اتقارىلىپ جاتقان جۇمىستار تۋرالى ۇلتتىق ەكونوميكا ءمينيسترى رۋسلان دالەنوۆ, قر قارجى نارىعىن رەتتەۋ جانە دامىتۋ اگەنتتىگىنىڭ توراعاسى ءمادينا ابىلقاسىموۆا جانە "اتامەكەن" ۇكپ باسقارما توراعاسى ابىلاي مىرزاحمەتوۆ باياندادى.
بيزنەستى جۇرگىزۋ جاعدايلارىن جاقسارتۋ ءۇشىن ۇكىمەت زاڭنامالىق بازانى, رەتتەۋشى ورتانى ۇنەمى جەتىلدىرىپ وتىرادى, كەدەندىك اكىمشىلەندىرۋ جاقسارتىلۋدا. قابىلدانعان شارالاردىڭ ناتيجەسىندە قازاقستان 2019 جىلى "Doing Business" بيزنەستى جۇرگىزۋ جەڭىلدىگى جونىندەگى دۇنيەجۇزىلىك بانك رەيتينگىسىنىڭ توپ-25 ەلىنىڭ قاتارىنا ەندى, ءجىو-دەگى شاعىن جانە ورتا بيزنەستىڭ ۇلەسى 30,8%-عا دەيىن ءوستى. اتالعان كورسەتكىشتى 2025 جىلعا قاراي 35%-عا, 2050 جىلعا قاراي 50%-عا دەيىن جەتكىزۋ مىندەتى قويىلدى.
بيىلعى 18 ماۋسىمدا پارلامەنت سەناتى بيزنەس احۋالدى جاقسارتۋ ماسەلەلەرى بويىنشا زاڭنامالىق باستامالاردىڭ 8-توپتاماسىن قابىلدادى. 6 كودەكس پەن 33 زاڭعا جىلجىمايتىن م ۇلىككە سالىنعان اۋىرتپالىق تۋرالى اقپاراتقا قولجەتىمدىلىك, ەلەكتر جەلىلەرىنە قوسىلۋ اياسىندا ء"بىر تەرەزە" قاعيداتىن ەنگىزۋدى, تابيعي مونوپوليالار سۋبەكتىلەرىنەن اقپارات الۋ بويىنشا بارلىق كرەديتتىك بيۋرولار ءۇشىن تەڭ جاعدايلار جاساۋدى, ساۋلەت-جوسپارلاۋ تاپسىرماسى, توپوگرافياسى جانە تەحنيكالىق شارتتارى بار جەر تەلىمدەرىن بەرۋ بويىنشا راسىمدەردى جەڭىلدەتۋدى, سونداي-اق مونوپولياعا قارسى رەتتەۋدىڭ تيىمدىلىگىن ارتتىرۋدى كوزدەيتىن 200-گە جۋىق تۇزەتۋ ەنگىزىلدى.
ۇكىمەت باسشىسى بارلىق ءوڭىردىڭ كاسىپكەرلەرىمەن ماسەلەنى تالقىلاۋ, سونىمەن قاتار ەكونوميكالىق ءوسىمدى قالپىنا كەلتىرۋ جونىندەگى مەملەكەتتىك كوميسسيانىڭ وتىرىسىندا ماسەلەنى قاراۋ قورىتىندىلارى بويىنشا بيزنەستى قولداۋ جونىندەگى 43 قوسىمشا شارادان تۇراتىن ءىس-شارالار جوسپارى ازىرلەنگەنىن اتاپ ءوتتى.
ءىس-شارالار جوسپارى بيزنەس ۇسىنعان كەلەسى نەگىزگى باعىتتاردى قامتيدى, اتاپ ايتقاندا, ساتىپ الۋدى جەڭىلدەتۋ جانە قازاقستاندىق ۇلەستى دامىتۋ, اۋىل شارۋاشىلىعى تەحنيكاسىنىڭ ليزينگىن قارجىلاندىرۋ جانە كرەديتتەردى قايتا قارجىلاندىرۋ مۇمكىندىگىن كەڭەيتۋ, تاۋارلاردىڭ ەكسپورتىن دامىتۋ جانە راسىمدەردى جەڭىلدەتۋ.
"بۇگىن ايتىلعان بارلىق شارالاردى جۇزەگە اسىرۋ كاسىپكەرلىكتىڭ ودان ءارى دامۋىنا سەرپىن بەرەدى, قازاقستاننىڭ بيزنەس احۋالى مەن “Doing Business” رەيتينگىندەگى پوزيتسياسىن جاقسارتۋعا ىقپال ەتەدى", دەپ ا. مامين, مەملەكەتتىك ورگاندار مەن اكىمدىكتەرگە بارلىق جوسپارلانعان ءىس-شارالاردىڭ ورىندالۋىن قامتاماسىز ەتۋدى تاپسىردى.
