-جومارت توقاەۆ ء"بىز بىرگەمىز" ونلاين-فورۋمىندا.
بۇدان سوڭ, ول كوروناۆيرۋستان قايتىس بولعانداردىڭ تۋىستارى مەن جاقىندارىنا كوڭىل ايتتى.
"دەگەنمەن بۇل اسا جۇقپالى دەرت دەنساۋلىعى مەن ومىرىنە قاۋىپ ءتوندىرىپ, حالىقتىڭ ءال-اۋقاتىنا نۇقسان كەلتىرۋدە. ەڭ الدىمەن وسى كەسەلدەن قايتىس بولعانداردىڭ تۋىستارى مەن جاقىندارىنا كوڭىل ايتامىن. سونداي-اق ۆيرۋس جۇقتىرعانداردىڭ تەزىرەك ساۋىعىپ كەتۋىنە تىلەكتەستىك بىلدىرەمىن. وسىنداي كۇردەلى كەزەڭدە بارشا جۇرت جاۋاپكەرشىلىك تانىتۋدىڭ قانشالىقتى ماڭىزدى ەكەنىن ءتۇسىندى دەپ ويلايمىن", - دەدى مەملەكەت باسشىسى.
ونىڭ ايتۋىنشا, ء ار ادام ءوزىنىڭ تۋىستارى مەن جاقىن ادامدارىنىڭ دەنساۋلىعىنا مۇقيات بولۋى كەرەك. بۇل قازىرگى زاماننىڭ تالابى.
"ىندەتتى جەڭۋ ءار ادامنىڭ ءوزىنىڭ قولىندا. بۇل ەڭ الدىمەن قاراپايىم قاعيدانى ۇستانۋدان باستالادى. بەتپەردە تاعىپ ءجۇرۋ, تازالىق ساقتاۋ جانە الەۋمەتتىك قاشىقتىق ۇستانۋ وتە ماڭىزدى. ويتكەنى بۇل ءسىزدىڭ جانە وزگە ادامداردىڭ دەنساۋلىعى ءۇشىن اسا قاجەت. تاعى دا قايتالاپ ايتامىن, "ساق جۇرسەڭ ساۋ جۇرەسىڭ", "ساقتىقتا قورلىق جوق". سوندىقتان ازاماتتاردى قورعاۋ ءۇشىن ءبىز بارلىق قاجەتتى شارالاردى جەدەل تۇردە قولعا الدىق جانە وسى جۇمىستى ارى قاراي جالعاستىرا بەرەمىز", - دەدى پرەزيدەنت.
