وقيعا • 23 ماۋسىم، 2020

قاراقۇمدا وسكەن قاراعاي

1172 رەت كورسەتىلدى

وسىدان 2 جىل بۇرىن بەلگىلى تۇركىتانۋشى عالىم سەرىكباي قوسانوۆ قىزىلوردانىڭ ارالى مەن اقتوبەنىڭ شالقارى اراسىندا ءوسىپ تۇرعان قاراعاي ورمانىن ۆيدەوعا ءتۇسىرىپ، ءبىراز جۇرتتى تاڭعال­دىرىپ ەدى. قالىڭ قۇمنىڭ اراسىندا جاي­قالىپ تۇرعان قاراعاي «قىزىلوردانىڭ قۇمى­نا ەشتەڭە وسپەيدى!» دەپ كەسىپ-ءپىشىپ ايتۋعا قۇ­مار ءبىراز اعايىننىڭ اپتىعىن باسقان بولاتىن. ءتىپتى وسىدان كەيىن ءبىراز ادامنىڭ كوكەيىندە «شالقار­دا شىققان قاراعايدى وزىمىزدە نەگە كورمەس­كە» دەگەن ويدىڭ قىلاڭ بەرگەنى دە راس ەدى. سول قاراعايدىڭ كوز جەتەر جەردىڭ ءبارىن جوتا-جوتا قۇم باسقان قاراقۇمدا ءوسىپ تۇرعانىن كورگەندە جوعى­مىزدى تاپقانداي قۋاندىق-اۋ...

تاۋلى جەردىڭ تازا توپىراعىنا شىعاتىن شى­كامشىل قىر قاراعايىن قۇم اراسىنا اكەلىپ تىك­كەن وسى اۋىلدىڭ بايىرعى تۇرعىنى امانجول جۇما­بەكوۆ اقساقال ەكەن.

– وسىدان 10 جىل بۇرىن باتىس وڭىرگە ساپاردان قايتىپ كەلە جاتىپ، قاندىاعاشتان قاراعايلى القاپ كوردىم. سودان كەيىن-اق وسى اعاشتى قا­را­­قۇمعا اكەلىپ ەگۋ تۋرالى وي مازا بەرمەدى. ادەپ­­كىدە اقتوبەدەگى تۇقىمباقتان الىپ كەلگەن كوشەت­تەرىمدى كوكتەپ كەلە جاتقاندا بىلمەستىكپەن ء«ولتىرىپ» الدىم. وسىدان 5 جىل بۇرىن سول وڭىردەن 10، بىلتىر 46 ءتۇپ كوشەت جانە اكەلدىم. سودان قازىر اۋلامدا 18 ءتۇپ قاراعاي ءوسىپ كەلەدى، – دەيدى اق­ساقال.

قازىر كادىمگىدەي بوي الىپ ءوسىپ تۇرعان قاراعاي اقتوبەنىڭ ويىلىنا كوكشەتاۋداعى بۋرابايدان جەتكىزىلىپتى. اقساقالدىڭ ايتۋىنشا ەندى بوي الىپ كەلە جاتقانىندا سۋىن ۋاقتىلى بەرىپ، كۇننەن تاسالاسا تاۋ قاراعايى قۇمعا تەز جەرسىنەدى ەكەن. قازىر وسىدان بەس جىل بۇرىن ەگىلگەن تالدىڭ بيىكتىگى 3 مەتردەن اسىپ قالعان.

امانجول اقساقال ەسىك الدىن كوگەرتۋ ءۇشىن ارنايى ۇڭعىما قازدىرىپ، جەمىس اعاشتارىن دا وتىر­عىزىپتى. ورىگى مەن شابدالىسى بيىل العاشقى ءونىمىن بەرمەك. ودان بولەك باۋ-باقشالىق القابى دا جاي­قالىپ ءتۇر.

قۇم اراسىن ابات باققا اينالدىرعىسى كەلەتىن قاريانىڭ ابدەن ىزدەنگەنى بايقالادى. ول الداعى ۋاقىتتا تاعى 50 شاقتى كوشەت اكەلىپ، وسى ماڭدى قاراعايلى ورمانعا اينالدىرۋدى جوسپارلاپ وتىر.

 

قىزىلوردا  

 

سوڭعى جاڭالىقتار

ەلگە كەرەك ەكى كىتاپ

رۋحانيات • بۇگىن، 08:52

«عارىشقا اپارار جول»

رۋحانيات • بۇگىن، 08:50

العاشقى عارىش ايلاعى

وقيعا • بۇگىن، 08:48

تاريحي جەرلەردىڭ تاعىلىمى بولەك

رۋحانيات • بۇگىن، 08:30

شيرەك فينالدا ءسۇرىندى

تەننيس • بۇگىن، 08:11

ەل-كلاسيكودا جەڭىسكە جەتتى

فۋتبول • بۇگىن، 08:06

رۋحى بيىك ەل ەشقاشان جەڭىلمەيدى

رۋحانيات • بۇگىن، 08:05

يزرايلدەن باسىم ءتۇستى

سپورت • بۇگىن، 08:04

عىلىمنىڭ جاڭا بەلەسى

عىلىم • بۇگىن، 08:01

ۇلتتىق ۇردىستەر ۇزىلمەيدى

قازاقستان • كەشە

ۇقساس جاڭالىقتار